|
 ياصباح الخير .. :( وراه كذا خيالك مارتبني مثل اللي قبلك .. مشكله اللي من نفس البيئه يكشف اوراقك هههه وقت العصريه عند الابل صحيح اصير اشعث اغبر .. اما غيره فاجتهد بالاناقه ترى ماروح للمسجد الا متعطر وكاشخ. /. غيري هالنظره فيني برمجي خيالك / بحط صوره العرض جواد العلي يمكن افتك من الاشعث هههه هلابك منور |
 مرحبابك ياهلا .. عصبي شوي على موقف فقط اعصب شوي لكن انسىء ... ملتزم / ياليت لكن الحمد لله مو هذاك الفاسد ... لكن عندي اخطاء ويمكن لاني احب ما اكتبه شكل شرعي دائما هذا ما احب ان اكتب مايرضي الله وانور حتى لو كنت مو من الملتزمين لكني احب الصالحين ولست منهم .. بالعكس جدا حريص بالاهتمام لكن اتغافل احيان بعض الصفات لاتنتمي لي .. تحليلك اخذ من شخصيتي 30٪ الباقي ماهو فيني اما شخصيتك في نظري / صاحبه موضه وصحيه بالاكل ماجاء بخيالي انك متينه ابد ولانحيفه لكن كعارضات الازياء هذا ما ذهب به خيالي تهتمي بالاتكيت متحرره بزياده حساسه بقوه تتاثري في اي كلمه انتقامك قوي توصل للخط الاحمر .. ماتحبي التجمعات الهدوء طبعك : متأثره بالافلام :) يمكن يصدق خيالي يمكن لا هههه |
.... ليه بعض الجماعه هنا .. متصورني ساكن بيت شعر والناقه مربوطه بالخيمه .. واكلي حليب وتمر مع قرص جمري :) يحسسوني اني العصريه اكتب لهم وانا متكي فوق ظهر ناقه ... وراكم رحتو بعيد مايدرون اني قاطف ورد من زراعتي وجايبه لامي .. ومتقهوي عندها وناكل حلا بسبوسه . وشوكلت سويسري ( شكلاطه لغتنا :) ونتكلم عن الاقتصاد العالمي وتأثيره على غلاء كيس القهوه وعن سياسه بايدن في استغلال الدول !! وعن روايه احلام مستغنامي حسيت بريحه حطب من يخاطبوني !! :) الا وش رايكم بالشوكلت مع الاقط يصلح معفوس او لا ...!!! |
 ياهلابك ومرحبا ... انتِ خطيره ( شكلك من الجيران .. ماشاء الله عليك وعلى قراءه خيالك يعني اصاب 99 ٪ بس حبيت الشيخ ... ترى قبل ادخل المنتدى البس بشتي. واحط عود البخور على الطاوله جنبي ههههه لا مابي هالشيخه. لكن حواليها ... وفعلا المزح موجود في يومي واميل له لكن بحدود فعلا احب البداوه وطاريها لكن لو تعطيني وتقول اسكن البر كان قلت لك لا من ذاق طعم الحضاره صعب يخليها .. اشكرا جدا على هذه ااقراءه يابنت الشايب |
الشامخه البروّق واللي يمينها بسباسه ( بس باس )( مدري من سماهن  المعنى الحقيقي للمثل ( ضاقت عليك الوسيعه )  |
..  مرحبابك ياهلا وغلا .. يابعدي مامن ذرابه لكن مقابل شرواك راح يكون الاستقبال حار والله اني اردى اخواني .. انت مدحت ماقدر اقول صح عليك هههه لكن تحليلي لك ... بدوي وشاعر وشاعر فاخر واذا ما شفتك في مدونه المزون وشاعريتك مسيطره ماكون افهم .. منت حطاب غدرى. حطاب الغدرى ياخذ الطيب والردي اما انت من دخلت المنتدى وانا اشوف حروف موزونه وشخص واثق ومحترم وفيه خجل بدو وشهامتهم ولي مع وقفه اخرى في خواطرك المستعجله بمدونتك // راقتلي كثيير |
