احتفظ بالقصيد
 

(احتفظ بالقصيد)


هاجس الشعر لك عندي عهود ونظام
ما اتعداه لو طالت عليّ (السنين)

لا بغيت الجزال اصوغها بانتظام
مثل ما يُصنع السيف القويم (السنين)

قادر ادون العالم عليّ الحرام
في ثنايا قصيدة بس عذري سمين

مالي ومال تقويمي خطايا الانام
لو بتابع جميع الناس شيبي يبين

بس يرتاح فكري كان قل الكلام
عن تفاصيل شعر الغير والمبتدين

احتفظ بالقصيد وبالمشاعر تمام
دامه الي يبرّد حر صدرٍ حزين

ايه شعري لنفسي ما يجيني ملام
والشعر من شعور القلب له غايتين

كان من شوق واعجاب ومواصل كرام
او من الهم والضيق وعلوم الانين

واقدر اميّز المسبوك والي حطام
واتحوّل سفينة جزل للعابرين

مير ودي على الدنيا اعيش بسلام
واحفظ اهل المكارم فوق راسٍ وعين

ودام مسك البداية مثل مسك الختام
بفتح زرار صدري لو يطير السجين

كلمات الشاعر
سعود الربيلي

على اليوتوب ✋🏻

https://youtu.be/TXqHGQgFpPA