خطيبي غريب!
 

سلام عليكم
تقدم لي شخص خلوق وطيب والكل يمدح فيه وهادىء
المهم ملكتناا بعد شهر
وهو طبعه غريب يعني مايكلمني الا اذا فيه شي! مثل نتفق على شيء معين
طيب انا كيف اتعود عليه ويصير بيناا كسر حواجز وهو كذا !! يعني بيوم الملكه
على طول الا هو جنبي! بس مره قطع عني اسبوع قبل مايكون الشي رسمي وبعدها قالي
لج وحشة وبعدين ماش مايتكلم
هو كل شي فيه زين وبالعكس يقول اي شي تبين كلميني ولاتستحين بشي لكن ماني عارفة
كيف اتصرف معاه وبصراحه احس هذا الشي قاهرني
خاصة كل اهلي يسالون يكلمج ؟ يسولف معاج ! وانا اقول لا .. نادر وأزيد قهر!
والي يقولي ماهو طبيعي والمفروض يكلمج ويموت عليج
والمصيبة الاقيه بالوتساب مرات ودايم يقولي تلفوني بايدي!!
وماني عارفة احترت !

خطيبك يعني للحين ماصارت الملكه كيف تبينه يكلمك !!
اغلب البنات وهو ملك عليها يعني زوجته شرعا تستحي وترفض
المكالمات شي غريب صراحه .. دامه خطبه بس ما ملك مالها اي داعي المكالمات فهو في مقام الغريب عنك ..

احتمال كبير بإن الرجل عنده الكثير من الحياء وهذا شيء جميل ومميز ولا يوجد عند الكثير إلا من رحم الله، وهذا الشيء لا تنزعجي منه بل بالعكس هذه النوعية من الرجال نوادر تمسكي به ،لكن ستجدين عنده بروده في العواطف نتيجة الحياء انت نمي العواطف به وأشعريه بإن كلمة بحبك ويا جميلتي وغيرها كلمات تحتاجها كل امرأة ، وبنصحك تدعمي كلامك بكلام ومحاضرات المشايخ في هذا الأمر ويوجد محاضرات كل مقبل على الزواج بحاجة لسماعها بل تنتهي كثير من المشاكل قبل أن تبدأ بعد سماعها، ومن المحاضرات التي انصح لسماعها محاضرة -السحر الخلال- للشيخ ابراهيم درويش وله محاضرات أخرى للزوجين.
وبارك الله لك وبارك عليك وجمع بينكما بخير

الخطبه
دراسه شخصيات
الزواج
التعمق بشخصيات

تفكير الانثى بخطبه عاطفي
تفكير الرجل بخطبه بدايه استقرار

اموركم طبيعيه
يا اما تنتظري الزواج
او هو يخصص وقت لك

حتى يكون فيه اتزان وتهيئه نفسيه
في فتره الخطبه

او الانتظار لزواج

الله يوفقكم ويسعدكم

السلام عليكم ورحمة الله وبركاته


مايصير أساسأ تتكلمون وقت الخطبه واذا لزم الأمر يكون عند أهلج في البيت وماتكون فيه خلوه





بعد الملكه يحق لكم ذالك.. هذا في الدين




وموضوع مايكلمني وكلام الناس لازم يموت عليج..... الخ

ماله داعي..


لأن فعلا في ناس جذا.. سواء بنت أو شاب.. بمعنى مايتكلمون مع الطرف الآخر





وعلى فكره بما إن خطبه فقط إحتمال كبير هو يتجنب هذا الأمر لأنج مب حلاله مجرد خطبه