08-04-20, 06:45 AM
| #1 | ||||||||||||||
  بحة غياب
| 
داخل الأقواس .. حصرية • • بكيت و نفذ صبر الدموع وتدلى ياس يعبر عن شعور المحاجر و يشفي غل ياليته يبل عروق ضميا ذبحها فاس ولكن ذبحها الفاس قبل العروق تبل وش اللي يغرك فيك لا يا بريق ألماس أنا لي مهابة ولي سطوة وليّه ظل على كل أرض أمرها أجوبها عساس وأجوب الأراضي كل ابوها وتنبت فل وجودي على اللي محبته مالها مقياس وجود الذي ما انذل في عمره و انذل عليه الكلام اللي انحبس داخل الأقواس وعليه الجروح الماضية لا طرى بِطل؟ من أسلوب أغلاط و مفاهيم جرح الناس لزوم أرتكب لي فاحشة لجل ألاقي حل ياذا العقل لا تتعب ظنونك مع الهوجاس مادام ان لك مبدأ ولك في فؤادك خِل تجلّى بكل إحساس أوتيته بإحساس مادام إنك كائن طيني ومن إلهٍ جل إلهٍ بيكفيك شر هالناس والوسواس ليا منك جيته ضايق إركع تذلل سل إلهي طلبتك مسني ضرّ هالأجناس وانت الوحيد اللي دعيتك بجهدٍ كل من مكاتم العبرات ومجاذب النسناس يالين الصبر يا ملتجا الروح مني مل إلهي طلبتك طلبة انك تزيل الباس وتجمعني بذرب الطبايع حسِين الدل وتلبسني من العافية يا إلهي لباس وتلطف بي بيومٍ نهاره أحس بذل لأن عمري اللي راح روَّح بطرف نعاس ولأن الأجل لابد يومه علي يحل قبل ينظر إحساسي مصيره على الكراس لوجهك إلهي كل مخطي علي بحل • • أنا فداهم  | ||||||||||||||
| |
|
08-04-20, 07:03 AM
| #2 | |||||||||||||||
   
|  صح لسانك وسلم بنانك على الابيات جميله ... والبسك الله لباس الصحه والعافيه | |||||||||||||||
| |
|
08-04-20, 09:46 AM
| #3 | ||||||||||||
  
|
صح لسانك فداهم وبووحك قصيده كلا احساس ، لك ..  | ||||||||||||
| |
|
08-04-20, 09:43 PM
| #4 | ||||||||||||
|
صح لسانك وعلا شانك ولا فض فوك ابدعت وامتعت انا فداهم دمت ودام قلمك المميز  | ||||||||||||
 |
|
08-04-20, 09:55 PM
| #5 | |||||||||||||
|
ابداع كلمات جميلة جداً صح لسانك والله يعطيك العافية | |||||||||||||
| |
|
08-05-20, 01:43 AM
| #6 | ||||||||||
|
صح لسانك يا شاعرنا ألكبير دمت ودام قلمك الراقي ألبديع ويعطيك ألف عافيه ياغالي . | ||||||||||
| |