.. ياصباح الخير يالوجه البـــشوش وياصباح النور ياكــــــل الحلا شوفتك عندي كما شوف الرشوش لاكسا الارض سيله ودرج بالفلا |
 صباح الخير .. اهلا اهلا بالعراب وبالشخصيه الفذه والعقل والتفكير المبهر ... والله اصبت بالتحليل المذكور 100 ٪ وعندي فراسه فيك انك صااحب الرقم الصعب وصاحب النظره البعيده .. وتحليل للشخصيات يثبت عن عمق مفكر ودارسه عقول .. اما تحليلي عنك كتسجيد شخصيه وليست تجسيد فكر فانت اقف احتراما لفكرك فدائما يشدني اسمك وفكري يحللها اما الشخصيه الجسديه فهي بين انشتاين وبين الممثل السوري عابد فهد ( صاحب شخصيه جساس ) صاحب جلسه فكريه وتامل على كرسي متواضع بالبلكونه امامك كاس شاي وزقاره لاتفارقك هههه اما بالفكر فانت اقرب للفلاسفه ومفكرين الاندلس هذا هو انطباعي عنك وتحليلك بفكري شكرا يااصيل على كرم الحضور |
 يسعد مساءك .. اولا الله يجملني بعين من يعرفني .. وانا والله اظن في نفسي اقل مما ذكرتي .. والله يجعلني مما ذكرتي اما اخر فقره/ الشاعر فأخطأتي الحدس ولا احب هالصفه ابد ابد انا احاول مجرد محاولات تخطي وتصيب واحيان الوزن مكسور اما البر فهذه سياحتي مع اني اغلب الاوقات منصوفه بر وبحر لكن يظل البر هو المفضل حبيت مشاركتك وماهره بالتخمين وقرأه الشخصيه اعطيتيني 95٪ شكرا الك مدد .. تحليلي عنك / شخصيه هادئه مكس بين حضاره وبداوه تحبي الشعر بقوه ولا استبعد شاعريتك تحبي الغموض لاتحبي التجماعات لك رفاقه خاصه ماتحبي تعدد الصداقات وخاصه عن طريق النت عندي حدس ان اساوبك اسلوب معلومه :: |
اقتباس:
وش هالخطاء المرير ... الاملاء : مع انها الماده الوحيده اللي اخذ فيها الدرجه كامله طول العام الا ن العجله بالردود تحرق ما تعلمته .. رجعت لردودي اقراءها لقيت المعاني التي لاتفهم والاخطاء التي لاتغتفر ... تباً للعجله ) |
 يالنايفه كولي وخوذي من الرزق ماجاك ثم اطربي انتي وانا والطافحه والاميره |
في مرحله المتوسطه... كان مجتمع بلدتي محافظ على الصلاه وخاصه رمضان ويرغبون الاولاد لها مع فقرات قراءه الاحاديث بعد صلاه العصر ويحثون على فعل الخير بالشهر الفضيل .. والتراحم وافطار الصائم ويحثثون اكثر واكثر على تحري ليله القدر وانها ليله تجاب فيها الدعوات وتحقق فيها الامنيات فكنا نصلي التراويح والقيام مع ان القيام يتعبنا كأطفال لانها تطول فيها الركعه والسجود فكنا نصلي رهبه من والدينا والمجتمع جاء في بالي تحقيق امنيه .. فكنت اصلي معهم وبالسجودً خاصه اطلب من الله ان املك دراجه دباب فكان الدباب غير معروف لنا بالمجتمع ولكنني كبرت الحلم اللي على قدي مع ان الكبار يطلبون الجنه وسعه الررق وصلاح الذريه والبركة بالمال اما انا حلمي كبير في تخيلي .. طلبت من الله في ليالي العشر ان يحقق الله لي هذه الامنيه .. مع اني الان اعتبره دعاء عبثي ولكن فضل الله لايحصى وان اذا سالت فسال الله .. بعد هذه الدعوات والالحاح فيها .. تحقق الحلم بعد اربع سنوات تقريبا فاتاني دباب شريته بثمن بسيط فتذكرت تلك السجده !!!! فاللهم ياواهب الملك لقد حققت لي حلمي البسيط فاللهم حقق حلمي الكبير رضاك والجنه وان تحفظ لنا اواطننا واوطان المسلمين وان تجمع كلمتنا على الحق يارب العالمين .. لاتستهينون بالدعاء فوالله مادعيت الله بشيء الا تحقق |
.. يسعد صباح وقلب من يحب به اقرباءه ويسعد حال من يذكر جميل اعدائه ويسعد ضمير من يتغاضى عن اخطاء غيره ويسعد حياه من يفعل الخير بدون اذن او ثمن ويسعد ذلك الانسان الذي يعلمني اخطائي |
.. يارب عطفً منك قبل نزعه الروح انك على درب الهدايــه تهدينــي |
.. لك الله ياقلب ٍ من احداث الايام مكلوم .. سنه سنتين ثلاث ..! مهما محت السنين الوجوه !! تبقى المشاعر كما هي مع كل ذكرى ماضيه تدمع لها العين ويحزن لها قلب .. رحم الله وجوه لاتفارقنا جتني رساله ماهي اية رساله صورة للغالينن عليـــنــا تـــــوفو |
.. الله يرزقني الصبر على الكتابه والردود .. ناس تكتب صفحات ومجلدات باليوم ومستمعه ومحتواها مفيد وانا اكتب سطرين تجيني ضيقه وملل >>> تهقون منظول مامثل سمو المجد في عزلتها تنام اسبوع بالمدونه ثم تكتب لها اربع سطور نصهن اعجاب بدكتورتها بالكليه والدكتوره والنص الاخر مراقبه من يدخلون مدونتها .. مع انها صاحبه طرفه ومعلومه لكن حايشها كسل الجماعه اما الفيلسوف وجودي والدكتوره تاتيا فالله ربي وربكم .. وعسى ما انظلكم .. تقول طابعاات عندهم طاقه للكتابه الله يرزقني روقانهم للمعلوميه مايمر يوم الا امر على كتاباتهم / يستهويني طرحهم واصلو نثر ابداعاتكم فأنا بما تكتبون معجب |
. اليوم شغلنا الوايت حق الابل حتى نجيب ماء طبعا له شهر واقف ايام الربيع وبما ان العصافير وقت تبييضها ماخلت شي بالوايت ماعششت فيه حتى الشكمان تدخل فيه وتعشش وتبيض هذه النوع من العصافير متطفل بقوه حتى عينك لو تحصل عشش فيها الزبده شغلنا الوايت الا من كل جهه صوت فراخ ويطلعهن العامل لي وابتلش فيهن حطيتهن البارح بصندوق وعششته وضبطته لهن على امهن تجيهن جيت اليوم الا هن كل واحد بمكان بالارض الحي مسكته والميت راح دريت ان الانسه العصفوره زعلت وفعلت هالطريقه انتقام حتى في فراخها بما انني تسببت بتفريق العائله الكريمه اظطريت اني اجيبهن معي للبيت واسوي لهن رعايه الناس ترعى ايتام اوادم وانا بلشت بأيتام العصافير هذهن اول تصوير وبوافيكم اخر اخبارهن ...بعد ما اعطيهن اسماء!!  |
