للامانه انا كنت شاطر ف المدرسه وكنت في الثانويه وقتها
المهم كان علينا اختبار رياضيات وكان وقتها غيم ومطر قوي وبرد
رحت الاختبار كان اول حصه وحاطينا في مسرح المدرسه
واخوكم كان مذاكر زين بس انصدمت من عدد الاوراق كانت ١٧ ورقه
والوقت م يكفي ارتبكت وتوترت وماعرفت احل المهم جبت العيد وقتها
اخوكم اول م طلع من الاختبار وينتظر استاذ الحصه الثانيه كان يسمع
الشله الفاسده وراه يقولون شرايكم ننحاش بعد الاختبار نحتاج نعدل النفسيه
ودخلت الفكره براسي وقلت انا وياكم ي الربع بس من وين
قالوا امش معنا ومشيت معهم وانا بايعها ماهمني لو يشوفني الناظر
والمهم الاول طمر والثاني طمر والثالث طمر والرابع انا طمرت
ولا من قدامي !
قدامي الوالد الله يطول بعمره ماعمره طلعني من المدرسه ولا جاني
ماجاني الا يوم نويت انط وانا طول ١٢ سنه ماشي سيدا
ولا يقول اثرك تنحاش وانا جاي اطلعك ابيك تخاويني البر
قلت له والله اول مره
قال واضح اول مره والدليل اختبارك بدا ٨ الحين ٩
قلت له والله لو انفصل ماني داخل المدرسه نفسيتي صفر
قال اجل روح البيت واتفاهم معك شوي < قلت ماشي

المهم ما انتهت القصه للحين ١

وانا طالع الا خوياي اللي نحشوني معهم راكبين سيارتهم وانا على سيارتي
وكانوا يمشون قدامي ( انا رايح البيت والله ) ولا اشوفهم بدوا يفحطون واثناء التفحيط كان في ناس قاعدين
تحت المظله يشربون قهوه الصبح والمجلس مليان
اللي صار السياره ماقدروا يسيطرون عليها وصدموا سيارات اللي قاعدين يتقهوون
انا فجاه لقيت ناس يركضون ومعهم عقل ويمحطون السياره
واشوف وجه خويي خايف يقفل الباب وفتح الدريشه بالغلط وجاه محطه على وجهه ������
وبعدها دعس بانزين وزين ماشالهم وصدمهم
وانا وقفت طبعا لانهم سكروا الشارع

ولا يمسكوني ههههههه قالوا لي اكيد تعرفهم
قلت والله ماعرفهم هذا بيتنا يابن الحلال
قال بكره بنجيك المدرسه ونبيك تودينا لهم قلت على خير

واتصل عليهم قلت بكره لا تداومون هذولا جايين المدرسه وبيكلمون الناظر
وب يحققون معي عشان اطلعكم

المهم ززادوا همي هم ليتني م انحشت
اليوم الثاني غبت معهم ض١

تصبحون على خير

استودعتكم الله يارفاق

ماجاني نوم قلت اتطمن على احوال اسرتي ض١

الحين عاد صدق تصبحون على خير

ي جماعه المنتدى ادمان ض١

-

في كلام بقلبي ودي اقوله لكم هههههههههههه

انا شخصياً في العالم الافتراضي خصوصاً
اعتبر البنات مثل الشباب < ذا شي مرات يزعل الاعضاء

فلا احد يتحسس من المزح او اي شي < اسالوا نجمة ض١
كنت اصبح وامسي علينا في منتدانا القديم بصور كوميديه مع تعليق ( ماتجرح )
وهي بعد م تقصر تحط في مدونتها صور تمثلني وتعلق ههههههههه
حنا هنا اسرة افتراضيه ندخل نضحك وننبسط ونتوكل على الله
ممكن نتناقش في مواضيع تافهه وباب الحوار مفتوح للجميع
ووجهات النظر نتقبلها والانتقاد نتقبله

حبيت اكتب هالكلام عشان بعض التعليقات اللي تجيني احس اصحابها مشدوده اعصابهم

ريلاكس واضحكوا فقط
وان مالقيتوا شي يضحك اكتبوا نكته وبشارك الجميع فيها

الامور طيبه كلنا اسره وربع واخوان واخوات

مثلاً الاخت جودي في خيالي مسميها ( ابو جودت )
وكذا والحياة ماشيه ض١