الناقد والفيلسوف مع تاتيانا (الحقيقة والكيان) - الصفحة 20 - منتديات مسك الغلا

**ŢαŢμαŊα** · 07-24-21, 02:12 PM

المشاركة الأصلية كتبت بواسطة الدكتورة

https://www.al2la.com/vb/2263716-post623.html

تاتي
* تتشابه هذه الحكمة مع نظرية النجاح الأوحد،، وأنا أرى عكس هذه الحكمة ممكن أعطي أحدهم كل الثقة في العمل،، وما أعطيه جزء من الثقة في حياتي،، وممكن العكس وممكن تعلو وتهبط فماذا تقولين في ذلك
؟؟؟

كلامك مزبوط دكتورتنا ولا يعلى عليه
فعلا أنواع ودرجة الثقة بيختلف حسب المجالات
بس تقريبا هون بيقصد الثقة ع الجانب الإنساني

ع فكره /
هولي الكتابات كانو تعليقاتي ع لوحات الفنانين السورياليين (كريستيان سكلو وكاترين ويلز شتايين)
بس للأسف اختفو الصور واللوحات الرائعه من مدونتي بسبب مركز التحميل
والا لو كنتي شفتيهم كانو بيعجبوكي كتير وكنتي لاحظتي مدى دقتي بالاختيار التعليق المناسب للوحه المناسبه
وهيدي ع سبيل المثال اللوحه يلي رافقت تعليق :-
(المقـدرة ممـكن أن توصـلك إلى القـمـة ,,, لكـن الأخـلاق وحـدهـا تبقيـك هنـاك !!)

و
https://www.al2la.com/vb/2440736-post942.html

فعلا
* الكثير من الأشخاص ناجحين وناجحين جدا،،، لكنهم مكروهين ومكروهين جدا،، كيف ترى تاتي أمثال ناجحي المناصب دون أخلاق
؟؟؟

بلاقيهم روبوتات ع شكل انسان
مجرودين من المشاعر والاحاسيس واغلبهم من الضمير كمان
بالعاده هيدي الطبقة عم يستخدمو الناس كــ سلم لحتى يرتقو ويرتفعو بيه
ووقت يوصلو لمناصبهم واهدافهم العليا (يلي ع الأكيد بيكونو مصالح شخصية بته)
بيتنكرو للاخرين وبيلاقو حالن اعلى وافضل من الجميع

* اثبتت الصهيونية أنها الحركة السياسية المجردة من الأخلاق المتربعة على عرش من يحكم العالم سرا،،، هل معنى ذلك ضيعنا عالم الروحنيات المعنوية
؟؟؟

فعلا دكتورتنا الغاليه هيدي حقيقة مريرة ومابقا فينا ننكرو
هم بيتحكمو بكل اركان السلطه والاقتصاد والمال والسياسه
وتقريبا هم مسيطرين ع كل الحكومات يلي بيديرو بلدان العالم
(حتى يلي مش حليف لالهم ,, مابيقدرو يعادوهم لا سرا ولا علنيا)
ومع هيدا نحنا ماضيعنا عالم الروحانيات
وبيضل قطاعات العلم والادب وحتى الابداعات زاخره بنماذج مشرقة بعيدا عن الصهيونيه

https://www.al2la.com/vb/2579085-post1180.html

أتفق هنا جدا
متى ما شعر الفرد أنه وصل عن نفسه لمرحلة الرضا التام قتل شعور الطموح، ما رأيكِ
؟؟؟

آكيد انا بوافقك الرائي وبوافق مع كاتب القول المأثور
لانو الرضا (الأكثر من لازم) عن النفس بتكون خداعه ومهلكه لصاحبه
وبيخنق أي امل وبيقتل كل الطموحات
لانو الشخص وقتا بيكون مقتنع انو وصل للقمة وربح كلشي
ومابيضل شي جديد بيستهويه لهيك بيتوقف ,, وبعد فتره وبعد مايختفي تأثير الخداع
رح بيرجع للواقع ويلا بيحس اديش خسر واديش هو تراجع لورا مقارنتا بالزمن يلي قطعو

* كيف نخلق دافعية للنجاح من عدم الرضا الكلي
؟؟؟

بخلق هدف سامي وحلم نبيل لنا وللاخرين

* الغرور سبب السقطات والزلات،،، لذا ذهب فرعون وقارون النمرود و و و كيف يكون ذلك في :

الحياة الاجتماعية:

الشخص المغرور يكون مكروه عند اغلب الناس
ووقت يوقع بالمشاكل مرح يلقى الدعم والسند الكافي من الاخرين

الحياة الوظيفية:

آذا كان قائد او رئيس القسم ,, اغلب الموظفين يتجبنو التعامل معو
واذا كان موظف عادي ,, فـــ الأكثرية بيطنشوه

و
https://www.al2la.com/vb/2773295-post1594.html

* تاتي ألا تعتقدين جيفارا أخطأ هنا،،، هنا السبب من الخوف من كلام الآخريين ربما صحيح لكن لم يصنع هذا الكلام لبطل مناضل فالأبطال يضعون فكرهم أنهم لو فشلوا ستخيب آمال من يصنعون من أجلهم الحياة لا من أجل سيقول فلان وفلان،،، فحتى العدو الشريف يحترم البطولة والانجاز في اعدائه؟؟؟

بالعكس دكتورتنا آنا حاسسه انو بيقصد الكلام يلي قالو
وشخصيا شايفه انو هيدا من آروع آقوال ونصايح البطل الشهيد جيفارا لنا وللاجيال القادمه
هو مش بالضرورة انو بيقصد هالكلام لنفسه وعلى نفسه

هو حابب يمرق لالنا هيدي النصيحه المؤثرة كرمال تساعدنا باحرج لحظه
ويفرجينا كيف بآستسلامنا نفرح قلوب اعدائنا ونقدملن شماتة ع طبق من فضة
وهو كمناظل وكمفكر آكيد كان بيعرف انو جيل ورا جيل بيختلف معتقداتو وبياثر رائي الاخرين عليه
لهيك حتى وهو ميت قدر يفيد كل الناس مندون أي فرق بيناتهم

بصراحه انا من اشد المعجبين بكل آقواله المأثورة وبشجاعته وبنضاله الكبير
وهو رح يضل حي بقلوب وفكر معجبيه ومتل الشمعة عم يشتعل لحتى ينور طريق الاخرين

أشك أنه قالها أصلا

ونكمل

نشالله عجبك اجاباتي ع اسئلات هيدا البارت

**ŢαŢμαŊα** · 07-24-21, 03:21 PM

المشاركة الأصلية كتبت بواسطة الدكتورة

و
https://www.al2la.com/vb/2791897-post1800.html

* كيف يكون أمر الحسد معطل ومعرقل للنجاح الأكبر
؟؟؟

آذا كان الشخص مؤمن بانو قوة الحسد > آكبر وآقوى من امكانياته وقدرته على النجاح
وقتا الحسد رح يشل تفكيرو وبيخنق حماسو ومابيقدر يقدم العمل بالصورة المطلوبة
لهيك already حتا لو نجح رح يكون نجاحو عادي وغير ملفت

على الرغم أننا نؤمن بالحسد وهو واقع لكن فوبيا الحسد فعلا لدى العالم الشرقي جدا كبير
،،،

معك حق عزيزتي ,, وانا شخصيا بشوف نماذج
الله وكيلك ماعندن أشيا حرزانة بينحسدو عليه ومع هيدا الــ (الانا) تبعن كتير عالي
ومرتعبين من العين والحسد وصايرة عندن فوبيا حقيقية

و
https://www.al2la.com/vb/2812774-post1965.html

حقيقة من أجمل ما وجدته لديكِ يا تاتي
* كيف تكون الطيبة معيار للنجاح الأكبر
؟؟؟

هيدا من ذوقك غاليتي وانتي وعيونك الاجمل
آذا كانت هيدي الطيبة يميزك من خباثة ولئمنة المنافسين
ويغطيك بهالة من النقاء والصفاء ,, مابيخلي سواد الحساد يأثرو عليك
هون فينا نقول انو وصلنا للنجاح الأكبر وألاميز
لانو من الناحية النفسية والجسدية هيدا بيعتبر من اهم نجاحات البشر

* ما الفيصل بين الطيب وبين المغفل
؟؟؟

الطيب / عندو قلب كبير وابيض مع الجميع + مابيسمح للاخرين باستغلال طيبتو
يحاول اسعاد الاخرين واسعاد نفسه كمان

المغفل / عندو قلب كبير وابيض مع الجميع + مش فرقان معو او مابيحس اذا الاخرين بيستغلوه او لاء
يحاول اسعاد الاخرين ولو على حساب نفسه

و
https://www.al2la.com/vb/2849663-post2345.html

* فكرت في هذه المقولة الرائعة كثيرا هل استطاعت تاتي أن تحول السلبي لإيجابي
؟؟؟

آنا كمان دكتورتنا عجبتني كتير قول تيسلا وهو واقعي جدا
تقريبا والى حد ما نجحت بهيدا التحدي
متلا قبل ماكنت بتقبل أي نقد من أي حدا
(مش لاني بعتبر حالي كاملة ومكملة) و (لا لآني ضيقة الصدر )
بل لانو اغلب النقد يلي كانو بيواجههوني بهديك الفتره كانو نقد هدام
وباسلوب كتير قاسي وغير لائق ... لهيك شي نورمال اني مااتقبلهم

لآنو قبل كلشي والاهم انو يكون الأسلوب الكلام او النقد مهذب وراقي
ويكونو لمصلحه ومنفعة الشخص وليس للتقليل من شأنه او محاوله النيل منو

*أعتقد لو وجهنا السلبي تجاه الإيجابي سنكون حققنا أعظم النجاحات المنفردة،،، ما رأي تاتي هنا
؟؟؟

بوافقك الرائي دكتورتنا
انا فعلا وصلت لهيدي المرحله وكتر خير الله
هلآ اذا بواجه نقد بناء رح بحاول استفيد منو واصحح واطور من حالي
بس اذا كان النقد هدام وبعرف انو طالع من شخص حاقد حسود وبينوي آذيتك بحجه النصح
فـــ وقتا برميه ورا ظهري وبكمل اشغالي ولا كأنني سمعانة شي

ومرات حدا مش عامل شي يذكر ولا مقدم خدمة او منفعة للناس ويجي ينتقدك ؟؟
لهيك افضل شي هو التطنيش وكأنو فقاعة ومش موجود أصلا

و
https://www.al2la.com/vb/2880939-post2715.html

يتطلب النجاح المتميز لقدرات خاصة وعالية
* هل تؤمنين يا تاتي بوجود الحاسة السادسة
؟؟؟

برافو دكتورتنا النجاح المتمييز فعلا بيحتاج لقدرات خاصه ومعايير فنيه عاليه
وبخصوص الحاسه السادسه انا عنجد بآمن فيها وبوجودها
وبعرف انها قدرة وقوة خارقة ربنا مابيعطيه لكل حدا

* ما قدرات تاتي في تصور الأمور أو الإحساس بتحققها
؟؟؟

كتر خير الله عندي نسبة جيدة من هيدي الحاسه الخارقه
بالجامعه مرات كنت متردده بين جوابين ,, وكلمره لما كنت بغيير جوابي السابق كنت بندم
لآنو حاسستي السادسه كانت بتقلي انو جوابك صحيح ماتغيريه
وبيقلي انو الصوت التاني يلي بيخبرك غيريه هو وسوسه من الشيطان الرجيم
لهيك من زمان بطلت اني اغيير شي ,, وعطول بكتفي بجوابي واختياري الأول

مرات يجيني شي لقطة متل البرق , متلا عن صديقتي او قريبتي من فترة طويلة ماسمعت اخبارن
ومابيطول الا وبلاقيهم يتلفنولي او يزوروني
ومرات بحس بنوع المرض او خبر مفرح بيصير مع شخص محدد ,, واغلب المرات بتصيب

وسبحان الله مرات مابرتاح لحدا من النظرة واللقاء الأول
وبتسائب انو يطلع حدسي صائب وبعد فترة بلاقيه شخص مش منيح او مؤذي

* ما دور النية والتفاؤال والتشاؤم هنا
؟؟؟

النية عطول طيبة وبرئية ولله الحمد
التفاؤل والتشائم يكونو بشكل لحظي وبدرجة اقل
اما الحادسه السادسه بيكون بشكل أطول وبدرجة اقوى وأوضح
وبيتشابه مع صوت الضمير وتنبيهاته المستمره للانسان

المشاركة الأصلية كتبت بواسطة الدكتورة

هذا حصاد اليوم
،،،

وكل يوم سأضع ما حصدناه من مدونتكِ
على فكرة أنا مدونتهم كامل لدي

،،،

وأنتِ جاوبي على سعة عادي على مهلج
،،،

وأنا سأضع يوميا اللي ربي يقدرني عليه

لا تدعين عليّ أدعي ليّ

استمتعت هنا مع ملكة الذوق

ولاو دكتورتنا الغاليه شو هيدا الحكي ؟؟
انتي بتنوريني وبتعطري مدونتي وكل مواضيعي
وانا كمان استمتعت معك ياقمر
وربنا يبارك فيكي ويسعدك بكل مشاويرك

**ŢαŢμαŊα** · 07-24-21, 05:56 PM

المشاركة الأصلية كتبت بواسطة الدكتورة

وصباااح الورد

على الورد

وكم الحوار هنا له حيز ثقافي رائع

وقبل ما أبلش فعلا كنت أحسب أنج مهندسة معمارية
أما هندسة
السڤيل
والإلكترونية
والكهربائية
والكيمائية

فأني محاطة بهم في عالمي

كنت اتمنى أن يتخصص أحد منهم بالمعمار لكن ميولهم كانت غير

ويظل تخصص السڤيل رائع جدا ولربما اُعتبر الأقرب للهندسة المعمارية
ربي يوفقج مهندستنا الجميلة

ويامسا الحلا ع كل الحلا
تسلميلي غاليتي وربنا يوفقك انتي كمان يااروع دكتوره بالدني
ع فكره الهندسة المدنية civil engineering شاملة اكتر من المعمارية
وفيها مشاريع بالموقع بيتطلب تواجد المهندس المشرف اكتر بكتير
من المهندس المعماري يلي يمكن يزور الموقع حسب طلب المشرف
لآنو شغلهم في مجال ضيق ومحدد واكتر شي مكتبي ,
بس شغلنا نحنا ع نطاق واسع كتير وبانواع مكتبي وموقعي والفحوصات المختبريه كمان
ولازم كلشي يكون حسب المواصفات العالميه

المشاركة الأصلية كتبت بواسطة الدكتورة

قيود العقل
،،،
التعقيب: الربط بين القيود العقلية والحرية،، أنا اتفق هناك رابط بين الحرية والقيود فالقيود العقيلة هي سجن للفكر والقيد يختلف منه ما هو مقبول ومقنن حتى لا تصبح الحياة فوضى كغابة لا تحكمها شريعة،،، وهناك قيود تجعل الإنسان يعيش كرقيق ونحن في زمن انتهى به عصر الرق قد يكون عبدا لأفكاره ،، عبدا لداء عرف مجتمعي عطل الحقيقة والحق معا،،،

لكني
أيضا لمست من تفسيركِ للقيد المرتبط بالاحترام فمسألة احترام الاخريين قيود أخلاقية لا بُد أن توضع في اطار القيد الذي يجب أن يتحلى به الشخص وهو قيد أخلاقي إلزامي فليس كل قيد سلبي على عكس القيود اللي يعتقد الشخص أنها إلزامية وهي وهم يعمل على تقدم الفرد وقد تطال نهضة مجتمعه ،،،

طيب

الجدل وكثير تكلمت عنه في مدونتي بل ناقشت جزء من كتاب الرقص مع الحياة ومن ثم الغالية النايفة وفقا لذلك الموضوع ،،

الأسئلة:
* ما الرابط الكبير بين القيد والجدل لنقل المذموم
؟؟؟

الرابط انو اثنيناتهم يبينو في المجال الحواري
القيد هو الحد الفاصل يلي بنحطو لاتمام مناقسة ما
اما الجدل فهو الإصرار على تكذيب الطرف التاني او محاولة الضغط عليه
لاخضاعه لفكر واراء الطرف الأول

* القيود تشل حركة التفكير،، والإرهاق يشل حركة التفكير متى تتوقف تاتي عن التفكير وتتمنى صفاء الذهن
؟؟؟

بصراحه كتير أوقات بتمنى صفاء الذهن لانو الضعط عليه كتير كبير
سواء بشغلي الوظيفي او دوري الاجتماعي في اسرتي وبين رفقاتي واقاربي
وكمان في المنتدى كمان
لهيك بين الفترة والتانية بترك كلشي وباخد أقساط من الراحه لحتى استرد طاقتي ونشاطي

* كيف لنا كسر القيد لمصلحة المجتمع
؟؟؟

آذا كان القيد مرتبط بقصص خرافية او بشغلات خيالية مابينطبقو ع ارض الواقع
وقتا فينا نكسرو ونحط محلو قيود اكثر مرونة وواقعية ونافعة

المشاركة الأصلية كتبت بواسطة الدكتورة

تعالي الآن للحصاد من مدونتكِ يا ملكة الذوق

آهلين فيكي ياست الحسن
بتنوري تراتيلي وكل مواضيعي كمان

https://www.al2la.com/vb/t93045.html

هذا الرد ضمن مناقشاتكِ الطبية ومن ضمن أنشطتكِ ما شاء الله عليج

الله يخليكي ويسعدك دكتورتنا الجميله
ذكرتيني باجمل وأول بروكرام قدمتو ببداية تسجيلي بهالمنتدى الرائع
ضاينت 3 اشهر كاملة وقدرت من خلالها انا وكل مشتركي البرامج
انو نسلط الضوء ع اشهر واخطر 12 امراض موجوده في العالم

كل أسبوع انا كنت بحطلن اسئلات هامة عن احد الامراض
وهني كانو يقدمو اجوبه ع الاسئلات وانا بنفسي كنت بجاوب ع الاسئلات بتقرير طبي كامل
كرمال امهد الطريق للاعضاء ,, وكان برنامج تثقيفي وتنويري بامتياز
انا وكل المشتركين وحتا الزوار والمتابعين ربحنا معلومات طبيه هامه جدا

التوحد
قيد عقلي لا دخل للفرد به
*هل تعاملت تاتي مع حالات ذوي الاحتياجات الخاصة؟؟؟

نعم لدينا أقارب او بعض المعارف ذوي الاحتياجات الخاصه

* كيف نكسر حاجز القيود على إمكانية تمتع هذه الفئة بذكاء رائع؟؟؟ " تغيير نظرة المجتمع "

بتوعية الناس وتثقيفهم عبر التيليفزيون وال**** العنكبوتية
وتوضيح طريقة التعامل الأمثل + كيفية مساندة ودعم الاهل لهالفئة
وكيفية مساعدة الاسرة والاقارب والطلاب وزملاء العمل الن

* المعاق الحقيقي هو الذي يعتقد أن ذوي الاحتياجات الخاصة آلات معطلة ما رأي تاتي
؟؟؟

بوافقك الرائي دكتورتنا
فعلا المعاق الحقيقي هو يلي بيعتبر حالو سليم وهالفئات معاقين
لآنو اذا بدنا نركز ع كل شخص رح بنلاقي إعاقة وخلل بانواع واشكال

هيدول الفئة ع القليل بيظهر عليهم ومعروفين بحالتهم الخاصه
اما البقية حدث ولا حرج !!

*خليني أعطيج مثال:
غانم المفتاح شخصية قطرية رائعة جدا محبوب وجدا قريب للقلب على مستوى الوطن العربي حقيقة،،، ولد غانم دون أطراف ولا نمو حقيقي كتوأم لم يكتمل على عكس شقيقه، لكنه اثبت إن الحياة أكبر من مجرد قدمين ونمو جسمي، ربي يحفظه ويخليه،، هل لمستي يا تاتي عن قرب يشبه هذا النوع من الطموح،، حديثينا عن تلك التجارب الرائعة
؟؟؟

ربنا يخليه لاهلو ويوفقو ويعينو ع أمور الحياه
دكتورتنا ماشفت حالة مشابهه لــ غانم عن قرب
غير يلي عم نشوفن ع التيفي وع النت

و

https://www.al2la.com/vb/t93318.html

ويا الرائعة جبتي هنا مرض نفسي وتكلمتي عن الاكتئاب أيضا
* أيهما أصعب المرض النفسي أم البدني في التعامل
؟؟؟

آنتي الاروع دكتورتنا لانك فعلا جبتي اكتر حلقة مشاركة ومشاهدة ومتابعة
بين كل حلقات بروكرامي ,, وعنجد مرض (الاكتئاب) آخد حصه الأسد من الاهتمام
لانو فعلا مرض دارج ,, وللأسف اغلب الناس مابيعتبروه مرض وانما حالة طارئة
وهون بيكمن خطورة المرض بحيث أهالي الضحايا مابيكتشفوه الا بعد فاجعة الانتحار

وجوبا لسؤالك /
آكيد المرض النفسي آخطر وآصعب بالتعامل

* مرض الفصام خطير وبه إزدواجية في الشخصية لدرجة مجرمين لا يعون أنهم هم من أرتكب الجرم ويلعنون أنفسهم دون دراية،،، وهناك من يعيش صحيح العقل ويعاني من أنفصام شخصية وهو يعي ذلك التناقض ومشكلته ،،، كيف يمكن أن تتعامل تاتي مع الشخصية الأخيرة طبعا
؟؟؟

معك حق الشيزوفرينيا من اصعب أنواع الامراض النفسيه
وطريقة التعامل مع شخص المصاب كتير دقيق وحساس ولازم يكون عندك توعية كاملة
بلاول لازم الاسرة يحتوو المريض ويهيئولو الجو المناسب للتكيف
ويقدمولو الرعاية والاهتمام ويوعو الضيوف

وكمان لازم من متابعة طبية من الدكتور المختص
لانو الشيرزوفرينيا منو من الامراض يلي بيشفي من حالو

* هل فكرت تاتي بزيارة طبيب نفسي وليش
؟؟؟

كتر خير الله لا
لاني مش بحاجتو هلآ ونشالله مرح احتاجلو بالمستقبل
لكتير أسباب اهمهم طبيعتي التفاؤليه ,, حواري المستمر مع اهلي
ومحاسبتي الدائمه للنفس ,, ايماني القوي وتعلقي بالعبادات

و
https://www.al2la.com/vb/1909896-post101.html

* هل تاتي صبورة عادة
؟؟؟

آي كتير صبورة
في حياتي الوظيفية ... محدا صبور قدي
في حياتي العائلية ... كتر خير الله اكتريتن صبورين
وفي المنتدى ... غير مديرنا الفاضل (سيد آحمد) مابتصور انو يكون في حدا صبوره
وعندا طوله بال وتحمل فولاذي قدي وبشكر الله ع هيدي النعم

* متى تتخلى تاتي عن صبرها في علاقاتها الاجتماعية
؟؟؟

آذا شفت انو الطرف الثاني مابيستاهل الصبر
وبلش يتعب اعصابي ,, فــ دغري بشيل الصبر من قاموسي
ورح فرجيه الوش الـــ 2 والمرعب من تاتيانا !!
والـــ Re_action تبعي رح بيكون حسب المواقف وحسب نوع تصرف الشخص

* متى تصبر وليس لها خيار إلا الصبر
؟؟؟

آذا كان القصه بتعني اسرتي
او اذا كان قرار انا اخدتو عن قناعة

* لماذا لا نعتبر إنها فترة عصيبة على اولئك الأشخاص وبتعدي فنتحملهم يا تاتي،، لأننا أيضا تمر علينا مشاكل ونحتاج من يصبر علينا،، أليس الحياة جزاء وثواب
؟؟؟

آكيد عزيزتي من واجبنا نصبر
بس مرات تحس انو الشخص التاني بيستغلك فــ وقتا لازم تقولي STOP

و
https://www.al2la.com/vb/2066403-post312.html

أليس من قيود العقل يا تاتي المكابرة
؟؟؟

المكابرة مع المتكبر بيكون تواضع
بس مرات الشخص بيستاهل الصفح ,, لهيك مافي شي بهالدني مطلق
كل شي نسبي وكل شي يمكن يتغيير

دكتورتنا هيدي هيا اللوحة المرافقه لتعليقي هيدا
(لا تتـأخر بالصفح عن الآخريـن ,,, فربمـا لايكونوا موجوديـن عندما تود الصفح عنهـم !!)

* هل يعتبر عدم إدراك إن الدنيا لا بد لها من الفناء قيد على العقل تجاه العلاقات الاجتماعية المهمة في حياتنا
؟؟؟

نعم غاليتي هي هيك
ولذلك فلاسفتنا ومفكرينا بينصحونا بعدم التعلق الكبير بــ آي شي لانو الدني فانيه

* كيف يكون الفقد كسر قيد
مبادئ بالية
؟؟؟

متل ماقلت بأحد اجاباتي السابقه
اذا كانت لمحاربة اراء جهليه وخرافيه ومابينطبق علينا ولا بواقعنا

و
https://www.al2la.com/vb/2080958-post344.html

هناك من يحرم نفسه أن يعيش كما يحب وفق ضوابط أخلاقية واجتماعية مقبولة،،، كمن يرغب أن يعود طفلا وتقيده أمور ليس لها علاقة بالدين والعيب بل بعقلية رسم الشخصية حسب ما يحب البعض،، كيف تردين على من قيد عقله وفق تلك الأبجدية
؟؟؟

بصراحه هيدول اشخاص مهزوزين وضعفاء
لآنو كلشي بهيدا الكون بيتغيير وبيتطور
والانسان اكبر مثال ع ذلك ,, لهيك هيدول الفئة بيكونو عكس الجميع
هم بالجسد والشكل بشر ,, ولكن بالروح والاحساس والأفكار اصنام وتماثيل

ونكمل

نشالله باقيلي اجاوب ع اخر مجموعتين من اسلاتك دكتورتنا

**ŢαŢμαŊα** · 07-24-21, 11:18 PM

المشاركة الأصلية كتبت بواسطة الدكتورة

https://www.al2la.com/vb/2293345-post690.html

جدا هذا الجزء مهم وعجبني انتقائج هنا يا ملكة الذوق

* مرآة لا تعكس حقيقة الشخص عن ذاته ،، قيد عقلي كبير ما سر عدم إدراك الفرد لعيوبة يا غاليتنا
؟؟؟

تسلميلي دكتورتنا الرائعه
سرني انو اختياراتي وتعليقي نالو اعجابك
بتصور لانو نحنا معودين انو نركز ع الاشيا والتفاصيل الحلوه يلي فينا
وبالتالي هيدول بيسرقو كل تركيزنا آكتر من العيوب

آما شخص 2 فــ بيركز بقا ع المزايا والعيوب بنفس التركيز والاهتمام
لهيك طبيعي انو يقشع العيوب يلي متخفيين عنا او ممكن يلي منعرف بوجودو
بس جواتنا بننكرو او بنطمن حالنا ومنقول انو عيب زغير وبيقطع

* كيف نعكس حقيقة الناقد لغيره الجاهل لطبيعته الحقيقة
؟؟؟

متل مااسلفت سابقا بانو يكون النقد بناء وهدفو مصلحه وفائده الشخص الــ 2
وكمان لازم يراعي الناقد طبيعه ونفسيه الشخص المنتقد
ويمرق لالو النقد بصوره انو مايحسسو بالشخصنه او تصيد الأخطاء لالو

* عندي دواء الناس ولست أملك دواء ذاتي،،، هل ترين علاقة هنا مع تلك الشخصية
؟؟؟

آكيد دكتورتنا بلاقي هيدي العلاقة موجودة وهيدا الكلام بالفعل صحيح
بدليل مرات نحنا بننصح الاخرين باشياء ومنحاول نخفف عنهم ونمرق الألوان ع عالمن الباهت

بس بذات الوقت , نحنا منكون بأمس الحاجه لحتى شخص 2 يبادرنا بالمثل ويعمل نفس الاشيا
حتى لو نصفو بيكفي وبيخفف عنا حمل والم
وليش نحنا مامنقدر ننصح حالنا ؟؟
لآنو بكل بساطه مابقا فينا نخدع عقلنا ونقنعو انو نحنا بذات الوقت مرضى وأطباء كمان !!

* الغرور قيد بلا شك ،،، كيف يقتنع المغرور أن غروره شيء إيجابي للأسف
؟؟؟

ههههههه والله دكتورتنا مابعرف جاوب ع هيدا السؤال بطريقه صحيحه
لآني ولا مره بحياتي كنت مغروره واصلا بكره الغرور ومابطيق المغرورين

بس يمكن هيدول المغرورين بيحسو انو لابقلن الغرور ويلاقو حالن اعلى من باقي الناس
والاضرب انن ناطرين من باقي الناس انو يعاملوهم معاملة خاصه واستثنائية جدا !!
بركي هني مفكرين حالن سوبر مان والعالم ناطر قدراتهم وبطولاتهم

* ما الفرق بين رؤية الشخص المغرور لذاته والشخص النرجسي
؟؟؟

المغرور / شخص كتير شايف حالو وبيعرف انو عندو عيوب بس بينكرها
والغرور هي صفة بشعة
اما النرجسيه / شخص كتير شايف حالو ومش شايف الا المزايا يلي فيه
والترجسيه مرض او حالة نفسية مضطربة

و

https://www.al2la.com/vb/2344168-post778.html

* في أي منطقة يقع ذلك الفصل الغير قابل للاطلاع
؟؟؟

يقع في آماكن متفرقه , رح بذكر منهم :-
(القلب ,, العقل ,, العقل الباطني ,, الضمير ,, النفس ,, وعالم الذكريات)

* أين تتوقف حدود أسرار الشخص
؟؟؟

برائي الاسرار أنواع :-
في اسرار العمل او المهنه
في اسرار العائليه
في اسرار الآصدقاء والزملاء
وفي اسرار كتير بيرسنال بيخص الشخص وحدو

و
https://www.al2la.com/vb/2386444-post836.html

أنا اعلم عن استعينوا على قضاء حوائجكم بالكتمان لكن أحلامنا طموح انجاز يحتاج لمن يسندنا ،، فقط لنبحث عن الشخص الإيجابي اللي يقول من قال هناك مستحيل " أنت قادر على بلوغ سماء حلمك "قد يكون عائقنا والقيد العقلي أننا لم نشارك حلمنا مع محب يفهمنا ويقدرنا،،، ماذا تقول جميلتنا
؟؟؟

صدق رسول الله (عليه افضل الصلوات والسلام)
دكتورتنا هو المثل بيقصد انو الشخص مابيحكي عن احلامو لعدد كبير من الناس
لانو يمكن يكون في بيناتهم شخص حسود او مابيحب الخير للشخص الأول
او يمكن يكون شخص محروم من هيدي النعمه

لهيك المثل وقبلو رسولنا الحبيب (عليه افضل الصلوات والسلام)
وصانا وخبرنا بصيغة التحذير انو نداري حوائجنا بالكتمان لآنو هو معلم البشريه
وهو الادرى بنفس وطبيعة البشر

ومع هيدا انا مابلاقي انو في خطر اذا خبرنا صديقة مقربه منا عن احلامنا
بس اذا بتقصدي الأشخاص يلي ضروري وجودن ونحنا محتاجين لمساعدتن
كرمال نكمل احلامنا ,, فـــ هون ضروي وواجب انو نحنا بنخبرهم

و

https://www.al2la.com/vb/2570282-post1162.html

تاتي تلك السعادة وقتية وهمية
* متى يقع الشخص قيد وهمه العقلي لا أعني هنا الشوكليت بالذات لأني من عشاقه أقصد وهم الذات
؟؟؟

آذا ادمن الشخص ع السعادة الوهميه
وع المصدر يلي بيضمنلو هيدي السعاده الوهميه
لانو اغلب الاشيا بتبلش بطريقة حلوة بعدين بيقد تأثيرو وقوتو
بس لانو الشخص خلص ادمن عليه رح يضل متمسك فيه

* كيف يُكسر قيد الوهم العقلي
؟؟؟

بالتوقف الفوري او بعد فترة قصيرة قبل مانتورط في الإدمان
وآهم سلاح لمحاربة الإدمان = الثقة بالنفس + احتواء الاهل + الاكثار من العبادات

* هل نحن ضحايا الوهم أحيانا أم نحن ضحايا أنفسنا لأنها خلقت الوهم وصدقته بأي وسيلة كانت
؟؟؟

مزبوط دكتورتنا
نحنا عنجد ضحايا نفسنا كرمال نحنا يلي خلقنا هيدي السعادة الوهمية
لهيك لازم ندفع تمن هالغلطه

ونكمممل

المشاركة الأصلية كتبت بواسطة الدكتورة

نحن والعاطفة
https://www.al2la.com/vb/2640754-post1260.html

* لماذا يقيد الشخص امرأة أو رجل مشاعره بكل الأحوال فرح أو حزن وفق نمط محدد
؟؟؟

يمكن لانو لا فرحتنا فرحه ولا احزاننا احزان
قصدي لما نفرح ,, بنبالغ بالتعبير عن سعادتنا لدرجه طيراننا وتحليقنا للسما
ووقت الحزن ,, نخنق روحنا ونعذب قلبنا وكأنو الدني كلو مطبقة ع راسنا

الحل // ان نتحلى بالاتزان ونعمول بالانس معقول حماية لنفسنا
لهيك قالو وقت الفرح ,, افرحي بس خلي شوي مجال للحزن
ووقت الحزن عبري عن حزن ,, بس خلي شوي مجال للفرح والتفاؤل

* هل تاتي من النوع اللي يخفي مشاعره عموما
؟؟؟

ههههههه هيدا بعتبرو سؤال فخي ومع هيدا رح بجاوب عليه
نعم دكتورتنا آنا من النوع يلي بيخفي مشاعرو ومبسوطه كتير بهيدي الميزه

* دمعة الفرح ودمعة الحزن أيهما الأكثر تعبيرا
؟؟؟

تنيناتن كتير معبرين ومؤثرين
بس برائي دمعة الفرح بتكون وقعها آقوى ونسيانها اصعب
لآنو بيجمع متناقضين (البكي والفرحة)

* بكاء الرجل كيف تراه تاتي
؟؟؟

الرجل لانو مش عاطفي قد المرأة لهيك مابيبكي الا اذا كان الشي بيستاهل بكائو
ووقت مابفقد شي مستحيل يتعوض ,, لهيك انا بحترم وبقدر هيدا الرجل الصادق

و

https://www.al2la.com/vb/t92478-264.html

* هل فرض عليك الزمن النقاش مع العاشق أو المتعصب؟؟؟ لو نعم لمن كانت الغلبة
؟؟؟

كتر خير الله لا
بصراحه مني مستغنيه عن مزاجي ووقتي لحتى اضيعهن بحوارات عقيمه
ولانك بتعرفيني دكتورتنا انا مش من هواه المناقشة والحوارات
وهيدي اول مرة بشارك في برنامج حواري لآني ماقدرت ارد دعوة
اخي الغالي دكتور محمود ,, لما طلب مني كون ضيفتو
وانا قبلت بكل فخر واتشرفت اني أكون ضيفه ع بروكرامو الانيق والمبهر
وهيك ربحت شوفتكم واسئلاتكم الجميله

* عيون المحب تختلف عن عيون الآخرين،،، كيف تفسر تاتي هذه الحقيقة الجزئية
؟؟؟

آكيد عيونو عليه فلتر ومابيشوف عيوب حبيبو
وبيكذب الاخريين وبيسدق عيونو وقلبو بس

*من يعزون على تاتي ،،، ترين اخطائهم وتمررين الخطأ،،، أم لا ترينه بتاتا

؟؟؟

آكيد بشوف اخطائهم ,, مرات بمرقهم بمزاجي لحتى مااخسرهم
ومرات اذا الخطأ زاد عن حدو بحاول انبههم بطريقه دبلوماسية ومقبوله

* المتعصب لآرائه شر خلق بين أصحاب الفكر،،، صحيح يا تاتي وألا
؟؟؟

طبعا دكتورتنا صحيح لآنو متل ماقال المثل
بيكون عقلو مسكر ,, معناتو مافي أي امل بالتفاهم او الحوار معو متلو متل الحطيان

* متى تتعصب تاتي لأمر ما وتصر عليه
؟؟؟

والله دكتورتنا معندي آي تعصب تجاه أي شي
لآني بعرف انو الدني أيام قليلة ورح تنتهي
ومافي شي بهالدني حرزان انو نتعصب ونتقاتل كرمالو
ومن ميله 2 هالقد بحب حالي ودايرة بالي ع راحتي ومزاجي
وحابة احتفظ بطاقتي وبايجابيتي , لهيك مابخلي شي يعكر جوي

* المتعصبون محرمون من نعمة التغيير ،،، إلى أي مدى ساهم التعصب في الإنعلاق وعدم التقدم على المستوى الفردي أو المجتمعي
؟؟؟

الى مدى كبير ومؤثر جدا
لانو المتعصب نفسو بيكون طاقة سلبية ماشية ع اجريين وبينشرو بين الناس
وبيصطدم مع الاخرين يلي اغلبهم مابيتوافقو مع ارائه واقواله المتعصبة

و

https://www.al2la.com/vb/2778961-post1667.html

القيد الفكري على الجاهل أكبر خطر لذا كان جيفارا نتيجة وشاية راعي أغنام

فعلا دكتورتنا لولا هالخاين
مكان قدرو الامريكان يمسكوه ويغتالوه

* هل ترين هذه الصورة تتكرر مع مجتمعاتنا الإسلامية
؟؟؟

نعم للأسف صارت , وبتتكرر من قديم الزمان لحد هلا

* الجاهل هو ليس الأمي،،، بل هو الجاهل بالحياة ،،،

أيهما أخطر على العقل قيد الأمية ،،، أم قيد الخبرة الحياتية
؟؟؟

آكيد الامي اكبر خطر لآنو عكس العلم والحضارة
واغلب الشعوب يلي تم ابادتهم كان الجهل بوابة الوصول لالهم
وهو اشهر اسلحة الاستعمار لاحتلال البلدان وتدمير الحضارات

و

https://www.al2la.com/vb/2792108-post1808.html

حبيييت جدا هنا يا تاتي

* نور القمر كإنجاز على كافة المستويات ،، من يخبر عنه غير من يرى نوره
كيف يكون الشخص قمر بوجهه المنير كاسرا للقيد
؟؟؟

لما يكون عندو القوة الكافية للاستمرار بالشعار يلي هو رافعها
ومشبع بالخبرة والأفكار يلي هو بدو يتبناهم

* في العاطفة تغنى الشعراء بالقمر كثير ،،، ما السر بين العاطفة والقمر
؟؟؟

1- لآنو بيطل باليل ... يعني لوكان العكس صحيح (مع انو هيدا شي مستحيل)
لكانو بيتغنو وبيغزلو بالشمس وجمال وبهاء وزهاء الشمس
2- ولانو فينا نبص عليه ونتاملو ,, عكس الشمي يلي مانقدر نشوفو directly

أرى العقول فرضت قيد العاطفة للقمر والفخر للشمس
أحب هذا العائق والقيد
كيف ترى تاتي القيود عندما تكون بمكانها
؟؟؟

بلاقيها من اجمل مايمكن
وللامانه تشبيهك انتي زاد من جمالهن وسحرهن

ونكمل

وهيك جاوبت ع اكبر بارت من اسئلات دكتورتنا دفعه واحده
ونشالله ينالو اعجابك واعجاب واستفادة الأعضاء والزوار

**ŢαŢμαŊα** · 07-25-21, 12:47 AM

المشاركة الأصلية كتبت بواسطة الدكتورة

https://www.al2la.com/vb/2814805-post1977.html

أبدعتي هنا في الانتقاء النقطة هنا قيد جدلي واسع النطاق ومتسع الأفق،،،

تسلميلي دكتورتنا الغاليه
انا كمان من عشاق فكر وكتابات فيلسوفنا (مصطفى محمود)

* الكثير يقول: لماذا الولايات تنتصر رغم إنها ظالمة والمسلمين مظلومين لماذا لا ينصرهم الله،،، هنا الاعتقاد الخاطئ الله سبحانه وتعالى بين السبيل للنصر وبين طريق التطور للعقل كون الولايات متقدمة لأنها سعت بالعلم،،، نحن أمة تقدمت في أيامها أيام حضارتنا أكثر لأننا ملكنا العلم والروحانية المتمثلة بالإيمان ،،، اليوم البعض يلحد جزئيا نتيجة اعتقاده بمنظومة ظلم الله حاشى الله وتعالى وتنزه عن تلك الصفة،،، فكيف نقنع تلك العقول أن التطور حصيلة وجزاء مادي حتى مع العدو الظالم لكنه يملك فكر نير
؟؟؟

فعلا بعد العصر الذهبي للاسلام وحضارات الامويين والراشديين والاندلسيين
رجعنا مئات السنين الضوئيه لـــ ورا
وبخصوص كيف فينا نقنع هيدول العقول : بصراحه هما مابيقتنعو الا بعد مايكتشفو كلشي بنفسهم
وبالتجارب والبحوث الطويله وبالرجوع للقرآن الكريم يلي بيحث ع العلم والتعليم
لآنو الدين الآسلامي شو ذنبو آذا المسلمين مابيطبقو مناهجه وقواعده واسسه ؟!!

* البعض يلقي بنفسه للتهلكة ويقول ما راح يحصل لي إلا المكتوب،،، صحيح لكن أسرع بطريق أو أقطع إشارة مرور ،،، أو لقي بنفسي في بحر وأنا لا أجيد السباحة تلك الفكرة تتنافى مع مسألة القدر تلك أفكار انتحارية أضفي عليها جانب شرعي،،، كيف ترى تاتي ذلك ونحن مسيريين ولنا الخيار في جزء كبير من حياتنا
؟؟؟

وهيدا من اكبر مصايب عصرنا الحالي = الجهل + التشاؤم + التقاعس
وظاهرة الانتحار من اخطرها
بصراحه دكتورتنا هولى ناس بدن شغل كتير وتوعيه يومية ودائمة
ورعاية مستمرة من اسرهم مع جلسات أطباء نفسيين
لبينما يرجعو لطريق الصواب ويخرجو هالافكار السوداويه من دماغن

و
https://www.al2la.com/vb/2833914-post2158.html

هنا تايلور تلك القطة الهوليودية قالت شي يسوى

* في عز السلبية نتحول لأشخاص إيجابيين كيف يمكننا ذلك
؟؟؟

لآنو الانسان مولود وهو بيعشق التحديات
عندو عزيمه وإرادة قويتين بيستعملهم بالاوقات الحرجه والمتقلبة
دائما يحاول يبرهن للاخرين انو بعدو قوي ومرح ينهار وبيقدر يثير دهشه واعجاب الناس عطول

مثل ماربنا سبحانه وتعالى اخبرنا :-
بانو الأرض والسماوات رفضو ان يحملو الأمانة بس الانسان طلبها
لانو الانسان متل ماقلت عاشق للتحدي الصعاب والمخاطر

* ما معيار القوة لدى تاتي

؟؟؟

هيدي السؤال جاوبت عليه مرتين قبل

* ما هو الفيصل بين قوة الرجل والمرأة
؟؟؟

قوة الرجل بيكون اكتر شي من الناحيتين الجسدية والعقلية
اما قوة المرأة فـــ بيكون من الناحيتين العاطفية والروحانية

و

https://www.al2la.com/vb/2855261-post2415.html

ما تتصورين شلون أحب جولي في ذي الفيلمين أقصد تمثيلها طبعا
هنا تتنازل عن مبادئها لصالح من يهواها القلب

معك حق دكتورتنا تمثيلها وادائها في الفيلميم اكتر من رائعه ومقنعه

* تاتي هل قيود عاطفتنا تنتصر على قيود العقل
؟؟؟

بتصور انو الفرصة متساوييه بيناتهم
يمكن مره تننصير قيد العاطفة ومرة 2 قيد العقل
يعني مافي انتصار دائمي وثابت لآي ميله لحالو

* هل انتصار القلب على القلب ضعف أم قوة
؟؟؟

آذا كان انتصار قلب طيب على قلب شرير فــ بيكون انجاز كبير مش بس انتصار
وكمان وقت انتصار قلب حي على قلب ميت

* غير مؤلف الفيلم من خلال قصته أحداثه اللي درجنا عليه عن ساحرة المغزل،،، هل النمطية تقف قيد عقلي أمام التطوير للأجمل
؟؟؟

مزبوط النمطية بتكون احد أسباب عدم التطوير والتعثر او الوقوف ع نفس النقطه
وبوافقك الرائي كتير عجبني الـــ modification يلي عملوه الكاتب
وخلانا نتعاطف مع الساحرة ونبررلها شرها المؤقت
وطبعا نهاية الفيليمن اكتر من رائعه وغير متوقعه

* متى يصبح التغيير منبوذ ومتى يكون محمود
؟؟؟

التغيير المنبوذ / وقت نلحق شعارات الغرب الرنانة ونردد اراء يعيدة عنا ومابيمثلنا

التغيير المحمود / وقت التغيير يسبب تقدم وتطور البلد وبيأمن مستوى عيش راقي
للمواطنين ويقل الفرق بين طبقات المجتمع

و

https://www.al2la.com/vb/2887689-post2766.html

* متى تكون تلك الحكمة من باب التغلب على قيد انهاء كل العلاقات
؟؟؟

عندما يكونو هيدول العلاقات مبنية ع المصالح وتضييع الوقت
ويكونو كــ الجدار المبني من القش بينهار من اول عاصفه

* متى تعتبر نفاقا اجتماعيا قائما على المصلحة والاستغلال

؟؟؟

للأسف اغلب العلاقات يلي بزماننا من هيدا الموديل
ربنا يصلح الحال والاحوال

المشاركة الأصلية كتبت بواسطة الدكتورة

أتوقف هنا يا قلبي وكان حصاد ممتع بلا شك
،،،

حتى محور قادم كوني بسعادة وخير وجودي مرافقتنا القمر عاكس نوره هني يا بختنا

ملكة الذوق ربي يحفظج ويخليج

آنا كمان سررت بوجودك ومشاركاتك القيمه دكتورتنا الرائعه
وربنا يبارك فيكي ويوفقك ويسعدك

**ŢαŢμαŊα** · 07-25-21, 12:52 AM

كتر خير الله كملت اجاباتي ع كل مشاركات اعضائنا الكرام يلي شاركو بهيدي الحلقه
وآنتهت زمن الحلقة الأولى ... لهيك رح بغلق الموضوع

وبتمنى من كل الغاليين يلي حابين يشاركو بآستضافتي انن ينزلو آسئلاتهم الجديدة بالحلقة الثانية هون

الناقد والفيلسوف الحلقه 2 مع ŢαŢμαŊα( انثى اسثنائيه )
http://www.al2la.com/vb/t116442.html

آهلين فيكم جميعا ... وتقبلو جزيل شكري وتقديري

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات غلا الخليج		شات السعودية	شات دلع السعودية
شات سعودي كام	شات فلة الخليج