|
مــــــريــــــــمـــ بسم الله أبدأ :: :: يا بيوت القاف غني علي لحن الفرح ما بقى لك عذر في طرق قافك يا بيوت القريحه سامحه يوم وقتي ما سمح والمعاني فضفضت عقب ما طال السكوت في فرح مريم بدى البدر نوره و اتضح والليالي زغردت لين زاد الصوت صوت واقبلت بالسعد و الخاطر العمس انشرح بالسعاده صرت كني من كبار البخوت الاماني لك ملحّه وانا طبعي مُلح لا غبطت اهل العمايم ولا أهل البشوت يا عمار القلب وانتِ ضماده لا انجرح حبكم حب الضنى هو غذا قلبي و قوت قوت يغنيني من اللي زرع واللي فلح مكسبي هو قربكم بالشهاده و الثبوت بالوصل عمّرت بيت ٍ على الطاعه صلَح واكثر بيوت الترف مثل عش العنكبوت يا عظيم الشان من نال توفيقك ربح لا تحرم اللي ترجّاك في وقت القنوت طالبك تكتب لمريم السعاده و الفرح لا عدمنا ضحكة الجادل الترف الخفوت قلم /بو نوره |
تستاهل مريم وكل من اسمها مريم بو نورة |
صح لسانك اخوى بو نوره وتساهل مريومه ، يعطيك الف عافيه اخى الفاضل |
اقتباس:
شكرا لتفاعلك |
صح لسانك شاعرنا الكبير ابو نوره ابيات قمه في الابداع ماشاء الله عليك يختم ل 3 ايام تقييمي خمس نجمات |
قبر اقتباس:
وجودك وتفاعلك يعني الكثير لانك شاعر جزل يبوح بشعر اصيل ويفقهه وصاحب ذوق رفيع ارق التحايا |
| الساعة الآن 05:18 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا