|
ألف ليله وليله!! ياليت الأيام تاخذ لي معك موعد واماطل الوقت من ليله إلى ليله في مركب الوصل لا نجفى ولا نبعد واحط في كبد عذال الهوى كيله خل العواذل علينا تزبد و ترعد والحاسد يضف عفشه لا فتر حيله وانا معي شوق لا يركد ولا يقعد مثل الشعيب الوسيع اللي هدر سيله واحسب الايام واعد الليالي عد واعيش جدول غيابك مع تفاصيله يبو جديل اشقر ٍ لا سايح ولا اجعد ياخذ مع نفحة النساس له ميله من شاف وضّاح خدك يالغضي يسعد و يطيب ليل المودّه مع تعاليله !!! سهم الهوى في محافظ مهجتي يصعد ربحان من دون تعزيزه و تمويله !!! واخذ الجواب المعرّب و الصحيح يعد عيّشتني ألف ليله يالغضي و ليله !! قلمي/بو نوره |
صح لسانك شاعرنا ابو نوره ابيات قمه في الابداع قصيده راقت لي كثير يختم ل 3 ايام تقييمي خمس نجمات |
اقتباس:
لو نالت هذه القصيدة فقط ردك انت ياشاعر المناجاة لإكتفت فخرا وشرفا يكفيني شهادتك يا متذوق الشعر الاصيل وقائله تحياتي |
شكرا لك اخي الغالي بو نوره وهذا شرف لي وانت شاعر لا يشق لك غبار لا حرمنا الله من تواجدك بيننا |
| الساعة الآن 08:02 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا