نصيحه
 

إلى كل من يضن ان الشعر هو رص للكلمات المسجوعه دون علم بأصول النضم النبطي أو بحور الشعر العربي أود أن أقول لا تشوه الشعر بما تكتب

كلام متوزع على ... شكل أبيات
من غير وزن ولا قوفي صحيحه

اذا قريته صاب .....قلبك تنهات
من كثر مابه من صياغه قبيحه

لو الفراهيدي .... معانا ولا مات
وشاف ما اشوفه لقدم نصيحه

مضمونه لا تكتب الشعر بالذات
اكتب خواطر وما كتبته نبيحه

كتابتك لو قلت هات القلم هات
ما جاوزت .. مترديه أو نطيحه

انا اشوف اللي ما يغلط ما يتعلم الصح
يمكن انت انولدت شاعر لكن اللي حاب يكون وين المانع إذا معجبك الشطر الأول لاتكمل وتتعب قلبك بس لا تقول لا تكتب



انا في صف كل من يحول
أعجبك بشي وحبك له خله دافع لك

مع الوقت الطيبين بيدلونك ويعلمونك
مع احترامي لك اخوي والفراهيدي حقك:138:

يا اختي الفريده ليه بالرد تجفين
ياتاج راسي ارفقي في ردودك

انتي ورأيك دوم عالراس والعين
لا تشهري سيفك وكفي جنودك

انا تريني مبتدي شعر مسكين
وحدود فكري ما تعدى حدودك

وسامحيني .. يا ورود البساتين
واسف اذا عكرت فكرك ومودك

شكرا لمرورك العطر

شكرا لردك الطيف

صح لسانك بقايا حنين نظم مبدع
والشعر اللي مايهزك مايسمى شعر
على فكرة من عجز البيت الثالث وأنت نازل محتاج لمركز العضيب :Silbando:
ياارب يكون صدره وسيع ومايزعل مني :ah11:

والله دامك نقدت قصايد غيرك

فياليت صدرك يكون وسيع

وهذا تعديل للابيات اللي فيها كسر عندك


لو الفراهيدي معانا ولا مات
وشاف ماشوفه لقدم نصيحه

هنا فيه كسر ولو قلت

لو الفراهيدي معانا ولا مات
(ولو) شاف ماشوفه لقدم نصيحة


البيت الاخر

مضمونه لا تكتب الشعر بالذات
اكتب خواطر وماكتبته نبيحه

وهنا كسر في كلمة مضمونه

والمفروض تقول

مضمونها لا تكتب الشعر بالذات

واكتب خواطر بعد مكسوره

المفروض تقول مثلا يعني حتى يستقيم الوزن

اكتب خواطر ثم حنا نبيحه


هذا ونتمنى ان تكون وسيع صدر لما انتقدناه