06-05-22, 12:44 PM
| #1225 | |||||||||
 
|  تبقى الواحدة شافت المر مع حماتها ... وحماتها كانت بتدخل في حياتها وبتقلب عليها جوزها وبتنتقدها ..... وكانت عايشة مقهورة منها ... ولما تخلف وإبنها يكبر ويتجوز .. وبدل ما تحاول تعامل مرات إبنها بالشكل اللي كانت بتتمناه وهي صغيرة ... تقوم تعامل مرات إبنها بنفس الأسلوب ويمكن أسوأ ... وتفرغ فيها كل المشاكل اللي عاشتها ... ولما مرات إبنها تزعل من اللي بيحصل... تبرر ده وتقول (إيه المشكلة يعني... ده انا حماتي كانت بتعمل فيا كذا وكذا وكنت مستحملة) يبقى الواحد وهو صغير كان يببقى متضايق لما كان أبوه بيهزأه او بيتريق عليه قصاد الناس ... او لما كان بيضربه جامد ... ولما يكبر ويتجوز ويخلف ... يعمل نفس الكلام مع إبنه ... ويقول (طريقة التربية دي هي اللي طلعتني راجل) للاسف أحيانا بعض الأشخاص اللي بيتعرضوا لمعاناة معينة في وقت ما من حياتهم ... بدل ما المعاناة دي تكون دافع للرحمة والتفهم - أحيانا بيحصلهم تشوه وبيكون عندهم رغبة في تفريغ المعاناة في أشخاص آخرين او - الشخص اللي إتعرض للمعاناة دي ماعندوش تصور للعلاقات الا التصور السلبي اللي اتعود عليه ... وماحاولش يتعلم طريقة مختلفة... فبيكرر نفس السيناريو رغم رفضه ليه ... وعشان يعيش في سلام نفسي بيبدأ يبرر للغلط ويدافع عنه مش معنى إنك إتعرضت لمعاناة إنك تعاقب الناس اللي ربنا ولاك عليهم ...وإنك تفرغ فيهم معاناتك بأثر رجعي معاناتك المفروض دافع للرحمة والتفهم (بشكل متزن) ... وده عشان يحصل محتاج إنك تتفهم معاناتك وتبقى معترف إن اللي حصل معاك كان غلط وأنه ماينفعش يتكرر ... وأننا محتاجين نتعلم البديل عشان لو ماتعلمناش البديل في الغالب هنكرر اللي اتعودنا عليه رغم رفضنا ليه (وده ممكن يحتاج لتوجيه او علاج نفسي في بعض الحالات) | |||||||||
| النايفه likes this.  |
|
06-05-22, 12:44 PM
| #1226 | |||||||||
| هاتعملي إيه لو إحتجت الدهب بتاعك في يوم من الأيام؟ - لو أنا مت دلوقتي... هاتتجوز من بعدي ولا لا؟ ... ولو هاتتجوز هاتتجوز مين؟ ... وهاتعمل إيه في الولاد؟ - لو ما كناش إتجوزنا ... كنت هاتتجوز مين ؟ / او كنتي هاتتجوزي مين؟ انا أعرف ازواج وزوجات زعلوا من بعض بسبب أسئلة (ماذا لو؟) ... وممكن الكلام يتدحرج ويوصل لمشكلة كبيرة ممكن توصل للطلاق فبلاش نستخدمها ...لا على سبيل التسلية ولا على سبيل الاختبار اولا : لاننا ممكن نسألها ... ويكون الطرف التاني في موود مش كويس او تحت ضغط تخوفات مؤقتة او في وقت هو مش صافي ليك تماما .. فيرد عليك رد مش لطيف بالنسبة لك ... والرد ده يسيب جرح جواك ... او يفتح سكة لسوء الظن والتخوين ثانيا : الرد على الأسئلة دي مش شرط تكون بتعبر عن الحقيقة .... لأن تصرفاتنا في كل مرحلة بتختلف حسب الظروف ... فمش صح نستخدم الأسئلة دي كأداة للتقييم فبلاش نسأل الأسئلة دي ... لأنها باب من أبواب الشيطان | |||||||||
| النايفه likes this. |
|
06-05-22, 12:45 PM
| #1227 | |||||||||
| طبعا لا أنكر وجود السحر والعين والحسد ... وإن في ناس مؤذية فعلا بتستخدم الحاجات دي لأذى الناس ... او حتى ده ممكن يحصل بشكل غير مقصود ... وإن في بيوت إتدمرت بسبب الموضوع ده لكن الحقيقة إن في بيوت كتيرة الناس فيها مركزة في موضوع الحسد والاعمال والأحلام بشكل مبالغ فيه جدا ... و بيكونوا شايفين إن الحاجات دي هي السبب الرئيسي لمشاكل كتير في حياتهم .... وده طبعا بيخليهم مايدوروش على السبب الحقيقي ... وبيحسوا طول الوقت إنهم مُستهدفين وان في ناس حواليهم بيأذوهم بقصد او بدون قصد . وطبعا في منهم بيكونوا فريسة للدجالين ... وأحيانا بيلجأوا لبعض الأفعال التي لا تخلو من الشرك نعم ... قد تصاب بعض البيوت بالأذى بسبب الكلام ده ... لكن الحقيقة إن معظم الناس اللي بيفكروا بالشكل ده بيكونوا موهومين و مبالغين ... وده بيأزم مشاكلهم مش بيحلها المشكلة الأخرى ... ان الناس اللي حواليهم بيعانوا من التعامل معاهم .... فكرة انك تتعامل مع حد بيبالغ في الخوف من الحسد.... بيخليك تبقى مش عارف تتعامل معاه بأريحية ... لأنك عارف انك لو مدحت في شئ عنده او حتى جبت سيرته وفضلت تقول (اللهم بارك ... وما شاء الله) وحصلت مشكلة بعدها هايتهموك انك حسدتهم . ولو تجاهلت اي حاجة حلوة بتحصل عندهم عشان ماتتحطش في دايرة الاتهام ... ممكن يفسروا سكوتك بإنه حسد داخلي صامت برضه 😄 ... وحاجة مربكة جدا الحقيقة إستعينوا بكل ما هو شرعي في حماية أنفسكم واولادكم من الحسد والعين (زي الأذكار والقرآن..الخ) ... ولا تبالغوا في الأمر بالشكل اللي يفسد عليكم حياتكم ويفسد علاقتكم بالناس اللي حواليكم | |||||||||
| النايفه likes this. |
|
06-05-22, 12:46 PM
| #1228 | |||||||||
| في الغالب الاطفال في موسم المدارس بيناموا بدري لأنهم بيصحوا بدري.... لكن في الاجازة بيتعودوا يسهروا ويناموا في نفس مواعيد نوم الاب والام .. لكن ده مش صح وعيوبه كتير ... ليه؟ - طبعا السهر غلط على الأطفال... على المستوى الجسدي والنفسي - مهم يكون للزوج والزوجة وقت خاص بيهم... من غير الاولاد وقت يريحوا فيه شوية من اللف في دايرة المسؤوليات في الشغل والبيت ومع الاولاد ... وقت يقعدوا فيه سوا يتكلموا او يقضوا مع بعض لطيف كزوجين او اللي عاوز يقرأ حاجة او يتفرج على حاجة.. او يقرأ شوية قرآن او يصلي ركعتين ...او حتى يبص في السقف 🙂 وجود الاولاد طول اليوم معانا واللي طلباتهم وشقاوتهم ما بتخلصش .... ده بيخلينا مستهلكين ومستنزفين طول الوقت انا بشكل شخصي... لو الولاد هايفضلوا صاحيين معايا لحد ما ننام .... هاجي آخر اليوم أحدفهم بالطوب من تعب الأعصاب 😄 ... لكن من الحاجات اللي بتخليني أستحملهم شوية وأستحمل ضريبة شقاوتهم و التواصل معاهم في الشوية اللي قاعدين فيهم سوا مع بعض ... أني عارف إنهم هايناموا في ميعاد نومهم وإني هآخد شهيق بعد ما يناموا في بيوت .... الزوجين عندهم مشاكل كتير كانت نتيجة للتفصيلة دي واللي تبدو إنها حاجة صغيرة .. لكن الحقيقة ده موضوع مهم جدا فمن باب التفاعل لو حد مقتنع بالكلام اللي فوق ده ... بس مش عارف ينفذه ... إيه المعوقات اللي بتقابلكم؟ والناس اللي نجحوا يعملوا كده ... عملتوا كده إزاي؟ .. وتنصحوا الناس بإيه؟ | |||||||||
| النايفه likes this. |
|
06-05-22, 12:47 PM
| #1229 | |||||||||
| الشخص اللي متعود وهو بيتكلم معاك انه يغتاب الناس وبيتكلم طول الوقت عنهم بشكل مش كويس ويتريق عليهم ..... هايغتابك في عدم وجودك وهايتكلم عليك وحش الشخص اللي شايف دايما ان الناس بتحسده وده سبب معظم مشاكله .... وهو بيتكلم معاك بيتهم ناس تانيين انهم بيحسدوه.. وارد جدا انه يقول لغيرك ان آخر مشكلة عنده حصلت بسبب انك حسدته الشخص المنّان اللي وهو بيتكلم معاك لا يتورع انه يذكر هو صرف كام واتكلف قد إيه لما إستضاف فلان وفلان ... في الغالب هايتكلم مع حد تاني عن المصاريف اللي صرفها لما انت زرته في بيته أوعى تآمن لسيئ الخلق .. وبلاش تشاركه ولا تركب معاه المرجيحة . واوعى تفتكر إنك إستثناء ...في الغالب إنت أحد ضحاياه وأنت لا تدري | |||||||||
| النايفه likes this. |
|
06-05-22, 12:47 PM
| #1230 | |||||||||
| س : جوزي ماعندوش أي خبرة في تربية الأولاد ... انا ببذل مجهود كبير مع الولاد عشان اعلمهم واربيهم كويس .... وهو بتصرفاته و افكاره بيهد وبيوظ كل حاجة في ثانية .... إتكلمت وإتخانقت معاه كتير عشان ياخد باله.... مفيش فايدة... أعمل إيه؟ ج : ١- التوجيه المباشر والانتقاد وسيلة فاشلة لتغيير قناعة الراجل....بالعكس ... ممكن الراجل يعند مع مراته عشان يثبت لها ان طريقتها في التربية غلط وانه قادر يربي اولاده.... او ممكن يرمي عليكي المسئولية بالكامل من غير ما يساعدك ويحملك مسئولية أي غلطة بتحصل ٢- إنك تنتقدي جوزك وتتخانقي معاه قصاد الاولاد عشان طريقته الغلط في التربية ممكن يكون أخطر على الاولاد من معظم التصرفات الغلط بتاعة الاب. ٣- أخرجي من حلبة المصارعة.. و وجهي طاقتك في تحسين علاقتك بجوزك .... و علاقة الاولاد بباباهم .... ده انفع ليكي وللأولاد من الخناق معاه على أسلوبه وتصرفاته. ٤- إنك تكوني قدوة ... والمناقشة الهادية .... والتوجيه الغير مباشر .... والتشجيع على الاستعانة بالمتخصصين وحضور الدورات التربوية وقراءة الكتب ومشاهدة الفيديوهات التربوية ...ده طريق أفضل من الخناقات والانتقادات ... ممكن يكون طريق اطول... بس صدقيني الخناقات والمناهدة مافيهاش فايدة | |||||||||
| النايفه likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2537Likes