 صباح الخير يالجميع اولاً !! ثانياً اعفوني من وصف شاعر وأديب ليس تواضعا لكنها حقيقه لا املك هالصفتين .. وكثير يضايقني يوم اقراهم جد جد اتضايق الشعر له ناسه هم ادرى في بحوره ومعانيه اما على مستوى منتدانا كالقارظ وحطاب والضاوي وباقي الاخوان انا ما املك هالميزه اذا كتبت بويتات فهي اشبه مايكون حروف متساقطه على طريق ورتبتها اما الاديب فهذه صفه ما انكر اني اسعى ان امتلكها لنفسي لا ان تقال لي لكنها ليست فيني هذه تقال للشطرنج وتاتيا والدكتوره فهم اصحاب عقول تحمل كنوز من المعلومات المتنوعه والثقافات العالميه!! لكن احيان تعظيم المدح يكون مردوده سلبي وينقلب الى تريقه ( حاشاكم ان تكون هذه نيتكم لكن حقيقه انا اتضايق من هالصفات يعلم الله ويمكن تكون هي سبب توقفي عن مواصله موهبتي بالكتابه عامه. داخلين ع الله تعفوني منها !!! قولو طاغي قولو يالعضو لاتحدوني اتقمص دور ابو جندل في مسلسل عوده عصويد كان جندل ينادي ابوه ياشيخ يبوه فقال له ابوجندل .. ياشين لاتقول ياشيخ يبوه قل يايبه ياعساف يازفت !!! هنا رد جندل وقال لا يايبه لاتحدني على شي ماودي اقوله هههه !! صباحكم رضا وطاعه رحمن ووبلغنا اللهم وياكم رمضان .. اما اليتامي / ففاديات روسكم .. سافرت عنهم والعامل ما احسن تغذيتهن حاولنا نعوضهن اليتم لكن حالهن كحال المستجير من الرمضاء بالنار ... |
.. كل عام وانت ال مسك بخير ومبروك عليكم الشهر .. الله يجعلكم ممن صامه وقامه |
كل عام وانتم بخير اعضاء منتدانا ومن العايدين والفايزين يامسلمين في كل ارض ومن العايدين والمنتصرين يافلسطين وكل عام وحنا وانتم بخير كل عام وانتم للروح اقرب |
.. اليوم صلينا العيد بمسجدنا بالعاده مسجدنا صف ونص اذا امتلى .. لكن اليوم غير ثلاث صفوف ونص من غير النساء بعد طلعنا لاحظنا عجائز طالعات من المسجد .. الناس متعطشه للمساجد بعد وباء كرونا وتخوف الناس والحجر والتباعد .. شعر الناس بتقصيرهم وتفريطهم .. واليوم شفنا استقبال الناس لشكر الله في هذا اليوم فاللهم لاتحرمنا عفوك وعطفك علينا اللهم اننا تهاوننا في عبادتك فاللهم قليل عفوك يمحي عظيم ذنوبنا .. |
!! عندما سأل الشيخ صالح الفوزان عن التخوف من المستقبل وعدم التفأؤل قال مستقبلك الاخره ضع مستقبلك فيها الدنيا سوف تتركها ماهي لك انت فيها عابر سبيل !!! لو انها عند الله شيء كان ما اسقى غيها عاصي شربه ماء والله انه صادق نزعل ونتضايق ونتهاوش ونكد ونشقى واخرتها مودعينها راحلين ومالك فيها من شقاك الا كفن لاو وبعد على حساب الخيريه وفاعلين الخير ماهو من مالك ... والورثه بكره اخذين شقاك ومبذرينه تخيل واحد من عيالك بكره وراث منك مليونين ورايح يطيرها سياحه ويشتري فيها قط بعشرين الف والا سياره بثلاث ميه الف وانت خلك بقبرك لاحد متصدق ولاحد باني لك مسجد !! فكرت فيها زين اجل خلاص تصدقو واعفو وسامحو وعيشو حياتكم ..! ابو ملايين ان بغيت رقم حسابي حاضر !؟ |
 استراحه محارب .!! |
.. مره كنت جالس في مزرعتنا على طاوله مستديره صغيره ومقابل لي صاحب السمو الملكي الامير سلطان بن عبدالعزيز ( رحمه الله ) ووكيل اعماله قحطاني !! كنا نسولف بكذا موضوع ثم اراد الله يرحمه ان يكرمني بأعطائي قطعه ارض بالجنوب فقل لوكيله اكتبها له الارض الفلانيه فأنا حز بخاطري بعد مكانها فبيني وبينها فوق الالف كيلو فلمح رحمه الله ناظري وكأني لم اهلهل بالفرح فقال نشتريها منك بدل ماتتعب بنقلها ومشاوير ففرحت صراحه .. فقال باربعه ملايين قلت اتمها خمسه قال ماتسوى قلت انت كريم وانا استاهل فقال خذ الخمسه ( لابارك الله فيك او زي كذا حولها بننبره مزح هههه انا صراحه الاربعه مليون تكفي وراضي فيها ولكن طلبت هالمليون زياده لاعطيه خواتي الست خاص لهن بدون اخواني وامي لانهن متزوجات لكن هذه اللحظه جن في بالي ونويت ان افرد شي خاص لهن !! رحمه الامير سلطان بن عبدالعزيز رجل الخير والايادي البيضاء من يفسر لي هالحلم حلمت فيه برمضان اللي امس :) ؟!! |
.. الحلقه الاخيره من مسلسل يوم اخر .. وخاصه وفاه خالد :( هاليوم ما انساه كل ما اتذكره ترجع بي الاحداث له في يوم الحلقه الاخيره توفى رئيس نادي النصر الامير عبدالرحمن بن سعود وهذا احبه بقووه واعشق ناديه وفي يوم الحلقه الاخيره زواج ولد خالتي .. تدرون رحت للزواج شوي ثم رجعت اتابع المسلسل هالمؤلفه والممثلين ابدعو في تصويرهم للقضايا حتى شاركناهم كمتابعين وتاثرنا معهم مع اني غير مهتم بالمسلسلات لكن هالمسلسل الله يسامحهم كسرو قلبي فيه الله يرحم عبدالرحمن ويوفق ولد خالتي ويسامحك يالمقله والكواري خربطتو مشاعرنا بذيك الليله !! تحبون هالمسلسل :: طيب وأنا ( بصوت خالد او خلوود كما يناديه ابوه رحم الله عبدالعريز الجاسم |
.. ببيع البدواه وحياه الشقى والذود وحتى الخزامى والشمطري ونواره من صار نص التواصل اهل منقود وكلن يبي يكسب من البدوان معياره شريت اربع عصافير بيض وسود وبحط بالصاله بيانو وقيثـــــاره !! وياريم اشتري للربايع براقع سود ولا يالبخاري انطح الغاره بغاره |
السعاده طرقها شتى .. ولكن : افضلها يهب الله لك شخص يجلي الله به همك ويسعد الله به عينك لايريد سوى اسعادك .. |
!!! من كثر ماترسل مشاريه واعتاب وأنا وخمـــولي زايد الطين بله الله يستر لاتجــيني على الباب وتلعن طــريق الحب دقه وجله |
!! تقول يابن الناس ابك انت وشفيك ابك انت ماتفهم معنى الهوا والعلاقه ليه ثمان اشهور المح لـــك واناديك والا انت علمك بين وايـــت وناقه :) وحي الخيال ترى ! |
تدرون ليه شخصيه السيده المصريه اقوى من الرجل يقال : انه ايام وقت حرب موسى مع فرعون .. غرق الفراعنه عند انفلاق البحر عن موسى وكان فرعون معه صفوه القوم من الفراعنه والساده فغرق وغرقو معه بقيت الفروعونيات الاميرات والعمال ( الخدم ) فتزوجن الفرعونيات خدامهن .. فكان الخادم لايستطيع رفع الصوت على زوجته .. هيبه الاميره على الخادم تدرجت الى وقتنا القريب .. اياك تتزوج اميره .. حتى لو حبتك !! تراك بكره تمسح البلاط :) |
.. (((يقول ابن مسعود : رضي الله عنه وأرضاه لا تسألنّ أحدًا عن ودّه إياك ولكن انظر مافي نفسكَ له فإنّ في نفسه مثل ذلك إنّ الأرواحَ جنودٌ مجنّدة وقيل عن ابن عثيمين : القلوبُ لها تعارفٌ وتآلفٌ وإن لم تنطق الألسُن وإليكم أرق الوصف لابن القيم : والقلب يشُمّ رائحة القلب )) فعلا ان الارواح جنود مجنده ! ماتعارف منها أتلف وماتناكر منها اختلف .. اغلب الاحيان تحب شخص وترتاح له بدون ان تكلمه او حتى تعرفه .. مجرد ان القيت نظره على وجهه او اطلعت على كتاباته او حتى سمعت صوته لا اراديا ترتاح لهذا الاسلوب او الشخصيه .. كثير من المشاهدات تمر علينا تجد انك ترتاح للفنان هذا وتحب الشيخ هذا وتكره ذاك الممثل من شكله واسلوبه وتكره ذالك الشيخ حتى لو هو رجل دين لكن قلبك وعقلك لايتقبله هي مجرد احاسيس لاحول لنا ولا قوه في توجيهها .. فمهما حاولت جاهدا ان تكسب ود شخص فالله اعلم انك لاتستطيع اذا قلبه نافرا منك هي الارواح تحب من تحب وتكره من تكره فالعقل هو من يساير الامور وينظر مره اخرى للاشخاص بتمعن واطرق اخرى لتقبل به .. فلسفه صباحيه / قد اخطىء وقد اصيب |
.. عندما ارى خطا .. يصيبني غضب واريد ان اصحح ذلك الخطا بأي طريقه بعد مايخفف غضبي اريد ان انصحه يغيره عندما يخف الغضب اكثر اتجاهله عندما يخفف اكثر واكثر ااتذكر اخطائي فاخجل من نفسي وامضي كأني لم ارى .. ليست شجاعه !! ولكنها عدم الحيله .. فالنهي عن المنكر واجب .. فأنه عنه حتى لو كنت تعمله .. لو النصيحه مختصه لاهل الصلاح فالكثير من البيوت ستفتقد للنصح والقياده الصالحه ولكن الدين النصيحه !! انصح وامض في سبيلك .. |
!. هل ضعنا ! او الضياع جأنا وضيعنا :. لا الناس ناسني. ولا التراب حتى ترابي !! القلوب قست والعيون اشبحت والافواه بكل ستر تفوهت .. لكل تافه اتباع ! ولكل ناصح اعداء ! |
! اصيح للطير وصياحي على غيره على عيون العرب كني على طيري |
.. مشكله اللي يقوم الفجور وهو عند ناس يطولون بالتصفيره .. طيب نبي قهوه !! طيب وين كلامكم .. ياضيفنا لو زرتنا لوجدتنا / نحن الضيوف وانت رب المنزل طيب حطو باب خارجي للمطبخ عشان اضبط قهوتي وانتم بنومكك!! |
... يا أهل الشعر بالله ماعندكم حل للعاشق اللي فز قلبه لمزيون غيدا لعوب اتقول وتطول وتحل والعاشق المسكين ضايع ومديون |
.. في حالها بنت العرب ولحالها تفرق عن الجيل الاول وهالجيل كل البنات المترفات اقبـــــالها راحن هبا عند منسوع الجديل |
... كثره اعدائك / لايدل على نجاحك !! هذا يدل / على انك تدبل الكبد يابن الحلال حكمه اليوم !! |
! كفي عن اللوم والتأنيب واقتصري فالهجر والبعد والحرمان يكفينا .. قصيده لحجاب بن نحيت رحمه الله يجاري فيها نونيه ابن زيدون في معشوقته ولاده بنت المستكفي .. ابدع المنشد بأنشادها .. اذا سمعتها ترجع بي الاحداث للاندلس !! مع ان اللحن حزين الا اني لا امل من تكرارها !! اسمعوها يامحبي الفصحى !! |
!! اذا هن مزايين والجمال رباني / مين اللي رفع قيمه المكياج !!! الزبده / ان صفه الجمال مقرونه بالرجل فالجمال يوسفي ..!! والكيد لهن.. |
| الساعة الآن 07:24 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا
