((ودي احضنه))
 

احييتني والموت قبلك ... عرفناه
الله يجدد عهدنا .... . ... يا حبيبي
يا عزنا يا ذخرنا ....... .. يا حلولاه
بالساعة اللي نلتقي به .... . بذيبي
عشرة شهور وغبنة القلب . تشعاه
والصدر صوته مثل صوت القنيبي
كم ليلة لاجل الوليدة ..... سهرناه
وكم دمعة من فوق خدي . صبيبي
توه صغير ويطرب النفس ... ملقاه
وعلومه اللي تسعدن في . مشيبي
ويلاه من بعده عن العين .... ويلاه
يالله تجعل عودته لي ... .. قريبي
ودي احضنه لو رفض ... ما تركناه
حيثه علاج الجرح وحيثه طبيبي
يعجبني لحظة الزعل يرعب اعداه
وجمر العيون اللي تهد ... الحريبي
يالله ثبت لي في ضنيني .. مزاياه
نعم المزايا في الزمان .... العصيبي
حنا تعبنا في ضنيني .. .. ومجناه
لاجل الظروف القاسية . والمريبي
عدونا اللي ما تغير ..... .. .. نواياه
قلبه علينا مثل جمر ....... اللهيبي
أبي ضنيني يعتمد له ...... وينصاه
ينشد عن اللي عندهم من نصيبي

القارظ العنزي

أسألك يارب يا المتجلى في علاه
تجل لقا القارظ مع وليده... قريبي

ويسعد به وينال القلب .....ماتمناه
وتكف عيونه عن دمع..... ونحيبي

سلوم يافرحة الخافق ...... ومغناه
شوفك للقلب المعنا..........طبيبي

يالله ياقادر ياذي العز........ والجاه
تجعل اللقاء ما بينهم........ قريبي


القارظ العنزي
الشاعر العذب بكل حالاته
اسأل الله ان ييسر امورك وتلتقي اهلك وعيتلك قريب

صح لسانك يغالي

الله يديمك يا بعد كل .... مجناه
يفدونك الأقصين واللي . قريبي
ياللي بنيت البيت واجزلت معناه
يوم غيرك بالقوافي ...... سريبي
الله يزيد الخير مثلك .. وشرواه
اهل الوفاء يالترف جود وطيبي
عز الله انك بالصبايا .... خونداه
بنت الرجال اللي تعز ... النديبي
انت فخرنا وكل منه ..... عرفناه
وانت فخر من قال جدي عريبي

اللهم آمين احلام الله يرفع شأنك ويحفظك
حيثما كنت

اسير الغلا ما عليك زود
ومرورك عطر متصفحي
وكلامك شهادة فخر ووسام
عز اضعه على صدري لاهنت
يالحر النادر والأسد الصميدع

صح لسانك شاعرنا الجميل

ابيات رائعه

يختم مع التقييم