منتديات مسك الغلا | al2la.com

 


الضغط على هذا الشريط لتصويت في المسابقة الدينيه الرمضانيه لتحديد الفائزين بالجوائز يهمنا صوتك

Like Tree2532Likes
إضافة رد
 
LinkBack أدوات الموضوع انواع عرض الموضوع
قديم 10-26-21, 09:29 AM   #973
الفيلسوف

الصورة الرمزية الفيلسوف

آخر زيارة »  03-22-24 (06:33 PM)

 الأوسمة و جوائز

افتراضي



كونك غامض وكتوم وصامت و باني حواليك أسوار دي صفات لا تؤهل الشخص إنه يكون زوج "جيد" لأن الجودة بتتحقق بشروط .. دي إحداها و كمان شرط كبير لأن متوقف عليه شعور الآخر بالحب والأمان ودا إحتياج رئيسي .. الزواج انفتاح ومشاركة في العالم الداخلي قبل كل شي .. مشاركة في أحداث اليوم و المشاعر والأفكار والأحلام والذكريات والمخاوف و خطط المستقبل .. مشاركة بتعود على الطرفين باشباع في نفس الوقت .. إشباع الإحساس بالحب والتقدير و الأمان والفخر والإنتماء والدعم وغيره .. إزاي هنتشارك و نعبر عن مختلف الحاجات دي من غير ما نتكلم؟ .. فمفيش مشاركة ..مفيش إشباع عاطفي ونفسي و طالما مفيش إشباع هيتحول الزواج لإنه يكون مصدر عبئ و معاناة .. لأن إحتياجاتي منه لا تلبى .. مهما كان طرفينه طيبين ونواياهم طيبة وعندهم صفات تانية كويسة .. بس نعمل ايه بالنوايا لما تغيب المهارات المهمة ؟ اللي هي تعتبر شروط الجودة ؟ .. نعمل إيه بالنوايا الطيبة لما نحس بالحرمان و يبقى عندنا مشاكل ؟ .. ضيف على دا كله إن الصمت لا يجعلك شخص موثوق فيه كـ زوج / زوجة .. لأن الثقة تحتاج إنفتاح وشفافية .. الغموض والصمت في الجواز مدعاة للشك و للملل و دا هيجيبلك مشاكل أكثر ..
فمفيش حاجة اسمها أنا طبعي كده صامت كتوم .. لازم تتكلم وتعبر وتنفتح على شريك حياتك .. العلم بالتعلم .. و دا لمصلحتك أو لمصلحتكم مع بعض.


 
سمو المجد likes this.


رد مع اقتباس
قديم 10-26-21, 09:31 AM   #974
الفيلسوف

الصورة الرمزية الفيلسوف

آخر زيارة »  03-22-24 (06:33 PM)

 الأوسمة و جوائز

افتراضي



أي هدف نفسك تحققه لازم تحوله لمجموعة عادات
.. ال Relationship Goals بينسحب عليها نفس الفكرة بجدارة
ال Relationship Goals هي الحالة اللي حابيين تبقوا عليها في علاقتكم.
✨ هدف زي : إننا مانتحولش لآباء و أمهات فقط .. و ننسى نفسنا كأزواج
- لازم يتخلق له عادة زي مثلا إن يبقى لينا وقت لوحدنا و لو عشر دقايق نتكلم فيه بس عن نفسنا فقط .. مشاعرنا ..ذكرياتنا .. أحلامنا .. مش عن الولاد ولا الطلبات ولا المشاكل.
طبعا في أفكار كتير جدا ممكن تحقق نفس الهدف .. بس دا مجرد مثال
هدف زي : إن مانراكمش مشاعر سلبية أبدا و مانسمحش بوجود حواجز
- يبقى العادة التصافي أول بأول .. مانامش زعلانين
هدف زي إن يبقى بينا ثقة
- العادة: نبقى منفتحين وصرحاء و مباشرين و معندناش حاجة نخبيها ومحترمين للحدود مع الجنس الآخر
هدف زي إن العلاقة دي تسمحلي كذلك بالنمو الشخصي في ظلها
- العادة: إن كل واحد يدي التاني space - me time يقدر يعمل فيه اللي هو عاوزه و يتابع فيه خططه الشخصية
و هكذا . كل هدف ييجي في بالك
ابني له علطول عادة وتكون بسيطة و مستطاعة عشان تقدر تستمر عليها.
العلاقات مش عاوزة شغل ضخم مرة واحدة .. قد ما عاوزة مجهود بسيط مستمر.


 
سمو المجد likes this.


رد مع اقتباس
قديم 10-26-21, 09:33 AM   #975
الفيلسوف

الصورة الرمزية الفيلسوف

آخر زيارة »  03-22-24 (06:33 PM)

 الأوسمة و جوائز

افتراضي



اللي بيدور على شريك مثالي بحذافيره ظنا منه إنه كده هيرتاح .. بيبقى عنده مشاكل أكثر من اللي بيختار على أساس كذا صفة جوهريين بالنسبة له .. و بيبقى حاطط في دماغه إن الجواز دا رحلة نمو .. فيها تغيير و تأقلم وتقريب للمسافات مستمر.
الأول هيعاني لأن معندوش مساحة مرنة للإختلاف عن النموذج اللي في دماغه و عايزة.. و بالتالي كل حاجة عايزها بالضبط .. فلما يكتشف إن في حاجة مش على هواه أو مكنش متوقعها بتربكه وبتهدد راحته وبتعمله مشكلة..
التاني عنده مساحة لقبول الإختلاف دا .. دا كمان متوقعه لأنه حتمي و طبيعي .. وعنده مرونة واستعداد إنه هو وشريكه يلاقوا طريقة حياة وإتفاق مشترك.. حتى لو تضمن دا تغاضي أو تغيير أو تأقلم.. المهم الحياة تمشي وهم الإتنين مرضيين
يعني وجود الحد الأدنى من التوافق مع كثير من المرونة وتقبل الإختلاف و القدرة على التفاهم والتعلم من الأخطاء و الوصول لأرض مشتركة .. أفضل و أنجح من كثير من التوافق في المواصفات وقليل جدا من التسامح مع الإختلاف أو فقر مهارات التعامل مع الخلافات.


