|
العيـطمـــــوس بسم الله أبدأ اقبلت والكل يرقب زولها وابهرت من شافها شمس الشموس من حلاها كن محدن حولها عيذها يالله من شر النفوس مبهرة من راسها لرجولها تقعد الوقاف وتقوم الجلوس عسجديه نحر يبرق لولها غيهبية شعر في ليل غلوس في حلا هيفاء تحير عقولها أذكر الله يوم شفت العيطموس العروسة لا أقبلت غنولها وأطردوا الأحزان والوجه العبوس أعزفوا بدفوفها وطبولها وأرقصوا فرحة و دوسوا الأرض دوس كلنا جينا على مرسولها واجتمعنا لأجل عينك يا عروس دانة البحار محد ينولها ماتقدر بالذهب ولا الفلوس لينا جاها كفوها ويطولها شيخ شامخ رأس من روسٍ تروس من سلايل لابةٍ يا هولها المرازيق أشرف العربان روس يالله ياللي رحمتك ندعو لها تحفظ القلبين من شر النفوس نرفع الدعوات لك ونقولها دامت الأفراح والشر محسوس قلم بو نوره |
رائع انت اخي ابو نوره قصيدة راقت لي كثير صح لسانك مليووووووون ولا يكفون يختم ل3ايام تقييمي خمس نجوم لايك تستاهل شاعرنا العذب |
صح لسانك وسام منطوقك وبختها شمس الشموس وطاب فالها وجعل العافيه لها ولشيخها ملبوس |
ابو نوره صح لسانك ابيات جزله ومعبره تقبل مروري ولك تحياتي |
قصيده منتهى الجمال والتمييز والبراعه يسلم آحساسك وحروفك آخي بو نوره آبدعت |
| الساعة الآن 06:33 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا