| |||||||
11Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| إضافة رد |
| | LinkBack | أدوات الموضوع | انواع عرض الموضوع |
08-27-21, 08:13 PM
| #7 | ||||||||||||
  
|  أهلا أهلا وعدنا من جديد بفصل جديد آمل أنكم استمتعتوا بالفصل الماضي أعتذر عن التأخير لظروف خارجة عن الإرادة  و ان شاء الله كتعويض لكم سأقوم بتنزيل فصلين  تحياتي الفصل الثاني من حيث وقفنا سابقاً كانت معالي تتهم غنى بأنها سرقت حبيب رودينا معالي: معلش أنا عارفة انك من العاصمة وجريئة وتسوين أي شيء بس تعرفين انو هذي صديقتك ما يمديك تفكري؟ غنى: أفااا انتي من وين تفكرين بالضبط؟ ترى مو جوعانه حبايب ياهوو ايش فيه وقايله لكم اني حبيت لي شخص بس أكيد مو غسان حبيب رودينا! معالي: معلش اسمحي لي أنهي صداقتنا انتي مو زينة غنى: يالله عاد من زينكم انتوا .. وبكذا انتهت العلاقة بسبب كذبة كذبتها المنافقة الي عهد حذرت غنى منها من أول يوم دراسي بس لأن ابو الطبيع ما يجوز عن طبعه غنى ما صدقت وقررت تجرب الواقع المر بنفسها غنى : يا عهد تعالي أبغى اسألك , أنا ترى مره معصبه بس ما ابغاكِ تتنمرين علي عهد : ايش فيه غنى : ليش تكرهوها لرودينا وما تحبونها ؟ جد جد يعني ليش؟ ما بعلم أحد والله عهد: والله و أنا أختك تعرفين أصيلة ؟ معانا بالصف على فكرة سمعت انها تقرب لك غنى: ما عليك ما أعرف احد يقرب لي ايش فيها أصيلة طيب؟ عهد: كانت صديقة رودينا مثل ما يقولون الروح بالروح بس لان عرق النفاق و الكذب يمشي بدم رودينا جابت أجلها بنفسها في يوم من الايام كانت تسوي نفسها تعبانه ومغمى عليها عشان ما توقف بالطابور فالحر مع البنات وعشان تدور أتنشن – ملاحظة و اهتمام- من البنات قامت كذبت عليهم وتقولهم انو عندها القلب! غنى : لاا كثير مره ياخي عهد: و رب الكعبة كانت كذا و اسوأ و بإعتبار انه هالرودينا كانت صديقة أصيلة و الشلة كانوا يهتمون فيها بحكم مرضها الي محد يدري عنه! وفي يوم تغيبت عن المدرسة يومين والبنات خافوا لانها قالت لهم احتمال تساوي عمليه لقلبها. وعلمت أصيلة أمها و أصرت تتابع حالتها بما أن أمها تشتغل ممرضة في المستشفى الكبير بالولاية لكن حزروا ايش؟ ما لقوا لها ملف طبي بمرضى القلب ولا العمليات ولا غيرو فقرروا يزوروا رودينا و أهلها يمكن تتعالج في مستشفى ثاني خارج الولاية ولكن بووم الأهل أنفوا حقيقة ان بنتهم عندها مرض بالقلب حتى هههههه و زعلت أصيلة مرة والبنات لانهم صدقوها وهي كذبت عليهم بموضوع كذا حساس . غنى : أجل استاهل ووضحت الصورة عهد : لا تقولين جا دورك ؟ غنى : ايه والله جا وليته وما جا ههههه . . . فالبيت بعد الدوام وعلى الفيس بوك غنى : يووه مره تعبت اليوم و الاحداث ثقيلة على قلبي عبدالعزيز : ليش ايش صار؟ غنى : كل شيء متعلق بكوني جيت من العاصمة في ما معناه انو سهل ينخدع عليا بس يالله هانت وعادي عبدالعزيز : طب ممكن اسألك سؤال ؟ غنى : هات يا عيوني اسأل جعل محد يسأل غيرك عبدالعزيز : ههههه فديتك أبد لي زميل يقول أنه اخته تدرس معاكم اتوقع اسمها معالي كويسه هي ؟ ولا ما تعرفينها؟ غنى : ايه اعرفها معاي بالصف و دوبنا تقاتلنا اليوم عبدالعزيز: ي ليل ما اطولك! ليه! غنى : ولا شيء بحكم إني من ***** صرت أسرق حبايب عبدالعزيز: جد؟ غنى : تستهبل؟ عبدالعزيز: لا خلاص امزح . . بعد مرور اسبوعين من الأحداث صارت علاقة غنى بإلي حوالينها سطحية خافت تتعقد الامور أكثر.. معالي: مو ناوية تعتذري منها؟ غنى : من ايش؟ معالي: ترى الي سويتيه مو هين والله أخاف أكلمك عن حبيبي و ألقاك سرقتيه مني! غنى: شوفي اذا تحسي اني ثقيلة على قلبك فارقي خلاص مو ناقصه والله تجيك التهايم و أنت نايم , عجيب والله! معالي: شوفي هو مبين عليك بريئة ونحن نعرف رودينا مو كل كلامها صحيح غنى: و دام تعرفي ليش اتهمتوني ظلم؟ يختي خلاص ممكن تخليني آكل ؟ معالي: ههههه إيه خلاص خذي راحتك بس عاد تعرفي والله هالحكي يقرقع بقلبي وودي أقولك إياه غنى: هاتي ما عندك معالي: والله أنا من فترة حبيت وهو ممرض ومن منطقة قريبة مننا وترى نطلع مع بعض بس هاه لا تعلمي احد! غنى: تطلعي معاه؟ هبله؟ أحس هالبلد متشدد مرة وكل العوائل متشددة بس تغامرين بحياتك وتطلعين معاه؟ معالي: عادي ترى أهلي ينامون على 10 بالليل و أنا أطلع معاه على 11 غنى: طب انتبهي على حالك شباب هالوقت ما منهم أمان والله لا يكسر بخاطرك ولا يعتدي عليك كله جايز و أنا اختك معالي: ما عليك قدها أنا . . في حصة الرياضيات ( وسأخبركم بأنها من اسوأ كوابيس غنى على الإطلاق) أستاذة إيمان : يلا مين يطلع يحل المسألة على السبورة؟ الصف : حالة صمت وكلٌ ينظر إلى بعضه البعض أستاذة إيمان : طب هختار لوحدي؟ ماشي و رفعت غنى يدها حتى تتسنى لها فرصة الاجابة أستاذة إيمان: يلا يا غنى تعالي هديل : أستاذة ليش تطلعيها تجاوب ترى كل بنات *** فاشلات الأستاذة : بت اخرسي غنى : تبي تحلي؟ هديل : ما أنا أعرف وضعك ههههه رمت غنى القلم على وجههاا غاضبةً وخرجت من الفصل يتبع | ||||||||||||
| رايــق likes this.  |
|
08-29-21, 09:23 AM
| #8 | |||||||||||||
 
| الأحداث مشوقه جدا والاسلوب ..الاسلوب ..الاسلوب واااااقعي جدا ما شاء الله عليك رودينا هذي مصيبه ما تتعاشر وحاس ان فيه اكشن بيسير بين غنى ومعالي والله أعلم المهم ننتظر التكملة بس لا تطولي مره علينا شكرا على هذا الابداع | |||||||||||||
| |
|
09-01-21, 09:53 PM
| #9 | |||||||||||||
| وين الفصل الثالث ..ننتظر | |||||||||||||
| Athena likes this. |
|
09-03-21, 02:57 AM
| #10 | ||||||||||||
| أهلا وسهلا شكر خاص لأخونا الرايق لدعمه المتواصل الفصل الثالث الجزء الاول بقيت غنى جالسة على درجات السلالم وحيدة, سبقتها دموعها ومشاعر الغضب لم تكن تلك المرة الاولى لم تكن العاشرة حتى ولطالما تعرضت غنى لهذه المواقف التي قابلتها بالصمت ولكنها تبدو كأنها لم تعد تحتمل. تعرضت غنى لنفس الموقف مع عزيزتها عهد وقد اتهمت أيضا بأنها سرقت حبيبها منها غنى : أنا مرة مستغربة وربي يعني لأي درجة يفكروني منحطة؟ ما عاد ابغى اقعد هنا قال مطوعين قال كل مرة اتهام وكل مرة يشهدوا زور وكل مرة يشتموني وش هالعيشة يا ربي . . في نهاية الدوام معالي : شرايك نطلع مع بعض للمنتزة ؟ غنى: والله ودي بس أبوي مو موجود في رحلة عمل شرايك تجي عندي؟ معالي: جد؟ خلاص تم والله! بس تعالي لا تتضايقي منهم أسلوبهم زق من يومهم معليك غنى : ما علي من ايش بالضبط؟ سمعتي؟ شكلي؟ ولا الاتهامات الي تجيني وانا خبر خير عنها والله مدري وش الي لازم اطنشه وما أهتم فيه الله يصبرني!! . . في البيت غنى: يمه وحده من صديقاتي بتجي عندي أم غنى: من الحين أقولك أنا ماني مسوؤلة هاه نظفي المكان لوحدك و اطبخي لوحدك غنى: ههههه ولا يهمك يمه من عيوني بس أقصد أخواني العذال علميهم غنى : طيب طيب دق جرس البيت غنى : يا هلا والله يا هلا ادخلي معالي: أهليين ههه ذي اول مرة اجي لعندك غنى: ايه و ان شاء الله كل يوم تجي معالي: بالله عندك فيس بوك؟ غنى : ايه عندي بس ما استخدمه كثير ليه؟ معالي: عاد تدرين قلت لك عن حبيبي صح؟ غنى : ايه؟ معالي: ترى قلت له يمر علي من بيتكم غنى : يمه لا يشوفك احد من اهلك ولا تستهبلي بس؟ معالي: لا والله جد بس ابغى افتح الفيس بوك من الكومبيوتر حقك غنى : تمام أخذت معالي الحاسب الالي الخاص بغنى وقامت بمحادثة الفارس الغوار الخاص بها واتفقا على المكان بعد أن قامت معالي بإعطائه وصفاً دقيقا للموقع.. *صوت رسائل على هاتف غنى* عبدالعزيز : هاه انتي وين؟ غنى : مع صديقتي جات لعندي قلت لك قبل عبدالعزيز : ايه صحيح نسيت , شرايك اتصل بيك بالليل؟ غنى: وليش ما الحين؟ عبدالعزيز : تعرفي وقت العصر اخرج مع الشباب للملعب وماني فاضي ما في وقت غنى: خلاص طيب , معالي : وش فيك؟ غنى : أبد ولا شيء معالي: حبيبك صح؟ غنى : هههه ايه حبيب الغفلة صار لنا 6 شهور مع بعض ولازلت احس تصرفاته غريبه معالي: و انا وحبيبي بنكمل سنة قريب , اوه يتصل عليا يلا بجيك بعد ساعه غنى : خلاص ماشي. . . الموضوع لم ينتهي هنا قاد الفضول غنى الى شيء لم تتوقعه شيء قد تسقط في شباكه فما هو يا ترى؟ فتحت غنى حاسبها الآلي وما إن فتح ودخلت لمتصفح البحث لتفاجئ بأنها في محادثة مع شخص يدعى باسل .. غنى : شكلها معالي نست تسكر حسابها وفي لحظة لمحت غنى اسمها في تلك المحادثة عن ماذا تتكلم معالي؟ سنعرف ذلك في الفصل القادم.. | ||||||||||||
| |
|
09-03-21, 03:31 AM
| #11 | ||||||||||||
| مرحبا أعتذر جدا لكون الفصول قصيرة سأحاول إطالتهم قدر المستطاع.. الفصل الثالث – الجزء الثاني نعود إلى حيث كنا عندما لفت نظر غنى تلك المحادثة المريبة هل ستترك فضولها ليمسك زمام الأمر أم ماذا ؟ باسل : وشلون موضوع غنى؟ معالي: خلاص عطيتك الي تبيه وسوي إلي اتفقنا عليه غنى: وش الي اتفقوا عليه ويفتح باب غرفه الضيوف فجأة لتغادر غنى المحادثة وتغلق الحساب مياسين ( شقيقة غنى): انتي مو قلتي ان صديقتك معك؟ وين راحت غنى : سلامات وين عايشين احنا ليش تفتحي الباب وكأنك فاتحه القسطنطينية مياسين : كيفي امي تقول تجي معانا بعدين لبيت عمي ولا ؟ غنى : لا ما بجي مياسين : احسن . . *معالي وفارسها المغوار* حبيبها : انتي علمتي صديقتك عني؟ معالي: لا أبد أغار عليك وتدري انك سر من أسراري أصلا حبيبها: طيب متأكدة انها ما بتعلم عليك ؟ معالي : ايه اعرفها اصلا هاي ينلعب عليها مو تلعب علينا ههههه حبيبها: كويس طيب متى قالوا اهلك بيجونك ؟ معالي: الساعه 7 لسه باقي نص ساعه حبيبها : اجل خلينا نرجع ونلتقي بالليل شرايك؟ معالي: خلاص تم حبيبي . . شعرت غنى بالملل ومن الانتظار وحيدة غنى : ورا ما ارسل له رساله مدري احس بياكلني بقشوري ولا خلاص استناه لين ما يرجع من الملعب احسن *ويقاطع تفكيرها صوت رسالة من هاتفها* رقم غريب : ي حلوة؟ غنى بتفكر بين نفسها ( خير وش ذا ههههه) رقم غريب : تشوفين وما تردين؟ هذا ذوقك؟ غنى : مين انت؟ رقم غريب: انا شخص لازم تخافي منه غنى : تخسي ما بقى الا انت انقلع ناقصه سوالف رقم غريب : متأكده من كلامك يا غنى؟ غنى : ايه و القم بلوك و أنهت غنى تلك المحادثة مع غيمه من التساؤولات و الشك , ما الذي يحدث؟ رسالة نصية جديدة رقم غريب : وضعك مره مضحك ومزري انتي غلطتي على الشخص الخطأ أحب أقولك أن صورك معاي و انا عازم على اني اساوي صفحه على الفيس بوك افضحك و افضح من جابك فيها الا اذا تحولين لي مبلغ وقيمته 1500 ريال غنى : والله مصروفي ريالين أجيب هذولا من مين؟ بعدين صور ايش!! أنا ما ارسلت صوري لأحد افففف لا خلاص مو لازم اخاف هذا واحد نجس بتصرف معاه بعدين غنى : معالي انتي وين ؟؟؟ معالي: خلاص عند الباب افتحي لي و إلتقى الاثنان وبدأت معالي تسرد لقائها مع حبيبها وكيف انه قام بإعطائها باقة ورد وعطور بمناسبة إكمالهم عاما معا معالي: تعالي أنا ما وريتك صورته ههههه ترى هو مبين انه كبير بالسن بس ما عليك تراه شباب ومحترم غنى : ايه ايه ما عليك ههههه معالي : بس بالله اعطيني رايك فيه بصراحه مين احلى انا ولا هو ؟ غنى : خليني اشوفه اول وشفيك هههه -حسنا لا اعتقد ان غنى ستكون سعيدة بما قد تراه- معالي : وهذا هو هاه شرايك؟ وعم الصمت أرجاء المكان غنى : هذا هو؟ معالي: ايه بالله مو انا احلى منه ههههه غنى: وطلعتي معاه؟ معالي: فيك شيء؟ لا يكون يقرب لك؟ غنى : والله كأنه مألوف بس تعالي مو كبير عليك احسه شايب هههه بعدين انتي احلى منه ما شاء الله معالي: مممم بما انه مألوف اسمه عبدالعزيز ترى غنى: اههه لا الي اعرفه اسمه احمد معالي: اجل مو هو *لطالما كنتِ قوية يا غنى حتى و أن خرجت صديقتك مع حبيبك لا بأس قاومي حتى ترحل* معالي : أحس ودي أعترف لك بشيء بس خايفه منه غنى: هاتي الي بقلبك معالي: فيه صيدليه قريب منكم؟ غنى : ايوه فيه سلامات فيه شيء يألمك؟ معالي: لا بس تأخرت علي ممم فاهمه علي صح؟ صارلها متأخره اسبوعين غنى: تبي دواء ينزلها يعني؟ معالي: لا أبغى جهاز فحص حمل غنى : هاه؟ . . يتبع | ||||||||||||
| |
|
09-13-21, 08:02 PM
| #12 | ||||||||||||
| أهلاً ♥️ انتظروا الفصل الرابع قريباً دمتم بود  | ||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
