طمنوني ارجوكم
 

السلام عليكم وجمعه مباركة معكم احد عضوات مسك الغلا

انا اليوم الساعة 10 ونص وانا امشط شعري حطيت ايدي خلف اذني وحسيت بحبة صغيرة بحجم حبة العدس واخرى اصغر منها تحت اذني. مايوجعوني لما اضغط عليهم احس بألم . والله خفت ورحت اسأل في مواقع التواصل لقيت كلام يخوف اللي يقول سرطان واللي يقول مرض خطير ومدري ايش انا جدا خايفة مادري وش يصير بلبيت صرت وكاني بمكان لوحدي اهلي اليوم كلهم طلعوا برا وانا ماعندي روح اطلع مكان . وماكلمت او حكيت لاحد ابدا بلحبة اللي حسيت بها اليوم. ارجوكم اللي سبق وان صار معه نفس هذا الششي يتكلم ويطمني وريح قلبي وافكاري وحبيت اقلكم إني انا قبل 10 ايام خرمت اذني في الغضروف والحين ورمت وصارت حمراء ممكن يكون في الة سبب :(

إن شاء الله مافيك إلا العافيه

نقعي (( مُر )) في مويه ثم أشربيه على الريق في الصباح

وتطمني هذي ليست علامات أمراض السرطان بل ربما إثلول أو دمل

يا اخي او اختي
بالله عليك لا تسمع كلام النت
والله يحبطون نفسيتك ووقت تكون زين يطلع فيك الف شين
الي عندك ممكن شي عادي
لا تقرا عنه بالنت ولا تخاف وتقلق
انتظر يومين ولا تلمسها ولا تفكر فيها
اذا ما راحت راجع طبيب
وبالغالب عندك التهاب وعادي
لا تخاف
ورجاءا اترك النت
لا تسمع منه
والف سلامة عليك يارب

يمكن يكون بسبب الرطوبة والحر اذا عندك مناديل بنج (مسحة طبية) مسحي عليها
و ان شاء الله بيروح

اهلا بك عزيزتي
كنت ساسالك اذا فيه جرح في اذنك سواء خارجها او في داخل لكن وجدت الجواب في اخر كلامك
بسم الله عليك شنو وصلك لسرطان وما لقيتي تسالي الا اصحاب مواقع التواصل !!!
الحبة الصغيرة يا عزيزتي مجرد غدد لمفاوية تنتفخ
بسبب عدوى او اذا عندك التهاب في الاذن او جرح ملتهب
وبما انك قلتي خرمتي اذنك في الغضروف اذا فيه التهاب نظفي مكانه
ولو حبيتي تشربي مضاد حيوي اشربي او اتركي مناعتك تقوم بواجبها من تلقاء نفسها
وحتى اطمنك اكثر اختي حصل لها مثلك لكن كانت تعاني من عدوى الانفلونزا وخافت
وراحت عند الدكتورة وقالت لها الانتفاخ الطبيعي حدوده 15 يوم ويروح
لو تجاوز هاد الفترة وقتها الواحد يستشير الطبيب
ارتاحي ولا تفكري كثير
سلامتك عزيزتي وما تشوفي شر

موجوده هاي الحبة عند أغلب الناس.. بس حسب علمي ما توجع.
سلامات.