متى نشمك شمة تقعد ....... الراس
ودموع عيني تنتثر مع ........ اثرها
يا عقب ابوية عودنا معرب الساس
وفعوله اللي يحتري من .. حضرها
الغيبة اللي تنتظر خالق ..... الناس
يجمعني فيكم شمسنا مع .. قمرها
الراس عقبك يا ولدي .. ما لنا راس
يا عزوتي يا عين ابوك ..... ونظرها
انام واصحي نومة كلها .... اعماس
حتى الخواطر عايش في .. كدرها
تعال وشفني بينهم يابس .. ايباس
بين العفون السابحة في .... بحرها
لا ناشد عني ولا فيهم .... احساس
حتى القرابة بينهم من ...... نحرها
متى نشوفك تردع الضيم والياس
اللي نعيشه يا منزح ........ خطرها
العود عقبك عايش كسرة ... الباس
ولا هي غريبة قبلنا من ...... خبرها
قبلي شكى لادباس عوده ابو دباس
من ربع حازوا نخلته مع ..... ثمرها
خلوه ربعه يمشي بطارف . الساس
ياما كتب لادباس يشكي .... قهرها
والا فأنا يا بوك للموج ...... غطاس
اغوص واصل وانتقي من ... دررها
مير البلا من دونكم حبس الانفاس
والا نجيكم لو تعالى ......... مطرها
لو الشجاعة تفتح الباب .. واحباس
جيتك مع اللي ما يهمه ....... نفرها
مير الصبر هو سيد الوضع . لا باس
ويرحم إلاهي عين طول .. . سهرها

القارظ العنزي

الابداع في مرورك
شموخ الامارات

اللهم آمين جزاك الله خيرا
نجمتنا الغالية مسك الغلا
وحفظ لك أبناءك يا رب