|
أنا بالنسبة لي إذا فاجاني موقف والله معرف اتصرف اقلك بصدق أستاذ احمد بس حلو انك طرحت موضوع مفيد زي كذا عافانا الله واياكم من فواجع الأقدار بس انا قريت كل الردود وافدت منها وممكن لا قدر الله لو صار مثل هالموقف مدري بس اذكر مره دق جرس الانذار وحنا بالثانوي كان بيه حريق بالمعمل وعلى طول نزلونا الابلات من باب الطواريء ولو حصل مثلا وكنا بفندق بالدور الاعلى اتوقع هم بيتصرفوا وبالنسبة لي اول شي افكر بيه امي صراحه اني انقذها باي صورة وخواتي وعاد مدري كيف بتصرف يمكن من باب الطواريء ويمكن اجلس القرفصاء وانتظر قدري والله اعلم |
اقتباس:
موضوع مناسب مع انفاس الشتاء والبرد.. اصلا حتي التوقيع مخلي متصفحك دافيء.. شوف والا اقولك بوص.. عني انا اتمني لو شب حريق في عماره انا فيها تكون عمارة ناس بسيطه ويفضل تكون عمارة " بنغال" اضمن اقل حاجه يكون فيها مكيفات شباك حبل غسيل اطمر من دور لدور علي مكيف لمكيف واتعلق بحبالهم لين يفكنا الله هههه عموما وفي مثل هالحاله .. الانسان يحتاج الي ثواني معدودات يهدأ وياخذ نفس عشان يعرف يقدر يتصرف وهذي تحتاج الي دورات تدريبيه او انسان هاديء بطبيعته وعنده حكمة من ربه في ادارة الازمات.... فيه ناس تموت وتصيبها سكته قلبيه من شعور الخوف لوحده....الخوف ان تمكن قتل صاحبه في محله..! اما اللي رمو نفسهم من الدور ٨٠ و ٩٠ هم اصلا كانو محاصرين لحظتها والروح غاليه علي اصحابها و حلاوة الروح عند البعض هي اللي خلتهم يرمو نفسهم من هالمسافه ... اما اللي كان مقتنع منهم انه ميت ميت وان النار من فوقه وتحته... ففضل يمر بثواني سقوط ويموت ب " طعععع" وانتهي كل شيء علي ان يتعذب ويتعرض للحرق دقايق ويمكن ساعات وهو ينازع الموت وفالاخير الموت حيفوز ...! عموما اللي رجوله فالارض زيك اخوي احمد مش زي اللي رجوله علي صفيح ساخن علي بعد .٩ دور ...! الزبده ولتكن غير مملحه حرصا علي صحة معاليكم وزوارك.. يحتاج الانسان الي ثواني يهدأ فيها اولا عشان يحسن التصرف القلق والخوف لحظة الكوارث و هو شعور طبيعي يحتاج منا الي تدريب علي كيفية تهدئة نفسه و اول تدريب ضبط انفاسك ونبضات قلبك ب اخذ شهيق وزفير عميق بشكل يومي لدقائق معدوده ..ايضا اثناء الكارثه محاولة ضبط النفس قدر الامكان والمستطاع وقبل ذلك كله الايمان بالقضاء والقدر خيره وشره تمنح الانسان مساحة مش سهله من الاطمئنان قد تساهم باذن الله في حس التصرف.. وبس والله اخوك رومانس حكيم الزمان ووارث علم اليونان |
يعطيك العافيه مديرنا الفاضل على هالموضوع انا بس قريت الموضوع خفت كيف لو كان الحدث حقيقي الله يكفينا الشر يارب:MonTaseR_121: وتذكرت كمان قبل سنوات لما كنت في المدرسه كنا جالسين بالفصل في الحصه فجأه سمعنا صوت انذار الحريق من الخرعه والخوف رمينا الكتب وركض على الدرج طبعا ما أحكي لكم عن حالة الهلع والخوف اللي صارت والتدافع اللي صار بالدرج ونص البنات طاحوا بالدرج هذا وهو مو حريق حقيقي ولا شفنا نار ولا دخان :MonTaseR_69::MonTaseR_69: أعتقد لو انحطيت بالموضوع ( بعيد الشر ) من الخرعه عقلي بيوقف بس أعتقد بسوي مثل اللي قالوا أبلل البطانية والف بها نفسي الشي الجيد الدفاع المدني جنب البيت :الجوهره: يعني الإنقاذ قريب جدا الله يحفظنا واياكم جميعا والله الموضوع يفجع :eiwp: .. |
اقتباس:
الفاضل / احمد بخصوص نقاشك احسه بيفيدنا في المستقبل الله لايورينا ولكن كل شيء في عالمنا واقع المهم ماعلينا نجي للاهم اول ما اسمع صافرة الانذار بحط يدي ع قلبي واقول بسم الله اول تصرف اسويه دائماً لازم اهدي من نبضه لا اموت اتوقع لو ماراسويها اموت بسكته قليه تعرفون (( النشه )) اهل جيزان يعرفونها المهم هي حيوانه صغيره من جماعة النمل لونها اسود وتحيفه تجري بهذه الطريقه :AbC01916: تحسها مربوشه غير انها خفيفه لو تنفخ فيها طارت من عرفتهم لليوم وهم يجرون بشكل عشوائي يحبون الشيره عاد الشيره هي السكر الذائب في الماء المهم انا شرحت لجل اوصلكم لحالتي اللي بتشبها والسبب الصافره خلصنا من الصافره ندخل في الواقعه حريق مايلعب النار تاكل الاخضر واليابس ماتقدر تتفاهم معها لا ماء ولا تراب ولا شيء هذه تسلب الهواء انا وحده ولله الحمد متصالحه مع الحياه بكل سيئاتها واحب الحياه لو هي تكرهني يعني ما افكر بالموت كخطوه تبدر مني قسم بالله ودي اعمر واعيين للحياه الجديده الله يطول بعمري تجي النار هذه تاكلني ارميني من الشباك واغدي فتات لا بتعلق في الشباك اكيد عاد ان شاء الله هذا الدور من برا فيه اعمدة هذيك اللي في العماير يتسرب فيها الماء وهاكا ويكون التكييف شباك مو سبلت واذا سبلت معلقينها في الجدران مو مجمعينها في السطح لجل اجلس عليهم واقراء اية الكرسي ودعاء المطر حتى تنتهي هذه النار ويجون الدفاع المدني وربما طالما النار داخل نطلع برا وربما هذا الدور العاشر باقي فوقه ادور الناس بديهي تكون نازله لتحت تبي مخرج انا بطلع فوق وادعي ربي اللهم اسقنا غيثاً مغيثاً مريئاً نافعاً غير ضار ،عاجلاً غير آجل لعل الله يستجيب لي وتنطفىء النار :MonTaseR_187: وابكي طبيعي ابكي تخيلوا ما ابكي في هذا الموقف عاد اذا مابكيت فانا عقلي قد انشل واصبحت من المجانين وقتها عفى الله عني وما انسى المواقف مانستعد لها ولكن تجبرنا حينها لاي شيء فهذا ردي وانا غير معرضه للموقف تخيل لو صار ايش بسوي يمكن لمن اكون في نفس الموقف يختلف وضعي الله يجنبني المواقف هذه ولايحرقني وانا ع الارض تقبل ردي وعبق وردي مع هالص احترامي لسموك آسيرة حرف |
، سعدت حقا بقراءة ردود الأعضاء وبما ان الموضوع للفائده خلوني اعطيكم اقتراح زوجي بما انه مدير بيئة وامن وسلامه يقول معاليه: اول شيء تسوونه روحوا لاقرب مخرج طوارئ اذا كان آمن! واذا كان غير ممهد روحوا للسطح وانتظروا الدفاع المدني! بالنسبة لفكرة البطانيه المبلله كويسه في وقت كان الحريق بسيط عشان تخرج سريع سريع *وان كانت الافكار بديهية للبعض الا انها الفعل الصائب >>فكرتي الدوش طلعت فاشله هههه يقول الماء بيسخن فيسلخ الجلد ، وسلامتكم |
، كذلك اضاف معاليه: اذا كان مرّه ماتقدر تطلع من غرفتك/ فكرة فتح النوافذ غلط اذا كان الحريق قريب لان الاكسجين المندفع من الشباك سيؤدي الى انفجار الغرفه:MonTaseR_159: تغطية تحت الباب بقماش مبلل عشان لايوصل الدخان :SnipeR96: |
| الساعة الآن 06:56 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا