ي عزيزي
اهل القصيم معروف عنهم يحبون التجاره في كل شي ماشاءالله ..
يحبون يشتغلون ويجتهدون .. عشان كذا تلقى عيالهم مثلهم ..
مو مثل باقي المناطق .. اغلبهم يجتهدون بس الباقي دلوعين يبون احد يصرف عليهم ..
او تلاقي واحد عنده شهادة الابتدائي او المتوسط ويبغا يكون ع مكتب ولا مدير ..

اللي يميز رجال ونساء القصيم أنك تلقاهم في كل مكان من كوكب الأرض
حتى لو تروح صحراء خاليه من البشر والحيوان والنبات ستجدهم مخيمين وشابين النار وتعرفهم من لهجتهم

أجمل مافيهم أنهم يرددون على ألسنتهم كلمة (( ماشاء الله )) بإستمرار ، ولو تدقق معي في ذلك ستلاحظ أنهم يذكرونها أكثر من أعداد أنفاسهم وهذا دليل على الفطره السليمه التي فطرو عليها

وأشين مافيهم أذا زارو دوله أو منطقه أو بلده أو مقاطعه أو حتى قريه يسببون طفره في مواقف السيارات لدرجة أن الأهالي ينجبرون يوقفون سياراتهم في أماكن بعيده عن منازلهم

وأغرب مافيهم انك لو وجدت قصيمي إشترى طياره لا تستغرب فيه يحولها لديزل

اللي بس نفسي أعرفه عنهم شيء واحد فقط وهو :
(( وش بينهم وبين أهالي حايل ؟ كل ماسألت أحد فيهم وين رايح قال بروح عند خوالي في حايل ))
يعني حبكت يكونون خوالك من حايل ؟ ليش مو من أي منطقه أخرى ؟

ولكن أولاً وأخيراً يظلون القلب النابض لسعوديه .

القصيم منطقة زراعية واغلب انتاجها التمور لذلك ليس بمستغرب
والسكان الاصليين للقصيم هم مزارعون وتجار تربو على ذلك منذ
الصغر .. والقصيمي غالبا حريص ليس بخيل انما حريص فهو يدرس
اي مشروع قبل الخوض فيه من جميع النواحي .. هذا ماعرفناه عنهم
والعقيلات هم اساس تجار القصيم كانو ينتشرون بكل مكان لكسب رزقهم
وهذا ليس بعيب