|
مســــك الختــــامـــ أتمنى تلامس اطراف ذائقة البعض منكم!!!!! بسم الله أبدأ :: :: الظروف احيان تفرض على الناس الجفى لين خلتنا كذا لا سلام و لا كلام !!!!!!!! والا انا وافي ومن عادتي راعي وفى عارفٍ حق المسالم و مردود السلام جيت في صف العذارى سواة المحتفى محتفى به بالحلا ماخذن تاج و وسام جوكم صافي ولكن جوي ما صفى والظروف معسكره في سما جوي غمام فيني من الحزن شي ٍ يذوب له الصفى فيني من الهم ما لا يوصّفه الكلام الزمن مركي علينا و عيا ما اكتفى والصبر نوّخ ولا عاد في خشمه عرام رحت مني عام الاول ولا منك لفى علم والا حلم ياللي تجيبون العلام جمر شوقي لك مع صدة الغيبه طفى والعمر ما عاد يقبل مراسيل الغرام والعنب والتوت يفرح بها وادي الشفى والعتب مرفوع ما عاد يلحقني ملام ما كشفت اسرار حبي لبحّاث الخفى راعي المزحات لاهي حلال ولا حرام كم عذول ٍ يبذل الجهد في هرج القفى في عروض الناس ماله لجام ولا خطام في عداوتنا غدوا حزب واحد و حْلفَى جعل بنيان ٍ بنوه العواذل للهدام و الختام إلك التحيه رغم طول الجفى و اعتبرها في قصيدي معك مسك الختام بو نوره |
. جوكم صافي ولكن جوي ما صفى والظروف معسكره في سما جوي غمام فيني من الحزن شي ٍ يذوب له الصفى فيني من الهم ما لا يوصّفه الكلام الله..! صح لسانك واعتلى شانك أبيات ججميلة حقاً لامسني هالبيتين حقيقة ...! دمت بخير |
قصيدة من الشاعر الكبير ابو نوره والله شهادتي فيك وفي شعرك العذب مجروحه جداً ماشاء الله عليك مبدع مبدع مبدع ياخي اعذرني لكن الكلمات خانتني ولا اقدر اعطي هالقصيده حقها من الثناء ربي يسعدك ولا يحرمنا من وجودك بيننا يختم ل 3 ايام تقييمي خمس نجمات |
اقتباس:
الجمال تجلى بحضورك صح بدنك وبيض الله وجهك انتم المكسب الحقيقي |
صح لسانك اخي الفاضل بو نوره ابيات جميله تسلم |
اقتباس:
|
| الساعة الآن 03:05 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا