متى يحق بشرع الله اخذ بنتي من امها ؟
 

السلام عليكم ورحمة الله وبركاتة
بنتي كبيرة الان عمرها تقريباً 10 سنوات

متى يحق لي اخذها عندي لاني اخاف عليها عند امها! ليس عند امها بل عند محيطها؟
لان يمكن امها تنشغل عنها وودي اربيها واعلمها افضل تربية وتعليم.
اريد استشارتكم بالامر

الله يصلحكم


بس متى تسقط الحضانه

القانون الإماراتي

البنت اذا صار عمرها 13 والولد11 أعتقد

القاضي يخيرهم مع منوه تبون تعيشون

وفي بلدان اعتقد 14 سنه..


عموماً هذي في حالة إن ماشي مشاكل والأم كفئ




بس في حالات تسقط الحضانه قبل ذالك
اذا الأم تزوجت أو ثبت إنها غير قادره على الحضانه ومهمله......... الخ




بس بشكل عام الأم دائماً في المقدمه بما يخص الحضانه

غير الإستثناءات الي ذكرتها وغيرها وكل بالقانون

الآن السؤال... انت ما تأمن على بنتك من بيت أهل زوجتك وأكيد عندك أسبابك


ودي أعلمها وأربيها في نظرتك أمها غير كفئ! ؟؟ ويمكن تنشغل عنها ليش حطيت هالإحتمال!!


أحس انت ما تأمن بقاء بنتك مع أهل زوجتك هذي هي مشكلتك بضبط وهذا يحق لك
لان انت أب وأكيد بتخاف على بنتك



اذا قدرت تثبت مخوفك بدلائل.. أعتقد القاضي بيقولك افتح لها بيت ول بنتك مع ان هذا واجب عليك

بس يمكن المشكله الأم تبا تعيش مع أهلها



عموماً اذا ثبتت ذالك بينصفونك

خاصه ان بنت وانت أب أكيد بتم تحاتي




طبعاً انا حللت من عندي ومن كلامك

ماعرف من منوه تخاف عليها بضبط

مافي أم بالدنيا تنشغل عن ضناها .. هذا اولا

بعدين البنت تحتاج للأم أكثر من الأب في نواحي كثيرة
وإذا كنت متزوج بصراحة مافي زوجة اب تعوض عن الام مهما كانت طيبه ... بإمكانك تصرف عليها وهي عند أمها وتساهم في دراستها ..
وهي عند أمها والحظانه للأم إلا إذا ثبت بالحقائق عدم أهليتها أو تزوجت هنا ربما يحق للأب(( ان كان صالحا)) ... حط تحتها مليون خط

واعتقد لدينا الممثل القانوني هنا ان كنت بالسعودية راح يشرح لك بالتفصيل

الصراحه وااااايد فيه أمهات ينشغلون عن أبناءهم



سواء الأب أو الأم طرف منهم مب كفئ من نفسه يتانزل عن الحضانه



واااايد نسمع عن إهمال الأمهات بعد


نكون محايدين


عموماً شوفوا مصلحة البنت

بس اذا فعلاً الأم كفئ



أكيد أفضل اتم ويا أمها... وانت دبر سكن اذا المحيطين فيها مب كفئ وخايف عليها منهم