|
موضوع مُغلق |
| LinkBack | أدوات الموضوع | انواع عرض الموضوع |
03-11-21, 05:41 PM | #1 | ||||||||||||
مَشَـآــآــآعِـر~شَـآــآــآعِـر
|
وجرح يتجدد .......جديدي الحصري
اهلاً بكم جميعاً اذا الشاعر كتب قصيده فهو دايمن يحب يسمعها لمن يحب طبعا انا اذا جيت بكتب بيت من الشعر اسمعه لوالدتي حفظها الله واخذ رأيها فيه اذا حلو اعتمده اذا لا اشطبه طبعا امي ماهي شاعره لكن لديها حس النقد وتعرف الزين من الشين هذي القصيدة اللي كتبتها شاورتها فيها واعجبتها طبعا هي اللي اختارت عنوان القصيده ارجو ان تكون القصيده ترتقي لذأقتكم اخوتي ( وجرح يتجدد) لا ترخص الروح لجل إنسان مايوفي وارفع مقامك عن اللي داخله أسود به ناس ودي أنا أعطي لهم شوفي إكرام وعزاز ماعنهم تبي تبعد إللي تركني أسير(ن) في سجن خوفي ماخاف ربه وعني قام يتصدد وإن مرني قام يتعذر بالاظروفي ويقول ياصاح سامحني ترا مقصد ماشفت من عشرة المياس معروفي ماغير جرح(ن) يطيب وجرح يتجدد أبنشدك ياعيوني كيف هو جوفي باقي به النار ولا الجمر قد رمد دام إن راسي مثبت بين الاكتوفي يحرم عليه..... أعيش أفذل متعمد ماحكم الأقدار عنا اليوم مصروفي به ناس تحزن وبه ناس(ن) تبي تسعد الهم والحزن في هالعالم ضيوفي قهويتهم من عروقي وعشت متنكد أمشي طريق(ن) وبالاخطار محفوفي ماكنت* متواني* ولا كنت متردد ياجنة الله قلبي فيك ملهوفي لولاك ماكان رجلي تعرف المسجد ورضاك يارب* أرفع لجله أكفوفي ومن أجل شوفك أنا* أركع لك وأسجد لو كنت في دنيتي* مقيد ومكتوفي لي رب بيحلها ما دمت له أعبد كتبت ماطاب لي من اجزل حروفي وانهيت شعري أصلي عالنبي أحمد | ||||||||||||
|
03-11-21, 05:49 PM | #2 | ||||||||||||
|
قصيدة جزله وابيات غاية في الروعة والعنوان مناسب ابدعت وامتعت .. صح لسانك ولافض فوك لا هنت ولا هانت الوالدة ربي يخليلك اياها ويطول بعمرها تسلم يمينك ولا عدمنا جديدك | ||||||||||||
|
03-11-21, 05:51 PM | #3 | ||||||||||||||
|
اللهم صل وسلم وبارك على سيدنا محمد ما شاء الله صح لسانك وربي يعلي شانك أخي ابيات قمة في الروعة الله يطول عمرك والدتك ويحفظكم جميعآ يختم ل3ايام مع التقييم | ||||||||||||||
|
03-11-21, 06:23 PM | #4 | |||||||||
|
كفو جزلة من راس وافي وصح لسانك وخير من شاورت يالامير ربي يحفظها لك | |||||||||
|
03-11-21, 08:53 PM | #5 | |||||||||||
|
عليه أفضل الصلاة وأتم التسليم ابيات رائعة صح لسانك اخوي ودام نبض قلمك وربي يحفظ الوالدة ويطول بعمرها تقييمي + الفايف ستارز | |||||||||||
|
03-11-21, 09:09 PM | #6 | |||||||||||
|
اللهم صل وسلم وبارك على نبينا محمد ما شاء الله تبارك الله ربي يحفظها والقصيدة من قلب وحس شاعر عذب ابدعت يا نقي صح لسانك وسلم إحساسك وكل الود لك . | |||||||||||
|
موضوع مُغلق |
مواقع النشر (المفضلة) |
| |
| أصدقاء منتدى مسك الغلا | | |||||