|
موضوع مُغلق |
| LinkBack | أدوات الموضوع | انواع عرض الموضوع |
11-20-21, 10:46 PM | #1 | ||||||||||||||
جمالي قاهرهم
|
زوج أختي يمنعها من السواقه
أختي متزوجه وعندها عيال زوجها رجل زين ماعليه خلاف بس المشكله انه رافض انها تتعلم سواقة السباره هي معلمة وطلعت سياره باسمها وعلمها السواقه بس مشترط انها ماتسوق مدري وش سالفته؟ أشتكت لأخواني قالوا لها هذي امور خاصة بينك وبين زوجك وربي مقهوره عليها المفترض قاموا بصفها وأمي تقلها وش ناقصك لا تخربي بيتك لجل شيء تافه زي كذا بس احس انه استبداد بالرأي حنا قلنا لها ارفعي دعوى بالمحكمه لن اصلا ماله حق يتحكم بيك بس هي متردده بين بيتها وهالموضوع برايكم وش الحل الأمثل ؟؟ | ||||||||||||||
|
11-20-21, 11:13 PM | #2 | ||||||||||||||||
|
اذا زوجها يوصلها لمشاويرها ولا يرفض خلاص ماله داعي تسوق .. لا تخرب بيتها واخوانك صادقين شي بينها وبين زوجها مالهم علاقة متى يتدخلون الاخوان ... لصارت اختهم تنضرب بلا سبب تنهان اما مسألة السواقة ماهي بذيك الاهمية واني بتحريضك لها برفع دعوا غلطانه راح تخربين لها بيتها وش بتستفيدين انتي وياها لتطلقت ؟؟ | ||||||||||||||||
|
11-21-21, 12:16 AM | #3 | |||||||||||||
|
زوجها هو ولي أمرها والمسؤول عنها لابد أن تطيعه وقد نص الشرع في ذلك | |||||||||||||
|
11-21-21, 01:28 AM | #4 | ||||||||||||
مَشَـآــآــآعِـر~شَـآــآــآعِـر
|
انا بس ابي ارد على جزأيت انها تبي ترفع قضيه للمحكمه اش راح تكون حياتهم بعد مايصير هالشي اكيد انه راح يطلقها وتتشتت العائله عشان موضوع تافه لانه الرجل عنده كرامه اذا انكسرت ماعاد تنجبر الا بالفراق والله المستعان | ||||||||||||
|
11-21-21, 01:34 AM | #5 | ||||||||||||
|
ً ً من جدك تنصحونها ترفع قضية على ابو عيالها وزوجها عشان سواقه !!! وين عايشين بس ؟ طيب افرضي رفعت قضية والزموه يتركها تسوق وهو تهور وطلقها !! مين راح ينفعها ! يعني راح تنفعونها وراح تعوضونها عن زوجها واولادها وبيتها اللي انخرب ! وحياتها اللي تدمرت ! اختي مو كذا تعالج الامور بالاساس الخطا الاول على زوجها ليش يعلمها السواقه ويخليها تطلع سياره اقصد المفروض يكون واضح من بداية الامر مو يسكت ويلبي لها طلباتها ثم يفاجأها بالرفض ! المفروض يوافق وخلاص او يرفض من اولها مو يسكت ويوم ما بقى الا ان تسوق يرفض عموماً .. كلام امك واخوانك هو عين العقل وكلامك انتي واخواتك عاطفي وخطأ اسمحي لي انا اقول لك الحقيقة وما راح اجامل في مثل ذا الامور الزوجة مالها الا زوجها واولادها وبيتها ثم ان الموضوع كله تسوق او لا يعني مافي شي غير كذا ومثل ما قالت مسك الغلا دام ما ضربها ولا سلبها حقوقها الشرعية يبقى الامر بينهم الاثنين ومالكم اي علاقة وهي غلطانه تقول لكم عن اللي بينها وبين زوجها لانه شيء عادي وما يستدعي اي تدخل ابداً لذلك نصيحتي لكم لا تخببونها على زوجها وتهدمون بيت مستقر اذا ما كان تدخلكم في صالحهم ابتعدوا عن القضية واتركوها للزوجين وهم راح يتفاهمون اختك قالت لكم يمكن من باب الفضفضة مو من باب تحرشونها على زوجها وتنصحونها ترفع عليه قضية ولو لاحظتي بانها مترددة ترفع عليه لانها ما تبغى تخسره وتهدم بيتها لذلك انتبهوا لا تكونوا سبب في تدميرها اسال الله ان يصلح ما بينهم ويهديهم ويبعد عنهم كل شر ِ | ||||||||||||
|
11-21-21, 02:24 AM | #6 | ||||||||||||
|
أهلا عزيزتي سماء هي معلمة وطلعت سياره باسمها وعلمها السواقه بس مشترط انها ماتسوق مدري وش سالفته؟ هنا مربط الفرس ! لدينا مثل يقول " أطلع تاكل الكرموص أنزل شكون قالها لك" ! زوج اختك ارتكب غلط لما عشمها بسياقة السيارة ! من البداية يرفض بسبب هذه المواقف تتحول العلاقات لحلبة المصارعة ملتقى الأبطال ! كل واحد من الزوجين متمسك برأيه لنهاية ولتكن كيف ما تكن ! الحل الآن بيد أختك أنها تقنعه أن سياقة شيء عادي جدا ولو كان خايف من نظرة المجتمع او اهله انه ترك زوجته تأخذ شهادة السياقة أو تسوق عليه ان يدرك بأن ما يعترض عليه الناس اليوم ينفذونه غدا برحابة صدر ! وماسخروا منه الآن يقومون به بعد برهة في كل الحالات الناس راس مالهم كلام فقط ! تخليه يسأل شيخ وهو سيؤكد له بأنه لا توجد آية أو حديث يحرمان سياقة المرأة لسيارة ! زوج اختك محتاج دفعه تطمنه أن ما ستقوم به زوجته يدخل نطاق الصح ! هذا من الاثار الجانبية للخوف من المجتمع ! وان لم تفلح لتسخدم عقلها وتتريت اختك ستسوق سيارتها عاجلا ام اجلا عليها أن تمتلك الحكمة وتضع العاطفة واللهفة جانبا ! وكنصيحة لك وخذيها كقاعدة لاني ايضا امشي عليها ! ابتعدي عن أي اثنين متزوجين بعد السماء عن الأرض لا للنصح برفع قضية ولا بأي شيء يمت للفرقة بصلة تقوم القيامة بينهم اليوم وغدا كانهم في جنان الخلد ! لذلك من لا يحشر نفسه بين اثنين متزوجين يضمن لنفسه السلامة وإن نصحتي أنصحي بلا تعصب لرأي أختك اتركي العاطفة جانبا ثم انصحي ! وان شاء الله يصير ما تتمناه اختك والله يريح بالها ويهنيها بسيارتها | ||||||||||||
|
موضوع مُغلق |
مواقع النشر (المفضلة) |
| |
| أصدقاء منتدى مسك الغلا | | |||||