كل نهار المسك ماسك ...... حبيبه
وانا غريت من الغلا .... ما مسكته
دنيا الهوى يا ناس والله ... عجيبة
حظ طلع واحظيظنا طاح ... بخته
يا مسكنا عينت بنت .......... لبيبة
عين الوحش عينه بساعة . شبكته
راحت مع الاقدار ذيك .... النجيبة
راحت وقلب عقبها ....... ما ملكته
قلبي تعلق في فتاة ......... عريبة
يا ليتني يا مسكنا ....... ما تركته
صدق البشر كل يلاقي ..... نصيبه
والمفلس اللي بالبشر ضاع .. بشته
والمفلس اللي باع مية ....... قليبه
وعند العطش ما فاد قرشه وجفته
ما ينفعه جفته وقرشه ..... وهيبة
يوم استوى والموت عمره وصمته
راحت علينا يالعذارى ........ غليبة
وسلمت لخل بالقوافي .... وصفته
فريدة الاوصاف تذبح ...... حريبه
ما مرني بالبيض مثله ...... وشفته


القارظ العنزي