|
حياتنا نكد وهم لكن عجزت اصبر الى متي صباحكم خير ياخواتى واخوانى بمنتدي اول مره ادخل منتدى بحياتي والله ضاقت علينا دنيا احنا كل اتزوج خواتى باقي انا واختي مابعد تزوجنا والكل متخرجات من جامعه ولا حصلنا الوظيفه حتى مصاريف اخوانى يتقسطوا علينا واهم حريمهم زوجاتهم يصرفوا عليهم من والى حتى يسافروا القصيم وانا يقولوا غاليه بطياره انا ماعندى حتى 500 في بنك حقتي كلها تخلص فلوسي وكل ماقدم على وظيفه مااحصل امى وابوى كبار السن ولا عندى دخل مادى اشوف بنات خوالى واعمامى اللى يسافر واللى يجى واللى عندهم شاليهات وغيرها وحنا بالبيت ا اما مشاهير كلهم اعلانات ولا اناظرهم عشان قلبي مايوجعنا لكن اقول الحمد لله على صحه والعافيه وخواتى متزوجات ولا وحده فكرت فينا بعد مشغوله بحياته ومع اهل زوجها وصعبه انى اطلب من اعمامى وخوالى حتى جوالات اغلي شي وانا اكثر من سنتين ماغيرتها بس جالسه بالبيت مدري متى تتغير حياتنا وروتينا اشوف ناس تزوج وتسافر وتولد وحنا بالبيت لاطلعه ولا لمه احد فيهم لكن اقول الحمد لله على صحه والعافيه ماتعوض وكل شي لاحقين عليهااااا بدنيا |
لا تستعجلين على رزقك ولا تقارنين حياتك بحياة الآخرين حتى لا تتعبي نفسك وتأكدي بل كوني على يقين بأن الله لن يميتك إلا وقد إستوفيتي رزقك الذي كتبه لك كاملاً كل مافي الأمر خلي إيمانك به قوياً ورددي (( الحمد الله على كل شيء وهب لي )) وعيشي حياتك وإستمتعي باللحظه ولا تنسي كثرة ترديد (( أستغفر الله العظيم )) لأنها تتفتح بها أبواب الرزق المغلقه . |
عندك أم ! وأب ! وأخت أيضا ! أي نعمة تلك ! مالك وللآخرين ! أصنعو جوكم أنتي وأختك وأبهجو والديكم الماده ليست كل شيء وان كانت مهمه لاتهتمي بالقشور فهي زائله عندك جوال ! ممتاز مايفرق أي إصدار لاتجعلي قيمتك متعلقه بالأشياء الماديه جوال ، لبس ، سفر ، دعي لك قيمه ذاتيه داخليه عليك بالقرائه فإنها من أعظم مباهج الحياة ليس بالضروره شراء الكتب إستعيري من صديقاتك عودي لقرائة كتب الجامعه ففي ثناياها أخبار وأفكار حاولي نبش عقلك بالبحث عن موهبه وفكرة مشروع طبخ ، تنسيق ، تسويق لاتنعدم الأفكار ولا الفرص لاترهني حياتك بانتظار أحد أبداً |
اقتباس:
" لكن اقول الحمد لله على صحه والعافيه " هذه الجملة هي الحقيقة والاصل والكل يتمناها يعني لو عندك ملايين وانتي مريضة وش الفايدة من المال ! لو متزوجة وساكنه بقصر وعندك كل اللي تبين ما راح تسعدك ولا راح تخليك تستمتعين دامك مريضة كلنا نبحث عن اللي تبحثين عنه وكلنا عندنا نفس ظروفك لا تفكرين بانك الوحيدة اللي تعاني او تظنين اللي عندهم وظيفة وفلوس مبسوطين ومرتاحين !! عمر الفلوس والبهرجة ما كانت سعادة اسمها متعة مو سعادة لان السعادة في القلب والمتعة للجسد وسريعة الزوال انا متعاطف معاك في معاناتك وعارف بانك ما تطلبين الكثير بس تحتاجين تكون اموركم معتدلة وعندكم اكتفاء ومرتاحين وعارف بان الكل منشغل عنكم ومو مهتم بغير اهله ولكن ثقي بان الاحوال تتغير واذا كنتي اليوم تعانين راح بكرة باذن الله تزول معاناتك وتتزوجين وتنسين معاناتك مثلك مثل غيرك ممن كانوا يعانون وتبدلت احوالهم الى افضل واجمل لذلك يجب بان تكون عندك قناعة بوضعك ورضى وتنظرين لمن هم اشد منك معاناة ممن يعنفهم اهلهم وممن تزوجوا وفشلوا في حياتهم تنظرين للفقراء اللي ما يجدون عشاء ليلة تنظرين للي ما عندهم لا بيت ولا اهل اللي اطلبه منك بان تبتعدي عن متابعة مشاهير الفلس ولعلمك كلهم يمثلون ويستعرضون والقليل منهم اللي يفيد لا تقارنين وضعك بوضع غيرك ابداً ولا تنظرين لاي احد حتى اخواتك لوما كانوا يلتفتون عليكم ويسالون عن احوالكم لا يهمونك ابداً .. وحتى لو قال اخوانك بان قيمة التذكرة غالية عادي وطبيعي ولا يصير بخاطرك .. باذن الله يعوضك الله ويجبر خاطرك ويغنيك وراح تتزوجين باذن الله وتنسين كل شي حصل اصبري ولا تكوني حساسة من ناحية اوضاعك وتكيفي مع اوضاعك واحوالك ارفعي يدينك للسماء وادعي الله ان يرزقك مافيه خير لك ونصيحة ، دام الوالدين باقي احياء فاجتهدي في برهم وكوني معاهم على طول وتفاني في خدمتهم لان التوفيق والسعادة وتغير الاوضاع مقترن بطاعتهم الوالدين جواز مرور للتوفيق والسعادة والخير فاستغلي الفرصة قبل تفوت عليك لان الاعمار بيد الله دامهم احياء ركزي عليهم وابتعدي عن اي تفكير ثاني ولعلمك لو بقيتي على وضعك وتفكيرك في الناس واحوالهم ما راح تستفيدين شيء ولا راح يتغير شي ثم انك لازلتي باول الطريق لذلك لا تستعجلي وتشيبك الافكار والمقارنات والهموم وانتي لسى شابة يسر الله اموركم ورزقكم من حيث لا تحتسبون تقديري ِ |
رزقك بيجيك لين عندك إذا الله اراد شيء قال كن فيكون والخير بيوصل لين الباب عندك انتي بس قولي الحمدالله وثقي أن الله معك ولن يخذلك انتي بس اوثقي بربك انه معك وبيعطيك اللي تبغينه واذا ماحصلتي مرادك في الدنيا ففي الآخرة الله كريم احمدي ربك انتي بمنعمة لا فيك مرض نفسي او عضوي غيرك يتمنى العافية بس اعرف ناس عندهم سرطان وماتو من السرطان اهم شيء اللي عندك تفائلي ولا يدخل التشاؤوم حياتك ابد علشان ماتدخلين دوامة المشاكل والله اهم شيء في الحياة العافية لو احكيلك عن مأساتي مع المرض بتحزنين انا خلصت الثانوية ولي ثلاث سنين في البيت لا جامعة ولا وظيفة اذا تبغين تعرفين قصتي تعالي خاص اخجل من الأعضاء يشوفو الحمدالله على العافية بس |
عندي اقتراح ليش ماتروحين دار مسنين تساعديهم احس اللي عندك فراغ والفراغ يقتل ترى بس تكسبين اجر او ساعدي والدينك حتحسين برآآآحة نفسية عندك جوال هذي نعمة بحد ذاتها افتحي مقاطع حلوة تطور ذاتك وتنمي ثقتك بنفسك افتحي على رياضة اليوجا تعلمك حركات بسيطة كيف تسوينها ترفع من طآقتك وحيويتك راح ينشرح صدرك لمن تسويها اسألي مجرب عودي نفسك على القوة والتفاؤل وعدم الخذلان واليأس حاربي التشاؤوم واليأس اتفرجي على علمتني الدنيا في النت ببرنامج شاهد نت في جوالك راح تستفيد وما اوصيك اصبري ولا تطالعين المشاهير اغلبهم حياتهم كذب وماهي سعيدة وش تستفيدين منهم لاتابعيهم سوي الغاء متابعة لهم وخلي علاقتك بالله قوية وخلي املك بالله كبير |
أسأل الله أن يرزقك الرضا والقناعه حبيبتي لا تفكرين بهذي الطريقه أبد غيريك يتمنى حياتك يتمنى يعيش بصحه وعافيه يتمنى أن عنده أمه وابوه يتمنى وجود أبسط النعم الي حولك ولا يحصلها الناس المشهوره حياتهم كلها كذب لا تقارنين نفسك وحياتك فيهم هم يصورون الجانب الحلو بس وبخصوص الطلعات والخرجات والسوالف ذي ترى كثير بنات نفس وضعك واشد بعد لكن اصنعي لك جو ممتع بالبيت انتي واختك الي معك وامك وابوك انبسطوا مع بعض تعلمي شياء جديده أقري كتب فكري بتفاؤل ونضج لا تفكرين بسطحيه وهمك السفر والخرجات والفلوس وفكري بالناس الي أسوء من حالتك صدقني رح تحبي حياتك لكن لما نطالع بشيء فوق رح نتعب أنا متاكده حولك أشياء حلوه كثير تقدر تسعدك لكن أبحثي عنها وخلي الرضا والقناعه شيء أساسي بحياتك والله رح ترتحين جدا وتحبين أبسط الاشياء ورزقك موجود بس خليك واثقه بالله كل شيء له وقت مناسب الشغل والزواج وكل شيء |
اقتباس:
دام امك وأبوك عايشين طز بالدنيا والرفاهيه عندك والله بابين من ابواب الجنه حرمنا منهم .. الله المستعان اختي بالله لا تطالعين للي عند الغير حتى لو كانو اقارب ولا تحسدين احد امك وابوك عندك ولك اخت وربي انك بنعمه انا لا ام ولا اب ومحرومه من الاخت والحمدلله والشكر لله .... ربي ماخلق خلق وضيعه ترا عندك خير بري بوالديك اكرميهم اخدميهم ولا تقصرين معهم ابد وربي راح يفتح لك ابواب الخير ... بعدين اكيد عندك سناب استغلي هالشي غطي للمحلات سوي تغطيات لو تفتحين حساب ثاني سنابك المعروف راح تكسبين .... بس اقولك شي دامك تنظرين للي عند الغير مانتي راضية بقسمة الله لك صدقيني بتتعبين عزيزتي الله خلقنا لعبادته وليس لتنزه او السفر او او .... إلخ لذلك عبادة الله أولا ثم رضى الوالدين وبعدها ربي راح يفتح لك ابواب الخير :x117: |
أهلًا. أعتقد الآخرين كفو ووفو بردودهم فقط " إصنعي من الليمون شرابًا حلوًا" لروحكِ السلام |
الي تفكيرهم عايشين في نعيم يفكرون بنفس طريقتك اما الحل لمشكلتك حابه تصيرين سيدة اعمال بطريقه مختصرة جدا حولي مشاكل الناس الى حلول وحياة آمنة ونفذي هذه الحلول على شكل توجيه الاشخاص إلى أفكار جديدة مثلا حلول لمشاكل سيدات الاعمال حلول لمشاكل رجال الاعمال او مثلا صممي تطبيق من شركة ناشئة تهتم في تصميم التطبيقات حتى لو ما عندك خبرة المهم هذا التطبيق الي تصمميه يهتم في ترتيب وقت طلاب المدارس وجدولة واجباتهم وحصصهم الفراغيه واوقات الصلاة والاستفادة من اوقات الانتظار وضيفي فيه افكار من عندك هذا اذا تبحثي عن الفلوس مشكلتك ببساطة في تغيير تفكيرك |
واضح من كلامك تأثرك بما يعرض من مشاهير برامج التواصل الاجتماعي بقول لك حقيقة غايبه عن الكثير : ترى معظم اللي يعرضونه كذب وتزييف وضحك على الناس بس يبون كثرة متابعين واعجابات وغيرها وانا بنفسي شفتهم يصور له بمزرعة عندهم ويقول انا بالنمسا وهو يكذب وغيرها كثير انصحك بعدم مقارنة حياتك بحياة اللي تشوفينهم احسن منك وقارنيها باللي اقل منك واحمدي ربك شوفي اللي ماعندهم والدين ولا اخوة ولا درسوا جامعة واللي عندهم امراض مزمنة انتي احسن منهم بكثير بري بوالدينك هم طريق السعادة والجنة ربي يسعدك ويعطيك ماتتمنين |
أختي الكريمة اسمحيلي قد اكون شديدة عليك شوي من خلال كلامك ان رابطة حياتك بالاخوين ومقارنتهم وبالماديات انت تقولين سنتين ما غيرت جوالك انا اشتغل وعندي راتب واحيانا اشتغل اضافي وتجيني منح ولم اغير تلفوني من 5 سنوات لان التلفون يتغير متى يخرب او شغلنا يحتاج تقنيات أكبر ليس كلما نزل موديل جديد... ولو ربطنا نفسها بالموضوة ومقارنتنا بالاخرين سنكون أعزك الله كبعير الناعورة يدور في نفس محوره ساعات وساعات دون ان يتحرك أختي انصحك أن تبحث عن حل من داخلك وليس ما يتفضل عليك به الاخرون .. شكر الله لك حفصة |
لكل إنسان ظروف واسباب تحدد حاضره ومستقبله وكل هذا عند الله بقدر ( وَلا يَظْلِمُ رَبُّكَ أَحَدًا ) من اوتي سعة بالرزق ليس بالظرورة ان يكون لديه كل اسباب السعادة ، وكل ميسر لما خلق له من خلال تجربة شخصية انقل لكِ خلاصتها وبكل صدق " لا شي في الحياة مثل نعمة الصحة والعافية هذه الانفاس التي تدخل وتخرج من رئتيك تساوي كل اموال الدنيا ونعيمها مجتمعة" |
دخلت ب اشوف النكد اللي تتكلمي عليه مالقيته....الله يبعد عنا النكد شوفي انتي مستورة... في بيتك معززه مكرمه مع اهلك لاتهينك مرت أخ في بيتها ولا يهينك عم او خال في بيته ولا يهينك أخ في بيته... عايشه في بيتك مرتاحه ....وين النكد ؟ اما المصاريف المهم عندكم قوت يومكم براتب أبوك تأكلوا في الخبز وتشربوا في الماء الحمد لله مايصدق عليكم أحد او يهينكم على رغيف الخبز أحد بمطبخكم ولا يتحكم فيكم احد او يهينكم على ملعقة الارز الي تحطيها في فمك انتي واختك أحد ...لو عايشه عند مرت أخوك حتى المطبخ ماتخليك تدخليه هذا لو أخوك يسمع في كلامها وماعنده كلمه معها ...وين النكد الي عايشاته ؟ اما اخوانك وزوجاتهم وسفرهم ادعي ربي يهنيهم ..واذا اعطوك شيء جزاهم الله خير اذا ما أعطوك ربي يرزقك وما ينساك اما مقارنتك بالاقارب وسفرهم...الانسان يساعد نفسه ولازم يعيش بقناعه خلاص ربي ما أعطاني قدرة أني اسافر مش ضروري اسافر ومش ضروري ازعل نفسي واحزن وانكد على نفسي حتى البيت وغرفتك حلوين وماينباعوا بمليون اما اخواتك المتزوجات اعتقد ماعندهم الحن واكيد مش كل أخت حنينه ..او ممكن ظروفهم المعيشيه الي خلتهم بهذا الشكل او ممكن ازواجهم صعبين في التعامل .... اما الجوالات المهم جوال كويس في الاستعمال ..لازم جوال وااااو يعني.....شنو الفايدة منه اصلا الواااو .... كلهم نفس الغرض يأدوا فيه خلاص...... اما جالسه في البيت ونفس الروتين ..الحمد لله على نفس الروتين ولا الهم والنكد والمشاكل...نفس الروتين هذا نعمه من ربي ...الحمد لله اما تشوفي لناس تسافر وتتزوج وتولد وانتن في البيت.......هذا نصيب ورزق من ربي كل انسان ورزقه المكتوب له...... ادعي ل ربي واطلبيه بكل ماتتمني ...اما تشوفي لفلانه وعلانه هذا غلط وتتعبي نفسيا |
| الساعة الآن 06:00 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا