((ليتها بالحب خطوات المصيبة))
 

ليتها بالحب خطوات ... المصيبة
يمكن نلقى بالغلا بعض .. البدايل
لكن همي قهرنا والله ....... غليبة
ذبحنا من غير ذبح ودم ... سايل
والوسايل عندنا صارت .. صعيبة
عندنا ولا كننا بين ....... الوسايل
مثل من وقف على .... مية قليبه
موتوه من العطش والمي .. جايل
العذارى كل تلهي مع ...... خطيبه
وانا عشقي من وراه الحد . حايل
عزي للي ما قدر يقطع .... شعيبه
وهو يشوفه في رموزه . والدلايل
الكرونا فرقت خل ......... وقريبه
يا عذابي عذبت ناس ... وحمايل
من يشوف الدمع زايد في صبيبه
والحنايا عندنا صارت ..... نحايل

القارظ العنزي

أبيات جميلة ونسال الله أن يبعد كورنا عن العالم وتعود الدنيا الجميلة للجميع افتقدنا الدنيا الجميلة الغير مريضة

دمت بخير شاعرنا

اللهم آمين
ودام مرورك
الطيب يالزمن الطيب

صح بدنك حطاب لاهنت

صح الله لسانك القارظ

اللة يفرجة على كل مسلم

سلم بوحك واحساسك يامبدع

تحيتي واحترامي