|
مظاهر مزعجه في الشوارع 🌺 السلام عليكم كل مااسترجع المقولة القيادة فن وذوق واخلاق واشاهد بعض النزق والمشاهد المزعجة في الشارع افكر احياناً اوقف وانصحهم او اكتب ورقة ☹ من المظاهر .. 1/ الدخول من المسارات بدون التنبية بالاشارة يمين ويسار ماشي وراه في طريقك وبلحظه هوووب دخول يسار او يمين طيب وش المشكلة تعطي تنبيه للسلامة المرورية . 2/ التوقيف او التلبيق بطريقه خاطئه وانانية وياكل له موقفين ياخي وش يمنعك توقف بطريقه فيها ايثار شوي وتحس بالناس والله اوقات ارجع للسيارة اذا شفت فيه فراغ واعدل الموقف لان فيه ناس يكونون بحاجه ماسه للتوقف وانت بطريقتك اللامسؤوله فوت عليهم فرصة وحاجه . 3/ مضايقتك من الخلف بالانوار العالية لفتح الطريق وهي لاتحدث الا عندنا للاسف وقمنا بالقيادة بدول ماعندهم مثل هالاساليب المستفزة . 4/ رمي الاكياس والمناديل وهو يقود السيارة وتجد سيارته كلها تحتاج تنظيف والشارع طز فيه . 5/ اطلاق المنبهات البوري داخل الاحياء بطريقه مزعجه عند كل تقاطع طيب يااخي حاول داخل الاحياء تهدي شوي بدون ماتسوي هالازعاجات . وفيه غيرها اكيد هل لديكم مظاهر تشاهدونها مستفزة بالشارع والمركبات😕 الموضوع للمشاركة ولسلامة مرورية ووعي اكثر |
اشكرج على طرحج موضوع مثل هذا انا الي اتنرفز منه .. اصحاب الشاحنات الكبيره وسرعتهم الي تخوف في الشارع احسهم وااايد متهورين :لا بالله: |
اهلا فيك اهميه الموضوع كأهميه الوعي في قياده الذات احد اهم الاسباب لمخالفه القوانين المروريه هي فوضى البرنامج اليومي للمتدهورين البارحه وانا جاي في طريقي حادثين خلال 10دقائق رغم أن الشوارع واسعة الموجود عندنا رقم 1 و5 كثيره جدا اما الباقي فيه اللتزام مقبول اقترح حين يعدلون على السيارات المصنعه خارج البلاد العربيه ان يزود منبه السياره (البوري ) بحساسات المسافه ما بين سياره وسياره ثانيه يعني عن بعد مترين واكثر لا يعمل المنبه (البوري) واذا ضغط الشخص المنبه 5مرات باليوم تأتيه مخالفه يكون مرتبط بتقنيه رقميه في مراكز اداره السير وتطبق على السياره بشكل عام رغم ان الوعي في القياده هو المطلوب ولكن الي ما بجي بالوعي يجي بمخالفه ويكون ضيف عند اداره المرور شكرا لك |
وعليكم السلام ورحمة الله وبركاته مشاركة من شخص ما يسوق > شوي شوي لحد ينصدم خلوني اكمل.. اقصد اسوق بس اندر من النادر في السنه مره (: والله عجزت اعرف وش مشكلتي تجاه السيارة بالضبط لكن بالمره ما ارتاح، حتى الوالد يقول فعلا الحلو ما يكمل باقي بس انك تتقن السواقه وتصير عشره على عشره انا يوم اروح مع اخوي كذا مره والله نتعرض لموقف مثل اللي يطلع بوجهنا فجأه او واحد مايدق اشاره وهو لاف والخ.. يوم اشوف ذي المواقف اقول في نفسي كيف لو انا الحين اللي اكون اسوق بدال اخوي وش كان بيصير وكيف راح اتدارك الموقف واقعد اقول الحمد لله ما اسوق.. يوم مرات انوي اصير خلاص ابغى اسوق تجي حاجه تكرهني بالسياره واهون. الله يحميكم جميعا ودايم استودعوا الله انفسكم |
للأسف نحن لدينا بالمملكة العربية السعودية نظام المرور لم يتم تحديثه منذ إصداره بالعام 1428هـ، ولا يطبق بشكل صحيح من قبل الجهات التنفيذية، وما يتم تحديثه فقط هو جدول الغرامات والمخالفات المرورية فقط لا غير والتي أثقلت كاهل المواطن والمقيم بدون وجه حق، فالشوارع تحتاج إلى صيانة بمليارات الريالات ليتسنى للمركبات والمشاة العبور والمرور والإلتزام بالأنظمة واللوائح التنفيذية. هناك جوانب كثيرة يفتقر إليها نظام المرور ولائحته التنفيذية، بالإضافة إلى أن الجانب التوعوي ضعيف جداً ويكاد يكون معدوماً، ومهما تم تغليظ العقوبات المرورية على السائقين فلن يتم الردع لأن النظام نفسه غير مطبق ويفتقر إلى ثغرات نظامية عديدة، وهذه المشكلة ليست في بلادنا فقط، بل على المستوى الدولي، وحتى بالدول المتقدمة، ونحن لا نرمي اللوم فقط على الجهات المعنية، وإنما على ثقافة السائقين وما جبلوا عليه أثناء ممارستهم للقيادة في وسط الشوارع، فالقيادة في الوقت الراهن تسبب إرتفاع ضغط الدم وإلتهاب القولون العصبي والتوتر والقلق وشد الأعصاب والعضلات، ففي النهاية "القيادة فن وذوق"، وهذا المثل لا ينطبق على الكثير من قائدي المركبات وسالكي الطرق، وما يمكن عمله فقط هو المحافظة على أذكار الصباح والمساء وأذكار خروجنا من المنزل، وأي عوائق ومفاجآت تواجه السائق في الطرقات هي أقدار مقدرة. تقبلوا مروري ،،، |
اقتباس:
خاصه لامن مشت بالطريق الوسط 😡 |
| الساعة الآن 07:26 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا