متى تحس بحالتي ترحم ...... الحال
حال تعذب من هواكم ........... شقية
وانت اللي دايم في حياتي على البال
ولا يشغلني عن غلاكم .......... صبية
الطف بروح غردت تطلب ....... الفال
في قربكم تلقى الحياة ....... الرضية
وان ما لطفتم الدهر دحدر ...... ومال
ومالت علينا من جفاكم ....... ... بلية
حنا صبرنا وصبرنا والجفا ...... طال
الله يعوض صبرنا .............. يالهوية
والله يسامح بالغلا زين ....... الازوال
اللي رماني ما نشد .......... بالضحية
خلي ضحى بي يا عرب بين الاطلال
مشى وخلاني بسهلة ......... جرهدية
يا من يوصل الخبر زين ....... الاقبال
قولوا حياتي بالخطر .......... والاذية
يمكن يحن لدمعة سيلها ......... سال
وعين سهيرة نومها .......... شلفحية

القارظ العنزي

الظاهر انك ماتأكل ولاتشرب ! بس تقرض في هالشعر
بصراحة ماشاء الله عليك على القريحة الفائضة
وإن شاء الله يكون لك ديوان شعري
صح لسانك قبل ماانسى ..~

وشلون ارقد يا حطاب
والذيب بديار .. غربية
النوم غايب والاسباب
وهموم شالت .... عليه

صح بدنك حطاب خلها
على الله لولا الشعر مشيت
اهذري واطب الفية من بدري
طبت وطاب مرورك يالغدري

ونعم بالله شموخ كلك ذوق