 
سمو المجد likes this.


رد مع اقتباس
قديم 10-26-21, 09:38 AM   #976
الفيلسوف

الصورة الرمزية الفيلسوف

آخر زيارة »  03-22-24 (06:33 PM)

 الأوسمة و جوائز

افتراضي



الزوجين المحظوظين فعلا هم اللي كل طرف فيهم عنده رغبة في تحسين حياته الزوجية ..معندوش مانع يقرا ويعرف ويصلح ويتغير ويرتقي بحياته.
على النقيض بقى أكثر زوج تعبان أو وزوجة تعبانة هم اللي متجوزين حد على نظام أنا زي الفل ومابغلطش .. ومش محتاج أعرف أو أتعلم .. مش مقتنع ان ممكن يكون عنده فكرة غلط أو معلومة ناقصة أو مهارة واقعة لو اتعلمها علاقته هتبقى أحسن أو طبع عايز يتحسن .. لا أنا الحمد لله زي الفل ومش محتاج اعرف حاجة ولو عندك معايا مشكلة تبقى مشكلتك.. حلها بنفسك .. ودي أسوأ صفة ممكن الإنسان يبتلى بيها حقيقي.
لما تيجوا تختاروا شوف الشخص اللي قدامك أنهي عقلية فيهم .. العقلية اللي اوك نتعلم ونتغير و نستثمر في علاقتنا عشان تبقى أحسن.. ولا عقلية انا مابغلطش و مش محتاج أتعلم ..
لأن وجود أو غياب العقلية دي .. هيعتمد عليها جزء كبير من سعادتك أو تعاستك في اللي جاي كله .. العقلية دي اما بتخليك مطمن ان أي مشاكل جاية هنقدر نتفاهم فيها ونتعاون في حلها ونتعلم كل واحد كان دوره ايه في المشكلة و نتغير عشان ماتتكررش .. ونحس ان في اتنين شايلين العلاقة وهمهم عليها
أو
على الناحية التانية
هتفضل تشتكي طول عمرك انك عايش مع شخص مش بيسمع ولا مقدر احتياجاتك ولا بيعترف بخطأ و لا عنده استعداد يتغير ويبذل مجهود بسيط عشان يحسن علاقتكم ولا جودة علاقتكم لها قيمة ذات أهمية في حياته اصلا .. باختصار هتعيش تصلح من طرف واحد و دا مابينفعش.
و المشاكل اللي بنشوفها حوالينا تشهد على ذلك
وطبعا طبعا وانت بختار وبتدور على العقلية دي في اللي قدامك .. إتأكد إنك تمتلكها أولا.


 
سمو المجد likes this.


رد مع اقتباس
قديم 10-26-21, 09:39 AM   #977
الفيلسوف

الصورة الرمزية الفيلسوف

آخر زيارة »  03-22-24 (06:33 PM)

 الأوسمة و جوائز

افتراضي



الأزواج اللي بتنظر لرحلة حياتها بعد كم سنة نظرة اعتزاز بانهم قدروا يتغلبوا على عقباتها ومشاكلها مع بعض .. هم نفسهم اللي واجهوا المشاكل في وقتها ماأنكروهاش ولا استسلموا ولا هربوا منها مع رغبتهم في ذلك.. وهم نفسهم اللي أصروا على تكرار المحاولة وقدروا يسمعوا بعض واعترفوا بأخطائهم وصلحوها وبذلوا مجهود وغيروا في نفسهم .. وهم نفسهم اللي كل واحد فيهم راعى احتياجات التاني ومابطلوش يغذوا بعض مدح و تقدير و ثقة ودعم و أي تعبير عن الحب.. وقد جنوا ثمار ما زرعوا.


 
سمو المجد likes this.


رد مع اقتباس
قديم 10-26-21, 09:40 AM   #978
الفيلسوف

الصورة الرمزية الفيلسوف

آخر زيارة »  03-22-24 (06:33 PM)

 الأوسمة و جوائز

افتراضي



التخلي letting go مش مجرد ترك اللي بيتعبنا او يؤذينا او مش عاجبنا... لان ده منطقي في النهاية.
التخلي هو التحرر من اللي نفسنا فيه واللي عايزينه ولكن معدش ينفع او مش ممكن تحققه او تكلفة تحقيقه عالية جدا...الخروج من الحالة اللي مكتفانا مكانا ومش مخليانا عارفين نشوف حالنا ..ن move on
حلم مفيش امل في تحقيقه.
توقع وامنية اكبر من قدراتنا او تكلفتها عالية جدا.
علاقة بنتمناها ولكن مؤذية
ماضي كان نفسنا يكون غير كدة بس مستحيل نغيره.
خسارة زعلانين عليها بس خلاص مفيش سكة لاستعادتها
خطا ندمانين عليه ومش هينفع نصلحه
مرض حد بنحبه او المه او معاناته بس مفيش بايدينا حاجة نعملها له.
التخلي الاهم والاصعب...في اللي عايزينه بس مفيش طريقة لتحقيقه او تكلفة تحقيقه مضرة لينا.
التخلي اعتراف بالعجز والهزيمة والخسارة ...وقبولهم دون غضب او تمني او ندم او نظر للخلف او جلد للذات او لوم او معافرة ...استسلام وتسليم....


 
سمو المجد likes this.


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 09:37 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا