السلام عليكم ورحمة الله وبركاته
هذه أبيات متواضعة مهداة للأخ الغالي الشاعر/ الأستاذ القارظ العنزي. خاصة ولمتذوقي الشعر عامة:-
<{لاتلوم خفي السد ومن سده باح}>
ياالعنزي اعذر منه تولع في الملاح
خص اليا صار شبه القمر و مزيون

ياكم طريح في الهوى صاح وطاح
وقل الله لا يرحم اللي ما يرحمون

ريف ظريف لمن مر كاشف الوشاح
عين قتاله وخشم كالسيف مسنون

لا لاتلوم خفي السد ومن سده باح
الأول حزين والثاني يبكى مجنون

وأرىالعشق للقوي والضعيف ذباح
آه ياعنتر وقيس اللي لهم يذكرون

ألا يااخوي يالقارظ كان تبي ترتاح
اشغل الفكر بذكر الله دنياك اتهون

وصبر النفس لمن خويك عنك راح
وخل الأمل يا اخوي نصب العيون

لبد تعتبر خويك ضاوي كما المزاح
كالشمس والقمر ليا غابوا يرجعون

دنيا ما تستاهل لحظة زعل ياصاح
وين رعاة الأمم واللي لها يعشقون

اسلم وسلم يالعنزي يارجل الكفاح
وصلاة ربي على الصاحب الميمون

نبينا محمد عد برق في السماء لاح
وإعداد اشجار رشها مدلهم المزون
الشاعر/ حمد بن فهد المخالده السبيعي

صح لسانك يالمخالده نظم مبدع
وننتظر رد القارض &

يا مرحبا بالقاف من ذيب ... الاسياح
قاف على سلم الرجاجيل ..... موزون
ذيب يصيد الذيب كان الخطر .... لاح
ابن فهد يفداه من يمنع ......... العون
يا جعل يومك يا حمد خير ... وافراح
وعند الولي مقبول باللي ... . يحجون
نصيحتك وصلت على الراس يا صاح
وانا من اللي على الضاوي .... يحنون
ادري غدا به ظبي الاتلاع ..... وابراح
يا كثرهم اللي من هواهن .... يخفون
ضاوي فقد عقله وبحبهن ........ طاح
ولا هي غريبة لو بقى اليوم . مجنون
الله يعوض المسك في طيب .. الراح
امثالكم بالطيب واللي ...... يجودون

صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة.
اخوك/ حمدفهد

صح لسانك وسلمت يداك الوضاءة وقلبك الطاهر يحفظك ربي عزيز الشأن ويرفع من مقدارك دين ودنيا وآخرة. اسعدني الرد الجميل والأسلوب الراقي تسلم لنا الأيادي الوضاءة يسعدك ربي.
اخوك/ حمدفهد