## .. شبيت ضوّ الغلا .. ## شبيّت ضوّ الغلا في داخل اعْـماقي واليـوم تسال عن اللي صار بسنيني ما كنت عارف بحبّـك نـاوي اغْـراقي حتـى شـعرتك بصدري شوق يغريني يا زين تـكفـى دخيلك تسقي اشْواقي من نـور صبحـك طلبـتك دوم تسقيني جــودي عليـّه بطـيبـك زيـد بـعـناقـي وانـثـر بقلـبي عـطورك همس يحيينـي تـدري أحـبّـك وحبـّـك ســبّب احْـراقي من حــور عيـنــك تكَـرم ثــمّ طفّـيني ليـتـك عليّـه تـحـنّـي من عنى احْـداقي تـرحــم حبـيـبـك من اللي مسهر ٍ عيني همســــة : أمانة الحرف تستدعي عند النقل أن تذكر صاحب القصيدة . تحياتي فكر الحرف |
صح لسانك فكر الحرف ابيات رائعه بحق يختم ل 3 ايام تقييمي خمس نجمات |
اقتباس:
يا هلا ومرحبا نورت صح بدنك ولا هنت الأبداع بهذا الحضور للبق وشكرا على التقييم والختم . تقديري وودي لسموك فكر الحرف |
صح لسانك فكر وحرف صح لسانك ملايين أبدعت يغالي قصيده رائعه مايلام سارقها مهو انا ناويه أسرقها بس بعد حين بإذن الله هههه احترامي لحرفك العذب وفكرك الراقي |
اقتباس:
يا هلا بك شاعرتنا أحلام صح بدنك ولا هنتي ههههههه ما عندنا إلا حلالك وأدري ما تسوينها لأن ما لديك من قصائد أجمل بكثير مما قيل هنا فالبحر لا يأخذ من البحيره . تقديري وودي لشخصك الكريم فكر الحرف |
ضو شبيته يا بعيد ...... المراقي في قافك اللي هاجني يا ضنيني ضروف الوقت وربعنا والسواقي ما تسقي اللي مثلنا .. مستحيني يا فكر الحرف وسيده والبواقي من ناسنا يا سيدي .... يا عويني اشكي لك دنيا ما بها خير . لاقي اشكي لك ناس تزعجن بالطنيني سقت القدم وغرزت .. بالمساقي في قيعة ما فيها مي ... وطيني حارت ودارت بارضها باحتراقي والناس ترثع قربنا ..... ما تبيني وكل السبب مذاقهم مو . مذاقي ولا دينهم يالذيب شرعي وديني قعدت الحالي وربي الله . واقي اصبر واصابر احتسب كل حيني |
الساعة الآن 06:07 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا