ياللي كليت الذيب قلي من .... الذيب
يا ليت شعري منه اللي ........... كليته
احذر لا تسطي وانت وسط المعازيب
مهما يصير وينهرك وسط ......... بيته
اصبر وصابر وانتظر كنك .. ... الشيب
واكمن الياما ياصلك .......... لا فديته
عساه هو فدوتك يا منقع ...... الطيب
في حربتك تشلع مع الزور ...... صيته
من عقبها يالذيب يكفي ....... تغاريب
طال الغياب ودمعنا .......... ما حويته
دموع عيني من بطاكم ....... تصابيب
وين البخيت اللي يشوفك ....... لفيته
قالوا يجي بالعيد عيد ....... الاعاريب
كم من عياد بالعرب .......... ما نسيته
العيد شوفك يا قليل ........ العذاريب
والا عياد الناس واجب ....... قضيته
لو شفتني من عقبكم عارضي. . شيب
من صبرنا وايام هم ............. طويته
قالوا ظروفك تبغي اليوم .... تطبيب
مر الطبيب يقيس ضغطك .... وجيته
قمت ونشدته وش بلا القلب من عيب
قال البلا ذيب تبيه ............ احتريته
تحدرت دموع عيني .......... تراحيب
ساعة سمعت الطب شوفك .... هقيته
أطلب من اللي رحمته كلها ...... غيب
رب كريم وبالعطايا ............. رجيته
يرسل لنا من رحمته خالق ...... النيب
الفزعة اللي ترتجى جوف ......... بيته
دعوة ملبي يشتكي قلة ........ الصيب
ربه سمعها وقال : ربي .. ....... عطيته

القارظ العنزي