. <♡{ داري هوى من هواك }♡>
دهاني في العشق مياس القد و الخدين
آه منه مره يصالحني ومره عني يتصدد

لا يجي بظنه اتأسف منه عريب الجدين
مندون خطأ كلمة وحده مستحيل اتردد

إذا في خاطرك كلمة قلها لا تقول بعدين
او اسكت وخل عهد الوفاء معاك يتجدد

إحذر لسانك في الجد و الهزل له حدين
من قبل لاتروح فيها سبت لسان ماحدد

ترى الصامل مايعاب إلى من لقاله كدين
ومن عرف حسابه ما يلام اليا غلط عدد

آه العهد و الوعد أمانة مثلها مثل الدين
والديان يكره اللي لحقوقه وقتها ماسدد

خلي سدك في قلبك سد لا تجعله سدين
وداري هوى من هواك ولمنه شد لا تشدد
ش: حمد بن فهد المخالده السبيعي

اخي الغالي صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة . أسعدني تواجدك الطيب في صفحتي المتواضعة وتشجيعكم لي انتم أهل الفضل والمنة اسعدتموني اسعدكم الله وأسعد أوقاتكم بكل خير وصرف عنكم الشر وأهله.
اخوك/ حمدفهد

اخي الغالي أعد النجوم صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة. أسعدني مرورك العذب وتقييمك العادل يسعدك ربي.
اخوك/ حمدفهد