أسعد الله قلوبكم بكل خير




حصرية أتمنى ترتقي قلوبكم



*


*


*




يا صباح الخير من بعد الرقاد
يا صباح اللي صحى وده ينوم


يا هجوسي لو بقى للشعر زاد
ابتدي هالحين لا تجلس تصوم


لا تظل واقف على خط الحياد
ودك تشـجــع
و
تلعب في الهجــوم ⚽️


لا متى والصمت سيد الاعتقاد ؟!
والحروف تنوح لك في كل يوم


وانت فارس معتلي ظهر الجواد
حن سيفك من دماء تلك الخصوم


ولا تقول اليوم ما بانت سعاد
نعمت الحب المصفى ما تدوم


« ما تشوف من السواد الا السواد »
لو هو ليل ليلها ابلا نجوم


البقى بالود ما اقول المزاد
ما أرخص الغالي مقابل اي سوم


دامها بعض المسائل إجتهاد
لا حكم شرعي ولا نص امختوم


كيف ابنساها وهي كانت ضماد
للجروح وكل احزان و هموم


كيف اهونها وكانت لي مراد
رغم كل اللي مقدر وامقسوم


هو صحيح الحب ثلثينه بُعاد
وثلث آخر للفرح باحلى قدوم


وانا بُعدي حاتمي يجزل وجاد
كما خذا مني سنين بدون لوم


هي كذا مرت علي سبعاً شداد
وينها السبع السمان وخير دوم



ما لقيت لصادق إحساسي بلاد
ودي احلق و اسكن في الغيوم


وأفرد اجناحي وانسى للعباد
واتنفس من هوى تلك النجوم






لـ الـولـه .