ما يفهم المجروح غير ... الوليدة
اللي تعزوى به جريح . المصايب
تجمعت به الظروف .... الشديدة
ولا صديق يلحقه ...... بالركايب
يا من يوصلني ديار ..... الخريدة
اللي تحرا شوفنا ....... والقرايب
ما هي من اللي تلتهي بالعصيدة
ولا تسلى دوننا ....... بالصحايب
الله يصبرنا ويلهم .......... عبيده
في صبرهم ربي جزيل الوهايب
يا قلب يكفي من بحور وقصيدة
على صغير نازح ..... الدار غايب
اصبر وصابر والفوايد .... عديدة
ترتاح النفس وتفتكر ... بالنوايب
ولا بد ما يفرح حزين ...... بعيده
ولا بد ما يلحق صغير ... بشايب
والكل يفرح والملابس ... جديدة
ونودع الماضي وشين . الحرايب

القارظ العنزي

صح الله السانك القارظ

ربي يجمع شملكم

ابدعت وليس غريب عليك

تحيتي واحترامي

صح الله بدنك سلمان
والإبداع في مدرستكم
ومنكم نتعلم لاهنت

صدقت يالمزيون ما من شريدة
والا التقينا يالحبيب ... الحبايب
لكن وحيد صار ينقط .. صديدة
مثل الحديد اللي مصدي وذايب
يا ترفة الترفات شوف ي وريده
الدم غار وغار معه ..... القرايب
حتى نديده غار ما من ... نديده
صارت علينا يا حلومة .. يا حرايب