فَـاتني أن أكُــون بيانـو .. ! - الصفحة 101 - منتديات مسك الغلا

**هـمـس** · 05-22-22, 09:49 AM

..

صبحكم الله بالخير يا الطيبين

شفت تعقيب على كلامي امس ولازم ارد عليه


	طيب رأيي ، خذوه أو ردوه بكيفكم أي شاب يحاول يتواصل أو " يشبك " بنت بدون دراية أهلها هذا " خسيس " قولا واحدا والبنت اللي تفرط باغلى ممتلكاتها وهي " الكيان " المعتلي فوق الترهات تلك فتاه ساذجه وغبيه وعاقبتها الندامه قولا واحداً ماعندي مشكله مع الحب لكن يجي يطرق البيوت من أبوابها حتى لو كان فيه حواجز وعقبات سوف يذللها الله لكم دام الحلال شعاركم أدري اني" أنفخ " بقربه مخرومه والشباب المتحضر الآن لابد تكون له تجاربه وعلاقاته أمحق تحضر وأمحق شباب نطلع قبل مانخربها

من مدونة النايفه

أطلق من يعقب والله

ولكن

تبينه يقول لاهلها " ترا شبكت بنتكم " والله لا يصلون عليه صلاة الجنازه في نفس اليوم

أساسا هل هذا الجيل يعرف معنى " الحب " ؟

مو طبيعي القصص المنتشره في كل مكان تسمعين حب حب حب

في تويتر، انستقرام، سناب شات، تيك توك، ببجي وغيرها

هل يعقل شاب صادف بنت في لعبه او في هاشتاق ثاني يوم صار يحبها؟

معليش الوضع صار مقزز

ما فيه علاقه من موقع توصل " للزواج "

واخواننا الشباب اللي يقولون " بتزوجها "

اسمح لي أستاذي الفاضل كذاب باختصار

بكره تاخذ بنت عمك ولا بنت خالتك

وفي الختام الله يهديهم ويهدينا جميعا ويثبتنا

..

**هـمـس** · 05-22-22, 06:07 PM

..


	.......... ��تنبيه مهم�� لا يجوز ابداً قول "يعطيك ألف عافيه " او "كل عام وأنت بألف خير " او ماشابهها من الدعوات الرقميـّه فنحن ليس من يحدد العطايا من الله سبحانه . فتنبهوا يرحمكم الله

وصلني هذا التنبيه في رساله خاصه من أحد الاعضاء

وطلب اني انزله في مدونتي عشان كل من مر ينتبه لهالملاحظه

الله يكتب لنا وله الأجر

..

**هـمـس** · 05-22-22, 10:39 PM

..


	انأكل نص التقييم هههه بكمل وحبي مدونتك خافي عليها ذي اليومتين فيروس ومرض دلليها ونامي فيها هههههه / يسعد مساك يارب

التقييم من الرائعه نجمه

انا اللي هاليومين أحتاج من يدللني عشان أدلل المدونه

صدقتي مفروض هالفتره ابخر مدونتي بلبان وانظفها بكل انواع المنظفات من الفيروسات والبكتيريا

عاد الحين طلعوا لنا بجدري القرود

وش نقول بس باقي ما انتهينا من كورونا

وشكر خاص لك نجمه ولكل الطيبين اللي دايم مشرفيني بالمدونة

باللايكات والتقاييم الله يسعدكم

..

**هـمـس** · 05-22-22, 10:59 PM

..

رجعنا مع اقتباس وتعقيب


	طبعا رجعنا أحسن من الأول لأنهم تقبلوني وتقبلوا اهتماماتي الجديدة من أهم اسباب ابتعاد المتزوجة عن صديقاتها انهم ما يحبوا اهتماماتها الجديدة واذا تكلمت عن زوجها او ابناءها بعفوية ودون قصد يبدأ الشك والتجريح والغمز واللمز اعتقد القصة كلها تعتمد زي ما قلت ع الحب اولا ثم التقبل اتقبل صديقتي كيف ما كانت

من مدونة الفاضله نجمه

انا عندي صديقتين متزوجات وحده منهم عندها طفلين

من تزوجت للحين تسأل دايم واتس وتتصل ونتزاور

وصديقتي الثانيه انتقلت لجده وكل ماجات الرياض اشوفها

ودايم بيننا مكالمات انا اشوفها مجرد أعذار صراحه

خصوصا لو كان ما عندها اطفال وساكنه في بيت وحدها

ايش اللي بيشغلها 24 ساعه ؟

يعني الزوج طول اليوم قاعد في البيت

ما يطلع؟ ما عنده دوام؟ ما عنده أصحاب يشوفهم؟

ما قد شفت رجال بحياتي قاطع اصحابه بعد ما تزوج

هالحركات عند بنات حواء للأسف

طبعا ما اقصدك بالكلام يا نجمه

فيه امثله كثيره شفناها في الحياه الواقعيه

ومو لازم تسأل كل يوم المتزوجه ع الأقل لو بالاسبوع مره

يعتمد على شخصية البنت بالأول والأخير

قلبت مدونتي قسم نقاش خاص فيني

..

**هـمـس** · 05-23-22, 01:36 AM

..


	همس ع ذيك الأيام أصلا ما كان عندي واتس ولا صديقاتي الفقريات ههههه كمان كان عيب تجلسي مع متزوجة بالأصل يعني كانت أعراف تحكم مش مسألة هروب وبس ثم الزواج لبيت الزوج وأهله الحمدلله هربنا مبكرا أظن أنا آخر وحدة من العايلة الي كنت بفريق المضطهدات الأن كل الي يتزوجوا شروط وحركات عجبوني والله .... نقطة كمان بقولك علاقات زي الصداقة أعتبرها علاقات مرنة يعني لا توا فيها وتقيدوها بالأتصالات والمواجيب المفترض انها علاقة يحكمها الأرواح المتآلفة والحب لأنه اصلا ماعندي أي التزام تجاه ذيك البنت الأ أني ارتاح لها أما اذا سببت لي ازعاج وماقدرت موقفي ولا اعذاري حتى لو كانت بنظرتها خاطئة وأعذار واهية هنا والله اتخطى وامشي بدون اشوف عندها

صحيح اللي تعيش في بيت عيله علئ قولتهم

كأنها في عسكريه اتفق ما تلقى وقت

طيب ارواح متآلفه ومعزه ع الأقل سؤال

ما قلنا كل يوم كيف شخص يعزني ولا يسأل عني؟

انا اشوفها مجرد اعذار والله

لان حولي كثير متزوجات وامهات ويسألون

والله بعضهم يتزاورون مع صديقاتهم أكثر من السناقل

معليش ابو الشباب ماراح يطير اشوف بعض البنات يبالغون

و

النايفه

بدينا بالهياط

ونرد على تعقيبك


	ماعلينا ، نذهب لصلب الموضوع أعتقد أن الفتاه بعد الزواج تتضاعف مسؤولياتها ويضيق وقتها عن السابق حتما يعني وقت فراغها بتقضيه مع أهلها طبيعي تتضائل فرص الصديقات خصوصا اذا كان الزوج صارم تحتاج وقت ترتب فيه حياتها حتى قبل إنجاب الأطفال الرجل لديه ذات المتسع من الوقت قبل الزواج وبعده عكس الفتاه خصوصا اذا كانت هناك دراسه أو عمل سمعت عن فتيات " يحذفن " أرقام صديقاتهن بعد الخطوبه مباشره هذه الحاله لم أجد وصف لها غرور .. خبال .. اضطراب ! المهم انها تحدث لكن أتوقع انها محدوده واللي صديقتها تحذفها عند الزواج تعطيها بلوك صارخ أمزح أمزح بكل الأحوال ادعوا لها بالصلاح والتوفيق وبدل الصديقه الف

الزوج صارم يمنعها تكلم صديقاتها؟

هذا معقد مو صارم!!!

للحين ما لقيت مبرر لشخص يمنع زوجته تتواصل مع صديقاتها ع الأقل اتصال !

وليه هو عنده متسع خصوصا لأن الرجال كلهم موظفين

وفيه بنات غير موظفات يعني أساسا بعد ما تتزوج

تكون 24 ساعه في البيت ما عندها شي يشغلها عكس الرجل

ومع هذا تلقينه يقابل اصحابه وممكن يسافر معهم بعد

الله يصلح الجميع ويوفقهم

والله انا قائمتي السوداء كل يوم تزيد

صرنا ماعاد نحب نفتح علاقات جديده ولا معارف

اكتفينا من اللي نشوفه

عندي صديقه صديقتين مكتفيه فيهم خلاص

بطلنا نصادق

..

**هـمـس** · 05-23-22, 02:23 AM

..

نجمه

زوجك له كل الاحترام

ولكن انتي قلتي الكلام يمشي عليكم اثنينكم ممتاز

ولكن

والله فيه بعض المتزوجات تطلع كل مكان لو تشوفين سنابها

لكن الصديقات لأنهم " غير متزوجات " تطلع حجه وعذر عشان تقطع معهم التواصل او تتهرب

واللي يبيع برخيص ينباع بتراب أكيد

وختام كلامي مثل ما أقول دائما

كلامي في النقاشات وجهة نظري الخاصه ولا قصدت التحريض بتاتا

وهاذي لكم يا الزوار

..

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي للجوال
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات فلة الكتابي	شات سعودي		شات تعب قلبي	شات حبي
شات الخليج	شات قلوب السعودية	شات غلا الخليج