عروس ومحتارة
 

سلام عليكم
اولا انا من البحرين وفي بالي سؤال ماعرفت القى له جواب
انا متملك علي من 8 شهور وشوي وباقي على الزواج مدة بسيطة
طبعا احنا عندنا عادي كأنه زوجي ماعدا الي بالي وبالكم المهم
في هالفترة في مداعبات ولاحظت زوجي يمسكني باي مكان ولكن انا
ما اتجرا وابادله هذا الشي الا في رقبته وكذا
و اوقات افكر يمكن لازم ابادل وانا مافهم
و استحي اسال امي .. وشنو الصحيح؟؟ وهل عادي لي بعد الزواج ولا لازم
من الحين اتعود ..
بصراحة لاني خجولة من هالامور وخصوصا مبادرة مني في هالامر اخاف
يكون وقته غلط وينفهم غلط وفوقها الخجل وحنا ماقد تكلمنا باي شي يخص هالامور

وشكرا

تمت الموافقه على الموضوع بتحفظ حتى تستفيد صاحبته

مادامه كتب عليك عقد النكاح فهذا يعني بأنكِ أصبحتي زوجته شرعاً وقانوناً

في هذا الحال يحق له يأخذك معه وكذلك يدخل عليك حتى لو كان قبل موعد مناسبة العرس

ولكن للأسف الغالبيه العضمى من الناس لا يعلمون بهذا الشيء وخصوصاً أولياء الأمور ، لأنهم إعتادو أباً عن جد ربط الزواج بالمناسبه وليس بعقد النكاح

بمعنى إذا ملكت اليوم لا يحق لي أدخل عليها إلا بعد العرس حتى لو كان موعد العرس بعد أشهر أو سنوات وهذا يعتبر خطئ ليس من الدين بشيء .

اهلا بكِ اختي

الله يوفقك ويتمملك على خير يارب
ابختصرلك الاجابه على سؤالك الحساس هذا

هذي الأفعال تجره للدخول عليك قبل موعد الزواج

طيب هل يصح انه يدخل عليك قبل الزواج ؟؟


لا

والف لا

ومليووون لا

لايدخل عليك قبل الزواج

من الناحيه الشرعيه لازم يكون عند ولي امرك علم بدخوله عليك .. وبهذا افتى سماحة الشيخ ابن باز

والسبب خلينا نقول لو لا قدر الله مات (( بعيد عنه الشر ان شاء الله ))
بعد ان دخل عليك بدون علم ولي امرك واهلك والناس .. وحملتي

هنا راح تكوني في محل شك وريبه

او مثلا لو حصل خلاف على امور الزواج وتركك وما تم هذا الزواج
اش موقفك واش راح تقولي للعالم

ارجوك حكمي عقلك واحسبي حساب الأحداث .. ووقفيه عن تهوره

و من الناحيه النفسيه لا تعطيه كل شي قبل ما ينقفل عليكم باب بيتكم
خليه يبقى مشتاق للزواج ولذيك اللحظه
مو تعطيه كل شي وانتو باقي مملكين

ومن وجهة نظري اشوف ان فترة الملكه فرصه للتقارب الروحي والفكري فقط
اما التقارب الجسدي فهذا يقود لأشياء خطيره

والف مبروك مقدما وربي يتمملكم على خير

اهلا /

الله يتمم فرحك على خير يارب

انا اشوف امك أولى تكون فاهمه جميع تحركاتك

ونصيحتي لك سيري حسب المتعارف عليه عندكم ولا تتهورين بشي ..

هل تضمنينه بعد مايصير اللي يبيه ؟؟ هل تضمنين يتم الزواج بهدوء وبسلام ؟؟

طيب لو ماكتب الله نصيب بينكم .,, شلون بيكون وضعك؟؟!

عشان نفسك انتي فكري مره ومرتين ومليون وناقشي الموضوع واتركي مساحه لا متناهيه من الحوار

وطالما انتي سألتي معناه في شي بداخلك مهوب مرتاح .. صدقي احساسك ولا تسمحين يحصل شي الا بعد الفرح ..:رحيق: