|
تهقون نبحث عن عمووو طيوب عمووو هكر:ah11: يمكن نلاقي تميس مجاني :) وصلت لنهاية مشواري لليوم شاعرنا صاحب الورقا سفر + راعين داري 8 كنتم مع الذكريات حاضر ستطويه الأيام ذكرى جميلة بمستقبلي عسانا نعيده بعد سنوات ذكرى جميلة :ah11: ألقاكم على سعادة و بون نوي #:81:# |
صباح الورد ،،، |
بعد قرار النايفة الظالم بتميس وفول رفعت يدي للسما عسى ربي يجيب عمو طيوب الهكر :) ولا تدرون غيرت رايي مقدر استغني عن أم عجرا الرومانسية:icon32: عمو طيوب لا تجي خلاص:) شغل بعض الأمهات بتنامون وألا نادي الحرامي:MonTaseR_203: زين ليش فيلم الرعب بس:MonTaseR_203: وبعد أن استجابت السما ارعدت وابرقت لحزن قلبي ،، فيلم هندي من الامتناع عن الفطور من قبل النايفة ورفض الوسن لف سمبوسة جاتني عزيمة ريوق :icon32: سامحت النايفة مؤقتا :MonTaseR_148: وشرت حق الوسن ورق سمبوسة من فئة الميني إلى الأكس لارج :icon32: وبتجهز الحشوات وبنلفها على وقع أغنية أنا والعذاب وهواك :icon32: صديقات ما يجون إلا بالعين الحمرا :) :icon32: |
ولا سمع وحدة تقول ودينا معاج ممنوع أصطحاب :v: العجرا وذوات الإحساس المرهف :MonTaseR_57: ،، :رحيق: |
قبل خروجي شاعر الورقا سفر يسعدني تواجدك شاعرنا وراعين ذي الدار 6 تبارك صباحي ،،، و ألقاكم على سعادة :رحيق: |
صورة :x117: الحين الناس اللي تفطر 5 الفجر يشوفون الناس اللي يحبون 9 :x117: |
|
وقت القيلولة عاد الرومانسيين نغطي العيون :24: |
 |
خلاص النايفة تقدرين تشوفين :) شفتي عشانج بس صورت الأجواء بعد ما اعتزلتي العجرا :) ،، وبعد ما انتهينا من مشاويرنا وجينا لوقت القيلولة وخلصنا فقرة مشاكستي :) قبل وقت القيلولة جمال الرفقة انعكاس رائع ،،، اليوم لدينا أشغال وأشغال لذا سيكون لقانا غدا بإذن الله 6 راعين الدار سعدت بصحبة نهاية يومي هنا ألقاكم على سعادة :81: |
صباح الورد ،،، |
من أمس أثاروا بسمتي السمو و النايفة وحده ممكن تنام 3 أيام والثانية 3 ساعات وأن بكلا الحالتين ما أعرف أصرف عمري لو نمت قد السمو بكون مفهية ولو نمت بقدر النايفة بكفح الطوف في كلا الحالتين ما راح أستوعب شي :) ممكن أنا 7 8 / 9 قولوا 11 ساعة لكن 36 :) و3 ساعات أيش لا واطلع بجونا:MonTaseR_207: آخر آخر شياكة ربعي وعارفتهم عجايب عمري :MonTaseR_207: يا زين صديقاتي بس :نبض: |
ولو جينا للواقع عندي صديقة نظامية بشكل أذكر رحنا معرض الكتاب قلت لها الساعة وحده نشرب كوفي قالت لا والله احين غداي مستحيل أخرب نظامي :) والثانية الله بالخير قهوة ما تحب خير شر ما عدا القهوة العربية // والله انتظر أخلص اللي ببالي وقررنا نجتمع في الجامعة وحشوووني ترى اللي بنجتمع عشرة وتصوروا عشرة مختلفين :) بس لا يعني مبالغة في بعضنا يتشابه بالطبع أكيد والله وحشتني لمتنا :ورد: |
الله النقيضين جايين مع بعض أم 3 أيام وأم ثلاث ساعات بس بينهم ينتمي 3 :) الحين السمو ترسم دائرتين بينهم منطقة الانتماء دائرة النايفة فيها ساعات والسمو أيام النايفة تقاطع السمو = 3 عاد الاتحاد يجيبهم كلهم :) جعل ربي ما يخليني :قلب ازرق::قلب ازرق: |
وخلونا نبدأ ترحيب صباحنا شاعرنا صاحب الورقا سفر لا زالت ثنائيتك باقية تخبر عن صاحبها والله جميل لو ثلثتها يعني حضور يشرفني ويسعدني دائما شاعرنا الكبير سلمان الخالدي حرف مميز وقلتها وأأكدها وإن لم يُجمع بطرح موضوع منفرد الابداع ما يحتاج اثبات مقتطفاتك الشعرية قصايد وكثير من أجزاء المنتدى يثبت بصمتك مرور أسعدني وتشرفت به شاعرنا شاعرتنا شموخ طويق النايفة وجودج طول عمره يسعدني ويشرفني وفراشتنا زهرة الرمان السمو شهادتي باتت مجروحة في بث مشاعر الفرح بوجودج والنايفة والسمو مشاكسة لا استغني عنها :81: |
خبر جرايد يُقال أغلى سعر لكوب كوفي موجود في قطر المتوسط بين 30/ 35 والله ما يستاهل لو جينا للصراحة و بعد لو جينا للحق على سبيل المثال الجامعة البنت تشتري كوفي وتظل من مبني لمبني شايلة الكوفي ويلا شوفوا الكوفي ما ينلامون محلات الكوفي دام هناك من ينضحك عليه :) وأنا أتلذذ بكوفي بو ريالين كابتشينو بالنبدق من الماكينة :) أحس لو كوفيات الجامعة عندها زبونة مثلي بتقفل وبتقول يفتح الله :) والله ترى بو ريالين ألذ والله ما أبالغ :ah11: |
خلونا الحين بعد ما بدأنا شي خفيف نطرح أمور من الحياة ،،، |
لفت نظري من فترة بنات صغار يتحدثون عن العاملة المنزلية فسمعتهم يقولون "المضيفة" من التضييف اعجبت وبشدة بذي التربية الجميلة جعل من رباهم ربي يحرم وجهه على النار ،،، لفظ خدامة ما أتفق معاه وتكلمت ببداياتي عن موضوع المعاملة+ اللفظ لهم اسم ،، بصفة إنسانية الحلو أناديهم باسمهم ،، ونعلم العيال الصغار كلمة "خدامة" عيب حلو إنك تراعي مشاعر هالفئة ،،، وفيه قضايا هنا نشوفها |
تجيب الخادمة معاها لمجمع المدام طبعا وتقعد الخادمة بطاولة بنفسها في المقابل تاكل المدام وتظل الخدامة على قولتها بدون أكل خلاص فيه أكل في البيت أنا مش ملزومة كفاية راتبها !!! طيب إنسانيا جبتيها كثير عليج وجبة ،،، والله ترى ذيلا بركة وايد أمور نحتاج لها بحياتنا ويكونون سبب الله يفتح علينا أمور بحياتنا ،،، وقضية أخرى |
تروح العمل وعندها أطفال عطتهم العاملة قاعدة الخادمة كما يحلو للمدام تسميتها من الفجر ساعدتها في ابناءها اللي بيروحون المدرسة وخلت عندها الباقي ترجع المدام ما لها بارض ولا خلق وتعالي يا فلانة تعالي يا ----- ألفاظ لا تمت للإنسانية بصلة ويلا نطبخ السير بعد شوي راح يجي يطبخون تغسل المواعين والمدام خلي عندج اليهال بروح أقيل زين واللي من صباح الله صجة ولجة مع عيالج مب تعبانة !!! تقوم المدام وين شاي وقهوة المغرب وين عشا اليهال وينامون اليهال ولحد الحين بتكوي ملابسهم ويضيع الوقت وتجي الساعة 10 وتروح تنام وفجأة يطري على المدام أنها ما شربت العصير وين الخدامة ؟؟؟ نامت نامت الساعة عشر تو الناس نامت عليها طوفة "حيطة" بصراحة ما لها خق ماعرف من شعوره مثل الحيطة !!! وفي الأخير ليش الخدامة عنفت عيالي اتكلم عن البعض البعض والأغلبية الحمد لله بهم خير ،،، نشوف قضية 3 |
يجي ولدهم الصغير كلمات حديقة الحيوانات أعزكم الله كلها للخادمة ولو ردت وقالت أنت____ غضبت الأم وعصبت ليش تقولين له يا _______ تقولها هو قالي تقول هو عادي يقول أنتِ لأ مش من باب ترى هو طفل وعيب بعلمه الصح من الغلط لا من باب أنتِ أيش يعني خدامة *** ترى إنسانة يا مدام |
ونقضية 4 التليفون ممنوع أخاف تعرف على بابو ولا راجو جمعة مع خادمات العائلة يوم الخميس ممنوع أخاف من تنقل الكلام وأنهم يخربون خدامتي عليّ يوم في الأسبوع ممنوع اشدراني أيش المصايب اللي ممكن تسويها *** تعالي شوي يا مدام أنتِ عندج تليفون تكلمين كل يوم أهلج وأنتوا بنفس المنطقة والبلاد تجمعها مع خادمات أخريات ليش أنتِ يوميا تكلمين صديقاتج تشوفين خواتج تغشمرين معاهم تطلعين معاهم تشتاقين لهم ويوم في الأسبوع ممنوع أنتِ كل فترة طالعة ،،، تركت ابناء وزوج أو أم وأب ووطن وجات الغربة تزيدينها كربة أنا أفق ما تطلع بروحها يوم وممكن فعلا تجيب بلاوي لكن كوني لها الأخت وخليها تجتمع مع خدامات الأهل لأنها تحتاج للأنس وطلعات مش مشكلة بين فترة وفترة خليها تطلع معاكم كعائلة مش معاج أنتِ وزوجج أكيد لكن معليش تطلع بين فترة وفترة وغشمرتج معاها وابتسامتج لها ما تحط من قدرج ترفع مقدار تواضعج ،،، ليتنا نعي أن الدنيا دواره وممكن دعوة ذي اللي ولا شي تسوي لج أشياء في يوم ما سواء لج أو عليج |
القضية الأخيرة فيه عاملات يجون فعلا بهم عيب عندج مهلة 3 شهور رجعيها المكتب ولا تستأثمين فيهم بأهانة شتم وللأسف تصل عند البعض للضرب هي مش أمة هي خادمة بعقد سنوي ،، لا تكونين أنتِ والغربة عليها بالعكس لو شافتج تمام بتعمر عندج أعوام وما راح تدور البديل وأنتِ الربحانة ماديا ومعنويا بإنسانة راح تأمنينها عى بيتج وعيالج ترى الحب يصنع الكثير لذي الفئات ،، لما تنام بدمعة على خدها غير لما تنام ببتسامة رضا ،،، وخلصنا ذي القضية ،،، |
هلااا والله هنادي هنادي لما قريت أنج مريتي على الزمن الجميل وانقطعتي فترة ورجعتي حسيتج تكلمين عن حضرتنا مررت بأجمل زمن وانقطعت وحنيت ورجعت وكان أجمل منتدى التقيته صدفة منتدانا لوهلة حسيتنا التقينا لكن للأسف ما كان في ذاك الزمان هنادي طيب ليش للأسف دام الحاضر فيه أنتِ خلنا نقول لحسن حظ الصدف تشابه الماضي دون اجتماع ليكون الحاضر ماضي المستقبل بذكرى فيها أنتِ الجميلة :ah11: وأسعدني ذي المرور يا أم الزين :نبض: |
الأستاذ الكبير عبدالله همام مرورك أستاذي الفاضل يشرفني ويسعدني تكلم بالأمس أستاذنا الكبير عن موضوعين مهمين الأول أثار موضوع عن العاطفة والحب وقال مع تقدم الإنسان بالعمر يخجل عن التحدث بإبجديات "المحبة" والله يا أستاذنا الفاضل الحب ماله عمر ولو جينا للحقيقة الأكبر تزداد قيمة العاطفة كلما تقدمنا عمرا لأن الشعور بصدقها يصبح أقوى التعبير يكون أعمق وأصدق المشاعر الجميلة مش عيب تُقال أرى في كثير من الأحيان بالنسبه للناس اللي يشكلون قرب منا من السئ نخفيها ونخجل من التصريح بها لأن العمر لا يتكرر واللي حولك يسعدون بتأكيد حبك لهم ،، وتصبح تلك المشاعر جميلة قولا وفعلا ،، تظل الذكري اللي تنطبع في القلوب عني أتوقع بعد ما عشت عالم الجمال والقصايد والاحتواء سأكتب مجلدات بمشاعر المحبة والحب العفيف ،، وبعد |
وتكلم أستاذنا الفاضل عن والدته الفاضلة "رحمها الله" وقوة امرأة جلدة وكيف أن الأم مهما كبر الرجل يظل طفلها وأنا متأكدة من ذلك ،،، والواضح أنها كانت عظيمة وانجبت رحلا بمعنى الكلمة أستاذ محترم نقدره ونحترمه يقولون ما مات من خلف وصحيح أكبر لم يمت من أنجب من يقال لهم والنعم بهم وأنت كذلك جعلك الابن البار لها بعد وفاتها والاجتماع بعد عمر طويل بإذن الله في الفردوس الأعلى كل أم عظيمة تستحق أن تُخلد ،،، |
أذكر امرأة توفى زوجها وهي صغيرة ولها ابناء منهم بنتين حريصة وقاسية شديدة شديدة والله وتدقق على بناتها كبروا تبارك الرحمن واليوم أشوف تربيتها روعة حكت لي قصتها ،، ما ألومها في قسوتها لما تاخذ المرأة دور الرجل والمرأة معا لما تاخذ دور الأب والأم معا وتخاف من أي كلمة تعيب تربيتها ويقال لها مات الزوج وما عرفتي تحفظين الأمانة قلت لها يوما : كنتي خير الأم والأب ،، أديتي الأمانة ،،، وكنتي قدها حقيقة بعض النساء قصة رائعة تحب ترويها للزمن فخر :قلب ازرق: |
وصلنا لنهاية مشواري بإذن الله بعد فترة بتكون المواضيع أكثر وتنوعة أعدكم فترة فقط لا غير ،،، السمو فراشتنا زهرة الرمان + شاعرنا سفر صاحب الورقا + 9 راعين المكان أجمل ما في صباحي أنتم ألقاكم على سعادة #:81:# |
وما اطلع قبل ما أقول النايفة شاعرتنا الغالية+ هنوده = مسك ختامي :نبض: :نبض: |
صبااح الورد ،،، |
موضوعنا اليوم شعر نثر أدب ما راح يخرج عن معنى القمر |
فيه موضوع جميل صادفته ووافق هوى النفس ،، فكان الاختيار عليه ،،، تعالوا ناخذ المدخل ومن ثم نسترسل عذوبة مفردات |
|
حقيقة أنا من عشاق القمر من الأخير ولا أجد الشمس ولا المجرات تحل محله ،، بس الأكيد مش بس أنا اللي أحب هذا القمر المنير ،،، خلونا نشوف موضوع اليوم |
الإنسان وجد على ذي الأرض وأول ما لفته ظواهر الطبيعة قام يتفكر بمظاهر الكون شمس قمر كواكب كل اللي حوله كان يتفكر به ومع الوقت اتخذها آلهة طبعا من مظاهر عبادة الوثنيات عبد الزهرة والشمس ومن ضمنهم عبد القمر ،،، وعلى الرغم من عظم الشمس لكن لم تأخذ موضع تساؤل كما أخذه القمر طيب ليش ؟؟؟ |
فراس السواح في كتابه "لغز عشتار" قدم تفسير وتصور جميل الشمس عادة لها مكان محدد للشروق ومكان محدد للغروب تشرق من الشرق وتغيب من الغرب القمر لأ كل يوم هو في شأن مختلف ماله مكان محدد للظهور اليوم من مكان بكرة من مكان مختلف تماما ،، بعدين أطوار القمر نفسها مختلفة يبدأ هلال ضئيل حتى يكتمل الاستداره لبدر في تمامه ويختفي بالمرة آخر الشهر صفة التغير نفسها ملفتة فيه ،، |
وذي الشي الطبيعي دائما المتغير المتجدد يلفتك تعالوا نقيسها على مستوى البشر الشخص لو يجيك متغير في مظهره أو حتى تصرفاته وماله موضوع الثبات يلفتك أكثر من اللي ثابت أنا لا أقصد هنا تقبلك أو لأ مثلا نحن لا نتقبل شخص كل يوم بمزاج لكن يلفتنا يثير التساؤل التعجب ،، الشخص المتجدد في مظهره ملفت ترى كل يوم شكل وستايل ملفت لهذا يقال تغير جدد لأن الثبات يولد الملل رجاءا تغير إيجابيا ولا تغث الناس يوم مزاج عال العال ويوم نفسية :) فعلا هنا فقط للتوضيح دائما اللي يتجدد يلفت أكثر من الثابت ونكمل |
ترحيب صباحي بالوجوه الطيبة شاعر الورقا شاعرنا سفر أسفرت وأنورت تواجد يسعدني ويشرفني مراقبنا الدكتور الفيلسوف كيس جوافه مفيش طيب معليش هو حد يئدر يئول للحكومة تلت التلاتة كااام :) مرور يسعدني ويشرفني مراقبنا وفراشة منتدانا زهرة الرمان خُلقت السمو لنثر البهجة ربي يحفظج في ذمتج حد يروح قبل الامتحان شارب سلاش أزرق :) والله السمو حتى تعابيرها وإجاباتها كفيلة أنها ترزقك ابتسامة هي رزق أساسا :نبض: صباحنا أنتِ ونجيب الكاربت الأحمر لسموج :x117: |
السومريين عبدوا القمر وسموه "نانا" وورد في ذلك من ديوان الآساطير لقاسم الشواف قوله عن نانا آلهة القمر قائلا: ثمَّ جَعَلَ نانا الَقمَرَ يَظْهَرُ وَعَهدَ إليه بالّليْل اّلذي عيَّن َلهُ الجَوْهَرَة الّليليّة لَتحْديدِ الأيّام في ُ كلِّ َ شهْر قال له وبدون انقِطاع فلْيَمض ُقرْصُكَ في مسيرَتِه في الأوَل مِنْ الشهْر أضِئْ بَنفْسِكَ َفوْق الأرْض ثمّ حافِظْ على َقرْنيْكَ اّللامعين للإشارة إلى الأيّام السِّتَّة الأولى وفي اليوم السّابع يَجبُ أنْ يَكونَ ُقرْصُكَ في نِصْفِهِ وفي اليوم الخامِس عشِر، وفي ُ كلّ مُنْتصَفِ َ شهْر |
كان العربي أيضا بهتم بالقمر وكثير الارتحال ليلا فكان لهم النجم يهتدون به اثناء تنقلهم ،، كما تأثر العرب بعبادة ثالوث الكواكب هنا يقول شوقي عبد الحكيم في كتابه "الفولكلور والأساطير العربية" عبد العرب الثالوث الكوكبي كانت الشمس الأم والقمر الأب والزُهرة الابنة فقد كان العربي يأنس بالقمر اللي يضيء له طريقه ليلا ،، |
| الساعة الآن 02:59 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا