اسعد الله اوقاتكم بكل خير
إنطلاقاً من مقولة ( أعذب الشعر اكذبه )
أبيات أتمنى أن تنال إعجابكم

جانـــي طلــب !! ناسٍ عليّــــه عزيزين
يبــغـــون قـــافٍ !! بالـــغـــزل والغرامي

قلـــت الغـــزل يحتـــــاج خبـــرة محبين
يطــوعـــون القـــاف معهـــــم شمامي

قالـــــوا بدون اعــــذار نبـغـــــاه ذالحين
للـــحـــــرف فارس يا رفيـــــع المقامي

قلـت ابشــــروا ياللـــي عليــــه مصرين
ابعلــــــن الرحـلــــه وابــربـــــط حزامي

وبالمختصـــر علمـــــي عليــه البراهين
تسمعـــوا بــــه واحكمــــــوا بالختـامي

راع الهــــوا لو شـــاف ما شافت العين
يمكـــــن يســوي لخبطــــه بالنظامي

والا يتـعــــــدى الانظــمـــــه والقوانين
هـــذا الكلام اللـــــي عليـــه الكلامي

شفــت الذي معهــــا رمـاح وسكاكين
تقتـــــل بلا رحمــــــه ودون اهتمامي

الخـــد والمبســــم وقـوس الحجاجين
منهـــا علــى الدنيا واهلهـا السلامي

ورموش مصفوفــه علـى زوج عينين
والأنف مسلــــول وسـوات الحسامي

وغمـــازتيـــن وشــامـةٍ زادة الزين
علــى اسفــل الوجنـه بموقع تمامي

واشقــر جديـلٍ مايــل يســـار ويمين
متفــرقٍ عــن جيــد ضبــي العدامي

واحمـــر شفايــف خالطـه روج لونين
وخلفـــه ثمـــان وكثـرهـــا بالتمامي

بيـــضٍ كمــــا اللولـو بلمعـــه وتكوين
والا كـمـــا لــــون الـبـــرد بالغمـامي

لو تعتـــرض للـــي علـى ملــه ودين
استغفــــر الله يفطـــــرون الصيـامي

اخــر خبـــر يــــوم ارثعــت بالمصلين
واول ضحــايــــاهـــا تــــراه الامـامي

باسبـــاب زينتـهــــا انجلــط والمعزين
قالـــوا تـــرى مـن تقتلـــه مـا يلامي

اذبحتـــه بجســمٍ بـه الخـافــي يبين
وخصــــر نحيــــل ولا يشــد الحزامي

والفلـــم كامـــل قصتـه بيـن قوسين
حلــمٍ غثيـث ومنـــه عفـت المنامي

مشاهده ممتعه اتمناها لكم

عااشق جنوني

الله الله يا .. عاشق جنوبي .. اجزلة ورب الكعبه ...
فصيده غزليه من عنق الزجاجه لله درك ...

صح اللسان وسلم نبض الغؤاد وعذب الاحساس والبنان ...
اجدت الوصف بحبك وسبك شاعر راقي ...

تسلم المحبره والقلم ...

... لا خلا ولا عدم ...