مجاراة بين الشاعرة Moon 21 والشاعر:- حمد بن فهد المخالده السبيعي.
 

مجاراة بين الشاعرة Moon 21 والشاعر:-
حمد بن فهد المخالده السبيعي.
تقول الشاعرة Moon 21 :-
على كثرالجروح الداميه ماروضت لي باس..
بقت تنزف وأنا أضمد وأعاند قاسي أوجاعي..

تموت الصرخه بصدري وأنا ماينخضع لي راس..
ويبطي من يدور زلتي لو شانت أوضاعي..

تراء ماهي أنا اللي ماتحسب الكيل والمقياس..
أقلبها على موجة هوايه "'ورفع"'أشراعي..

عنيده والصبر دايم سلاحي وأنظم الهوجاس..
مثل نظم الفرايد في صدور الغيد ببداعي..

قنوعه والقناعه كنز اثمن من بريق الماس..
وهذي من قناعاتي لا حد يحاول اقناعي..♡

=============================

مجاراة الشاعر/ حمد بن فهد المخالده السبيعي
. <<< { صرخة فجت الصدر } >>>
يا أم الجروح الدامية جعلك من خيرة الناس
قريت منظومك جزل المعاني وخف صداعي

حي اللي مقياسها في الأدب نادر المقياس
طيبة السيرة تضمد جروحها بروحها وتراعي

صرخة العفيفة يتسابق عليها فارس وفراس
وإنا لأجلها اتقدم ما هم لو انكسرت اضلاعي

الفطينة ما ينخاف عليها قوتها قوة الغطاس
تغوص العميق متوكله على الله لدعى داعي

الحرة الأصيلة ما تهاب الموت وترفع الرأس
عند الشدائد من قوة بأسها يشتد بها ذراعي

من تعلم الصبر وصبر نفسه تلقاه ما ينحاس
تحسب حسابها والأمر البسيط ماتعده عادي

أبيات شعر قالها الذي للخطر كم وكم داس
قالها ابن المخالده حمد بتروي والفكر واعي
الشاعر/ حمد بن فهد المخالده السبيعي

صح لسانك يافهد مجاراة جميلة وصح لسان قمر 21

صرخة العفيفة يتسابق عليها فارس وفراس
وإنا لأجلها اتقدم ما هم لو انكسرت اضلاعي



صح لسانك يا حمد

وصح لسان الشاعره



أبدعتوا:ورد:



ولكم الخمسه

الله الله
صوت وصدى
في غاية الروعه
طرب طرب
صح لسانك ياحمد الفهد
وصح لسان الشاعره moon
تنيناتهم ابدعتم

ودي وتقديري

وعليكم السلام ورحمة الله وبركاته
مجارات جميله ورائعه اخي الشاعر الكبير حمد
تقبل مروري

صح لسانكم جميعااا

يختم ل 3 ايام مع التقييم