|
مَشْهد ! مِنْ خَيال الطُّرُقَات : :ah11::ah11: يَســأل الشّـــارع .. يدوّر تحت عمدان الإنارة عـن بقايـــا ليــل يسهـــر شاعريّتــه الوحيـدة ! للأســـف مـا ملّ يشرح لانتظاره ... انتظاره لين مــا حـــسّ إنّــه بجوّاه مــن صـار الفقيدة شخص مُهمَـل وأكثر العالم تباهى فـي جواره واحـــدٍ كــلّ العيــون الحانيـــة تقـــرا عديــدة لــو يصيــر الحزن فتنة فالمرايـا كــان صاره لــو يجيــد الحبـــر يَكتب كــل ناسه مـا يجيده قـال : أنا الّلي مـن جميل الصبر يتجمّل وقاره دايـم أكبــر مــع طموحات المسافــات البعيدة عـن كثير الصمت يكفي تشتعل فالنفس غــاره وكلّ نبضة من خفوقي لو تساقط لــك شهيـــدة وعــن كثيــر البوح يكفي تختزلني فــي عبارة توحــي إنّي رغــم كــلّ البعثــرة جملـة مفيـــدة وعـن قليـل الشوق ودّي لــو أصافحك بمـرارة يا غيـــابٍ كلّمـــا مدّيـــت يـدّي ... مـــدّ إيـــده يــا رجـوعٍ كُلّمـا ضمّيتــه ... أهــداني فــراره كنّـــه الريــح وملامــح قلبـي أطــراف الجريدة أجمل من الموعد اللي فرصته مـا هـي سعيـــدة انّــك اتكون الحضــور بمسـرحي مـا هي إثـارة ودّي المشهـــد تكـــون الّلــي أصفّق لـه وأعيـده وانّـــك المُلهــم تكــون لفكرتي مـا هـي مهــارة إنمـا كـــلّ المهـــارة ... إنّــك تكـون القصيـــدة / وَهَج |
........ |
الله ابداااع صح لسانك ع البوح العذب والاحساس المترف وسلمت يمينكِ ودام نبض قلمك لاعدمنا جديدكِ غاليتي يختم لمدة 3 ايام + تقييمي + الفايف ستارز |
كان ظني في محله دون توضيح إستعاره كاتبت هذي الحروف فـ بوحها دايم فريدة من هو اللي غاب عنا دون تقديم اعتذاره لين ملت من رجوعه كل اقسام الجريدة ! كان ياما كان فارس يرهب الاعدا انتصاره صاغ حلم وطاح نجم(ن) من اعاليه البعيدة ! * * * أهلاً بعودة الشعر أهلاً بكل التميز والإبداع أهلاً بك يا وهج الشعر تحفة فنية رائعة جدا عذوبه وجمال انطربت شعر خالص شكراً لك ولك كل التقدير مع كل الامنيات لك بالسعادة . |
من فرحتي ودي أوقف واصفقلك..... بحراره يالشاعره يالنادره أبدعتي بنظم..... القصيده ماتعديت الابداع ولا ابتعدت عن...... .مساره لين ما تفردت بالحرف وسموكي...... الفريده ياوهج ابتعادك عن ساحة المسك اكبر خساره يالحاضره في غيابك حتى لو كنتي....بعيده يا هلا وغلا ويالله بالشاعر وهج من طول الغيبات جاب الغنايم صح لسانك مدد بلا عدد ودي ورشة عطر |
إن كان ما كان من خيال طرقات فمن يرشدني لحيّ من أحياء أحد تلك الطرقات فحيّ من ألق الوهج يكفيني حتى حين من الدهر ،،، ويا حي ذي الطلة بذمتي فإن كانت تغلي فأنتِ غالية كفاية وإن كانت ظروف اخبريها نيابة عن كل الإبداع إن الظرف يليه مضاف إليه وذاك الظرف لم يضف بل أنقص والنقصان منقود منقود ،،، وإن كانت استراحة فالإبداع فقد جزء كبير من الراحة ،،، ومن ثم |
| الساعة الآن 06:38 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا