|
.. صبحكم الله بالخير يا الطيبين :نبض: شفت تعقيب على كلامي امس ولازم ارد عليه اقتباس:
أطلق من يعقب والله :نبض: ولكن تبينه يقول لاهلها " ترا شبكت بنتكم " والله لا يصلون عليه صلاة الجنازه في نفس اليوم :MonTaseR_26: أساسا هل هذا الجيل يعرف معنى " الحب " ؟ مو طبيعي القصص المنتشره في كل مكان تسمعين حب حب حب في تويتر، انستقرام، سناب شات، تيك توك، ببجي وغيرها هل يعقل شاب صادف بنت في لعبه او في هاشتاق ثاني يوم صار يحبها؟ معليش الوضع صار مقزز :13: ما فيه علاقه من موقع توصل " للزواج " واخواننا الشباب اللي يقولون " بتزوجها " اسمح لي أستاذي الفاضل كذاب باختصار :MonTaseR_128: بكره تاخذ بنت عمك ولا بنت خالتك وفي الختام الله يهديهم ويهدينا جميعا ويثبتنا .. |
.. اقتباس:
وطلب اني انزله في مدونتي عشان كل من مر ينتبه لهالملاحظه الله يكتب لنا وله الأجر :رحيق: .. |
.. اقتباس:
انا اللي هاليومين أحتاج من يدللني عشان أدلل المدونه :فطسه: صدقتي مفروض هالفتره ابخر مدونتي بلبان وانظفها بكل انواع المنظفات من الفيروسات والبكتيريا عاد الحين طلعوا لنا بجدري القرود :shutup: وش نقول بس باقي ما انتهينا من كورونا :shutup: وشكر خاص لك نجمه ولكل الطيبين اللي دايم مشرفيني بالمدونة باللايكات والتقاييم الله يسعدكم :MonTaseR_1: .. |
.. رجعنا مع اقتباس وتعقيب اقتباس:
انا عندي صديقتين متزوجات وحده منهم عندها طفلين من تزوجت للحين تسأل دايم واتس وتتصل ونتزاور وصديقتي الثانيه انتقلت لجده وكل ماجات الرياض اشوفها ودايم بيننا مكالمات انا اشوفها مجرد أعذار صراحه خصوصا لو كان ما عندها اطفال وساكنه في بيت وحدها ايش اللي بيشغلها 24 ساعه ؟ يعني الزوج طول اليوم قاعد في البيت ما يطلع؟ ما عنده دوام؟ ما عنده أصحاب يشوفهم؟ ما قد شفت رجال بحياتي قاطع اصحابه بعد ما تزوج هالحركات عند بنات حواء للأسف طبعا ما اقصدك بالكلام يا نجمه فيه امثله كثيره شفناها في الحياه الواقعيه ومو لازم تسأل كل يوم المتزوجه ع الأقل لو بالاسبوع مره يعتمد على شخصية البنت بالأول والأخير قلبت مدونتي قسم نقاش خاص فيني :x30: .. |
.. اقتباس:
كأنها في عسكريه اتفق ما تلقى وقت طيب ارواح متآلفه ومعزه ع الأقل سؤال ما قلنا كل يوم كيف شخص يعزني ولا يسأل عني؟ انا اشوفها مجرد اعذار والله لان حولي كثير متزوجات وامهات ويسألون والله بعضهم يتزاورون مع صديقاتهم أكثر من السناقل معليش ابو الشباب ماراح يطير اشوف بعض البنات يبالغون و النايفه بدينا بالهياط :فطسه: ونرد على تعقيبك اقتباس:
هذا معقد مو صارم!!! للحين ما لقيت مبرر لشخص يمنع زوجته تتواصل مع صديقاتها ع الأقل اتصال ! وليه هو عنده متسع خصوصا لأن الرجال كلهم موظفين وفيه بنات غير موظفات يعني أساسا بعد ما تتزوج تكون 24 ساعه في البيت ما عندها شي يشغلها عكس الرجل ومع هذا تلقينه يقابل اصحابه وممكن يسافر معهم بعد الله يصلح الجميع ويوفقهم والله انا قائمتي السوداء كل يوم تزيد :x59: صرنا ماعاد نحب نفتح علاقات جديده ولا معارف اكتفينا من اللي نشوفه عندي صديقه صديقتين مكتفيه فيهم خلاص بطلنا نصادق :) .. |
.. نجمه زوجك له كل الاحترام ولكن انتي قلتي الكلام يمشي عليكم اثنينكم ممتاز ولكن والله فيه بعض المتزوجات تطلع كل مكان لو تشوفين سنابها لكن الصديقات لأنهم " غير متزوجات " تطلع حجه وعذر عشان تقطع معهم التواصل او تتهرب واللي يبيع برخيص ينباع بتراب أكيد وختام كلامي مثل ما أقول دائما كلامي في النقاشات وجهة نظري الخاصه ولا قصدت التحريض بتاتا وهاذي لكم يا الزوار :رحيق: .. |
الساعة الآن 09:31 AM. | |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا