|
مساجلة شعرية بيني وبين الشاعر عتيق (1) أسعد الله قلوبكم بكل خير مساجلة شعرية بيني وبين صديقي الشاعر عتيق * * * البداية مني و اقول : يا ليل شاعر بقى به ليل كي يسهر ! يسري في الليل و دروبه قوافيه لاما يغره جمال الحسن و المظهر ! لو طبعها شين بس الشكل حورية !! ابحث عن الأصل واستقصي عن المصدر ! بعض القصايد تجي يا شيخ عفوية كمثل هذي بلا موعد لها تقرر ما كنها الا بوسط الصدر مبنية ياللي عبرت الخطوط أحذر من الأحمر في الشعر باقي نصايح ليك اخوية في واديٍ تجهله والاسم هو عبقر بسمل.. وفيه استعذ من كل جنية ماحد يجية ويمر من دون ما يخسر عادي تقّبل وخل روحك رياضية وان والله انك عبرت الوادي الأخطر بجهر بصوتي وحي اللي حضر حيه الثالثه ثابته لا تقول لي : ماقدر / فوّت اللي مضى في لحمها نيه ! تركت اللي تعبت ادمية بالخنجر ! تقول : عادي وهي ماهي بعادية جاري يا جاري وانا اللي فيك كم افخر بشائر الخير لاحت منك فجرية يالغامض اللي بوجه الشعر تتستر تصوغها مبهمة بالحيل مخفية لكن فيها جمال وحسنها يأسر يا عاشق الشعر هات ابيات حصرية والان دعني وباقي بيت لم يذكر عليه من بصّمتي و حقوق فكرية بكره يمُر .. وشريط الذاكره يفتر ويردك الشوق لأيام العزوبية !! لو كل ما هو على بالي بدأ يُنشر يمكن يسبب بداية حرب أهلية ! لا يا زمان التقدم يا الزمن الاغبر اخلاق بعض البشر تأتي تجارية لكنّ قلت اتغاضى دون ما اذكر بعض الحقائق تثير أفكار منسية ويا عاشق الزين في ليل الوله تسهر تكتب إليها قصائد حب شتويه والمترفه وين ؟ مدري وين في المهجر ! تشتاق وتحن لك في كل عصرية ماجت على الكيف والا مثل ما اتصور لو كل عاشق معه احلام وردية * * * وهذا جواب الشاعر عتيق يقول : أرض الشجر ساتر اللي يلبس مشجّر و علاقتي في خفايا الشعر سطحيه بسمل على هاجسك من بعد ماتكبر وأقرا عليه التحيه و عينك بكيه العود والمسك و الجاوي مع العنبر وشلون طيبي تجي به ريح رمليه يامرحبا فيك عابر ما لقى معبر أشوف رسميّتك معها فكاهيه مافيه صدفه تجي وتجيب مستعمر الا وراها نشوف افكار حزبيه نعبر محيطك ونبحر عرض من يبحر وأما النصايح تحب اسرار مخفيه يا صاحبي يسرنا شفتك تبيه أعسر مابين رمي البنادق طعن جنبيه علمتكم ما تطيق الصبر قلت : اصبر واول ردودك ردود أفعال عكسيه عاش البطل لو تكاثر مجتمع مخبر اللي تخون الوطن من دون ماويه يقبل عليهم .. عليهم بالنحر ينحر ما كنه الا باالاضحى يذبح اضحيه ما كل مكينة تبي تسقيط بالشنبر و ما كل قصيدة تجيب الرد رديه من يقنع اللي عماه اللون بالمنظر ماهو بذنبي يشوفه غير بوديه نجيب حلو المذاق يقول له مرمر و نعطيه رمز الكنوز يروح للنيه الفرق واضح ما بين السمر والعرعر والكيف ماهو بشنفر كيف بريه المشكلة فيك وانت الشيخ بالازهر اتشخصن الوضع والاوضاع فقهيه عبرة ومالك ولا حتى لكم منذر تطيح وسط الثرى من عقب عليه بالاول الثاني والثالث بها محضر حرب الشوارع عليها رافع ايديه الفتل نقضة على يدّي يجي مثمر وان طاح بذره سببها تحيا بريه كم بيت؟ تذكر! تجيني فيه متسمر و القول قولك يا ليت البيت لي زيه مره وزيرٍ و مره يشوفني مستر و مرات اشوفه يجيني طافيٍ ضيه والحين ثوبي مقاسي صح ولا يشمر أفضح جروحي جروحي تبغا رمزيه لو شفتنا زين شفت الجرح بي يفخر تسمع صدى صوت : ما عادت عبوديه وسلامتكم . |
الله الله صوت وصدى أروع من الروعة ذاتها صح لسانك يالشاعر القدير وله وصح لسان الشاعر العذب عتيق ودي واحترامي:ah11: |
الاثنين كان شعركم وسجالكم قوي جدا سلمتم اعزائي صح لسانكم يختم ل3ايام تقييمي خمس.نجوم |
الله عليكم من شعراء ابداع منقطع النضير ماشاء الله تبارك الله تقييمي خمس نجمات لايك |
صح اللسان وسلم الفكر والبنان مافيكم حيلة ولة وعتيق تحيتي واحترامي |
اقتباس:
شاعرتنا احلام صح بدنك ي آنيقة اسعدني تواجدك ممتن لك . |
اقتباس:
المبدع مساحة قلم شهادتك نعتز بها صج بدنك ولقلبك كل الود والشكر . |
اقتباس:
القدير اعد النجوم نورك زان به المتصفح شكراً ولا تفي لكرمك يا نقي . |
اقتباس:
شاعرنا الرائع سلمان صح بدنك والله يسلمك ي آنيق ممتن لهطولك هنا . |
صح لسانك. استمتعت ومشكور ع الدعوه.. شعرك جميل أستمر. |
سجال قوي وراقي بين شاعرين متالقين يعطيك الف عافيه اخي وله آبدعت |
الله عليك ما اروع ابياتك سلمت يداك عزيزي |
الله الله مُساجلة شعرية ممتعة وجميلة جداً .. شاعرنا المتميز / وله وشاعرنا القدير / عتيق صـح السانكم ولاهنتم .. ودي وتقديري..." . . |
ما شاءالله روعه ابداع جميل ورائع وابداع ربي يسعدك ابدعتو وتحياتي لك ربي يحفظك يارب |
ي مراحب بشاعر الفخامه وله عند جمممال قصيدتكم تعجز الحروف والكلمات عن الرد لكن اقول صح لسانكم واعتلى شانكم ماننحرم من جمممال ماتطرحونه |
... صحت السنكم .. وله / عتيق جزاله وفتل وقافيه عسره مايبدع فيها الا المتمكنين.. استمتع بقرائتها واستمتع اكثر بقافيه الصدر شكرا لكم على هذه الجزاله ياشاعرنا المبدعين .. |
كل كلمه اطلق من الثانيه ماشاء الله عليكم جدا ابدعتوا صراحه صح لسانك ولسانه وسلم الله لنا اناملكم الذهبيه ، يعطيك الف عافيه |
مسك الغلا بخير دام فيه شاعر مثلك وعتيق مع الكبار الآخرون من الشعراء الله لا يضركم عن جد امتعتونا لكم تحياتي واحترامي يالغالي |
اقتباس:
الأنيقة rooz تواجدك أسعدني صح بدنك ولك كل الشكر والامتنان . |
اقتباس:
هطولك اسعدني يا ŢαŢμαŊα ممتن لك . |
اقتباس:
أهلاً أهلاً ب ريبانزل نورتي المتصفح يا نقية وكل الشكر لا يفيك . |
اقتباس:
خفوووق الروح هطولك يستحق الاحتفاء صح بدنك ولك كل التقدير والاحترام . |
اقتباس:
وكل عبارات الشكر والامتنان لا توفيك ويحفظك يا رب . |
اقتباس:
يا هلا فيك اكثر نورتي المتصفح بهطولك العذب صح بدنك ي انيقة شكراً ولا تفي . |
بجد ... ابداع تبارك الله عليكم مثل هالمحاورات تثري الساحة الشعرية والجميل ان نفس الابيات طويل بانتظار جديدكم صحت الألسن ودام الابداع |
| الساعة الآن 12:39 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا