10-03-20, 01:55 PM
| #1 | |||||||||||||
  
| 
الويكند .. طار يا قدعان ..!! ما يدري الواحد وش يقول ولا يدري وشلون يفاتحكم بالموضوع يحتار الواحد منين يبدأ وكيف يختم كلها من بعض الناس اللي تجيب الاخبار السيئة بالويكند  تعرفون الويكند !!!!! وكل واحد منكم دخل بالويكند من باب الدخول ،، وما لبث ان خرج من باب الخروج  إلا الأحد بوجهه وحاط يدينه بوضعية : ( ما اعرف المصطلح المناسب للوضعية ورحت قوقل وعطاني وضعيات نوم وصلاة وبلاوي متلتلة +18،،،وووو الخ نوصفها لكم يمكن توصل الفكرة حاط يدينه - اللي هو يوم الاحد - عكس بعض على صدره نفس وضعية الام يوم تدخل غرفة عيالها معصبة لأنهم حاسوا المطبخ يطبخون اندومي  وتوقف على الباب وتحط يدينها بالوضعية التي نحن بصدد وصفها الان وتسند كتفها على حافة الباب وتميل بزاوية انحناء بسيط من ناحية الخصر وتناظر لهم لهنيهة من الوقت قبل تتكلم عاد هم كانوا يلعبون بليستيشن وبعضهم معاهم جولاتهم يلعبون فيها واحد منهم لابس سماعات كبيرة كأنه كابتين طيارة و لحق عمره يوم شاف وضعية ما قبل البركان وعلى طول فصل السماعة لا يسمعون خوياه التسفيلة اللي تبي تجيه تزحف زحف هذاك فتح المنصة وعين بالويكند يحاول يدور مقطع شرح يعني اني مجتهد << هذا يصير ترتيبة بالعايلة بالوسط وواحد منهم فاهم ان الوضع خربان فنزل الجوال على طول وهيأ نفسه لتسفيلة ويبيها تبدأ بسرعة على شان تنتهي بسرعة << هذا هو نفسه اللي متعاهده معاه الام يجيب خبز من البقالة والباقي له واذا ما عطوه الباقي يجحد بعض الاصناف ويقول ماعنده زبادي واشتريت لي عصير ما علينا من وضعية الاولاد وحنا الان بصدد وضعية الام اللي في هذه اللحظة تشبه وضعية يوم الاحد بعد الويكند تحس انه يبي ينكد عليك وناستك اللي كانت بالويكند ) << تلاحظون اني قفلت القوس بعد العديد من الاسطر  مهم إن الواحد اذا حط اقواس انه يقفلهم ولا يخلي الدرعا ترعى  والا كيف تبي الاعضاء يوم يقرون الموضوع ويدخلون بالقوس ويضلون يدورون القوس الثاني ولا يلاقونه بكذا راح تفقد مكانتك الكتابية والثقافية ولا راح احد يقرأ لك تلاقيهم يقولون هذا يحط قوس ولا يقفله << يا شماتة ابلة ظاظا فيني عاد اللي يحط قوس ولا يقفله مثل اللي يقول لك انتظرني شوي وراجع ولا يرجع لك او مثل اللي يدخل نفق طويل ويوم يوصل نهايته يلاقيه مغلق عاد انت معقوله تبي تنتظره العمر كله ؟؟!! والا راح تمشي وتفقد ثقتك فيه تراها نفس الشي  المهم نرجع لصلب موضوعنا بعد ما قفلنا الاقواس وكسبنا ثقة القاريء عاد يجيك الخميس الونيس وفي هذا اليوم تمشي على قاعدة ابو ياسر وقاعدة ابو ياسر تنص على التالي : لا تخلي احد ينكد عليك يوم الخميس حتى لا يتأثر الويكند بالنكد يعني مشي الامور خاصة خلال وقت الدوام واي مشاكل لا تخوضها وخلها ليوم الاحد وهذا يدل على ان الزميل ابو ياسر فاهم الالية المثالية للتحضيرات المثالية للويكند حتى لا يشوبه شوائب تجعل منه يوم كأيام الاسبوع الكبيسة حتى الاخبار السيئة نبي نتعاهد على عدم البوح فيها بالويكند وتاجيلها للأحد  ونجعل شعارنا ،،،، ويكندنا صافي بلا نكد  ما ادري ليش كتبت لكم السرد اعلاه يمكن بسبب اخباريه جتني قبل قليل ازعجتني ...!!!! أو ان الويكند شارف على نهايته....!!!! أو ان الاحد واقف بالوضعية السالفة الذكر وينتظرني ...!!!! أو اني حسيت بالفراغ العاطفي وبديت اخور بالكتابة ....!!! بصراحة ما ادري  انتم عوض النفس اذا شفتوا الموضوع يدل دلالات غير جيدة على الكاتب انسوه أو طنشوه أو اقول لكم احذفوه أهم شي لا تتعرضون لشخصية الكاتب بعدين يرفع عليكم قضية لمكافحة الجرائم الالكترونية ونجرجركم بالمحاكم وخلوني اعلمكم تروا العسكري الحارس اللي عند الباب قبل تدخل على الشيخ تنتظر عنده شوي وتسرد عليه انك مظلوم ما ينفعك بشي ابداً خلك قوي وواجه مصيرك وتجهز تدفع التعويض لي في حال كسبت القضية  وزغرتي يا مديحة | |||||||||||||
|
التعديل الأخير تم بواسطة توماس ; 10-03-20 الساعة 02:09 PM |
|
10-03-20, 02:03 PM
| #2 | |||||||||||||||
  طفله الورد 
| 
ههههههه افلقني لو فهمت شي بس الوصف ذبحني | |||||||||||||||
| |
|
10-03-20, 02:22 PM
| #3 | |||||||||||||
|
جدوي نورتي الموضوع الفكرة العامة للموضوع لا تخلي أحد ينكد عليك الويكند سدحناها في هذا الاسلوب ليتقبلها القاريء النهم والقاريء العادي والتماتيك  | |||||||||||||
| |
|
10-03-20, 05:01 PM
| #4 | |||||||||||||||
| طفله الورد
|
حلو اسم جدوى افكر اغير اسمي هههههه | |||||||||||||||
| |
|
10-03-20, 10:14 PM
| #5 | |||||||||||||
|
يا حووول عفسنا الاسم معليش جودي من زمان قلت لكم فيه مشكلة بالتسيق بين فص الدماغ والايمن والفص الايسر وحركة اليدين التزامن المطلوب يحتاج مهارة وصفاء ذهن | |||||||||||||
| |
|
10-03-20, 11:37 PM
| #6 | ||||||||||||||||
 ⓑⓛⓐ©ⓚ ©ⓐⓣ
|
هههههههههه. ربي تموت ضحك الله يعينك ع الدوام والله انا للسنه الثانيه ويفترض اني ادرس السنه ذي بالكليه بس كنسلت كلوووو عشان م اصحى بدري .. ااااخ من الدوام يم يقرررف والله وصفك يجنن وحدددا مرحا وروحك حلوه ..... عجبني الموضوع وعجبني الطرح الغريب ومن وين تجيب لك مديحه تزغرط الحين ... | ||||||||||||||||
| |
