|
أنــا مســـافر مدخل: سافرت هي عن حبه طواعية فسافر هو عن قلبها!!!!! بسم الله أبدأ :: :: أبترك الدار لك و اترك لك الديره والروح ماهيب في يمناك مرهونه مشكور واللي حصل يا طيب السيره ترجم جميع الذي كنتوا تخشونه صبرت صبر ٍ ينشّف ماه من بيره واسرار متبعثره و اسرار مصيونه والشوق ملعون في مده و تقصيره ما يرحم اللي سببه الروح محزونه والوصل مزن ٍ تحدّر من شخاتيره يروي عروق ٍ يباس بصادق مزونه لكن خليتها لك جعلها خيره و مفارقك صار لي أرباح مضمونه والعاذل يدق مزماره على زيره ويجر صوته على فرقاك و لحونه والشامت يفسرك من ضمن تفسيره وتصير ضحكة حكي ياللي تعرفونه منتب كفو للذي خصّك بتقديره والحب منتب كفو شكله ولا لونه والعذر خله معك طرحه و تبريره عذرك على اللي تنشّد ويش مضمونه ديره بديره و أبدل جيره بجيره من غير محدٍ يبيّح كل مكنونه بروح للي ملكنا في تعابيره الجادل اللي سببه النفس مفتونه ادعج غنج ما خلق زينه على غيره مزيونةٍ وان تحاكت ويش مزيونه ؟!! والعمر فاني ولا شرّه ولا خيره والحب سنّه مع العربان مسنونه كل ٍ يحاول و جهده من مذاخيره واللي مضى في سبيله لا تلومونه الحاسد يموت بالحسرات والغيره واهل الوفى حاضره توفي و ممنونه بو نوره |
حروف عذبة وكلمات نقية واحساس مرهف جميل صح لسانك ..وسلمت يمينك ودام نبض قلمك اخوي يختم لمدة 3 ايام + تقييمي + الفايف ستارز |
ابو نوره اقسم بالله قصيدة من اجمل ماقرائت لله درك من شاعر احسنت احسنت احسنت اسجل اعجابي بشخصك الكريم وحرفك الراقي تقييمي خمس نجمات وفوقها صح لسانك يامبدع |
اقتباس:
مرورك نور.... تشرفت به صفحتي واشرقت به تحياتي |
اقتباس:
اشكر مرورك العطر وكلماتك المشجعة ودي واحترامي |
... الشاعر الراقي .. ابو نوره .. أجزلت في عذب المعاني وجمال الكلم ... ارتقيت بهذا النص حتى جاورت الثريا .. لله درك .. صح لسانك وإحساسك المرهف ... ... لا خلا ولا عدم ... |
| الساعة الآن 06:05 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا