..







ووصلنا للعشر الأواخر

مثل كل سنه نقول رمضان سريع مره وما حسينا فيه

ما بقى إلا اخر عشر أيام ولا ننسى ليلة القدر وفضلها

استغلوها زين رمضان كل سنه بينعاد لكن يا ترى هل نحن بنكون موجودين ؟؟

الله يعطينا واياكم جميعا طولة العمر ويتقبل منا في هالشهر الفضيل







..

..









كل عام وانتو بخير

ينعاد عليكم وعلى حبايبكم بالصحه والعافيه يارب

عساكم من عواده







..

..






صبحتو بالخير

طمنونا عنكم

صح اني مختفيه ما اشارك هالفتره

لكن اتابع من خلف الكواليس

لفت انتباهي الشريط الأحمر اللي فوق مع اني ما اعرف وش السالفه

بس متى البعض يفهم ان المنتدى يعتبر مساحه

مو حلبة مصارعه ولا فرد عضلات كلها كم رد تكتبه وتسجل خروج

شفنا كثير كذا بالمنتديات مدري وش يستفيدون

اتركوا الناس تتنفس وترتاح شوي العالم الواقعي مليان ضغوطات

لا تضغطون الناس زياده هنا وكل واحد ينشغل بنفسه أحسن

الرأي اللي ما يعجبك تجاهله الشخص اللي ما يعجبك سوي نفسك مو شايفه

الأجواء المشحونه طاقه سلبيه








..

..








صباح المطر والأجواء الزينه

بس الأخبار للأسف مو زينه

ما أعرف اذا الكل شاف خبر اطلاق نار شاب على أخته

عمره 18 وعمرها 42 يعني تجي كبر أمه بالراحه

قتلها بالرصاص عديم الرحمه والمرجله

كل هذا عشان اشترت سياره تقضي فيها مشاويرها هي وعيالها

كيف برز توه من يومين متخرج من الثانويه العامه يتجرئ على قتل أخته !!!

فارق العمر بينهم مخيف وبغض النظر ولو كانت أكبر منه بسنوات قليله

ما يجوز قتلها بأي شكل من الأشكال

لكن الطامه الكبرى عشان احتاجت سياره لها ولعيالها يقتلها ؟!

شكلنا لسى في الجاهليه مو وصلنا عام 1445 ؟؟؟

الله يصبر عيالها مصيبتهم مصيبه خالهم قتل أمهم

وأخته اللي بمقام أمه بعد

لا حول ولا قوة لا بالله

الذكوريين اللي مثله خطر على كل النساء

يارب يكون من نصيبه القصاص قريبًا

الله ينصر المظلومات









..