|
مشكلتي هنا السلام عليكم ورحمة الله وبركاته هنا بعرض مشكلتي واتمنى محد يجرح او يعلق تعليق سيئ انا بنت ابلغ من العمر 28 سنة ودايما افكر بنفسي ومستقبلي الحمدلله ع قدر من الجمال ومصليه واخاف ربي كنت ابحث عن وظيفه وكنت شاغله بالي اني احصل وظيفه قدمت ف عدة اماكن .. وفي يوم من الايام جاني اتصال رديت قالو انتي فلانه قلت ايه ومقدمة ع وظيفة كذا وكذا قلت اي المهم قالي ارسلي هويتك واوراقك ع الواتساب رسلت هويتي واوراقي لما شاف هويتي اعجب فيني حاول يتواصل معي وانا اصده وكلامي معه كان بخصوص الوظيفة وهو يحاول يتقرب وانا طبعي حاد وانسانه اخاف ربي كنت اعصب واتهاوش بس بنفس الوقت كنت محتاجه له المهم بعدها من بعد الاخذ والعطي قلبي بدا يلين طبعا هو مالك للمستشفى اللي قدمت فيه ومعاه شركات وخير وربي اعطاه من النعم وابوه مسؤول كبير ف الدوله انا كنت اشوف هالاشياء عائق بيني وبينه المهم حبيت بعدما قالي انا ابيك بالحلال كان كل يومه مشغول طوول الوقت وهو مشغول حتى مانحصل وقت نكلم بعض ، احيانا يخليني معاه ع الجوال بس فعلا كان مو فاضي من الصباح ل الليل قلتله هذا الوضع بيستمر بعد الزواج ووعدني ان يرتب كل شي وان هو الحين يتعب عشان يرتاح بعدين المهم تواصلت معاه بنية نتزوج بس دايما اخاف ربي يغضب علي اني متواصله معاه ودايما اقوله هالكلام وهو يحلفلي انه بيجي بيتنا ويخطبني من اهلي طبعا حاليا لنا 4 شهور من تواصلنا المهم بديت احبه اكثر من حبه لي كان يعصب من ابسط شي ، لدرجة بدا يغلط عليي وبدا يحط بلوك يكذبني بمشاعري وبكل مرة مع الرغم احيانا توصل للاهانه انا اللي اعتذر كنت اعذره واقول مضغوط ومايحس بكلامه لان بطول يومه مشغول واحيانا يمرض من كثر الشغل وهالشي من لما عرفته وهو مشغول بدا يعصب مني يبي ارسله كل الوقت يبي اخبره كل التفاصيل احسه بدا يدور ع اي شي عشان يعصب بدا يقول انا مو مهتمه وهو يتعب بالمقابل انا م اهتم طبعا انا ابي احد يرسلي يشتاق لي ابيه يرسلي هو بالاول ابي يتصل فيني بس هو يبي هالاشياء مني فقط بحجة انه مشغول اخرر شي كنت اكلمه وعصب مني ع شي تافه جدا جدا قلت انت كل الوقت معصب وانا صابره ومتحمله قالي تمام لا تصبري قلت تمام قال الله يحفظك ومن بعدها مارسلت ولا رسل مر يوم ورسلتله وكنت اعاتبه ما رد ، قلت تتطنشني ليش قالي يا بنت الناس احنا مايصير نتواصل بيتكم واعرفه ولما اقرر اخطبك بجي بيتكم الحين انا تركته وابتعدت عنه بس قلبي متعلق فيه احاول اكثر صلاتي واخشع فيها واحاول اقرا قران واستغفر عشان انساه ،، بس انا م اعرف هل هو يبي يخطبني وصادق بهالشي ؟؟؟ وكيف اعرف اذا هو صادق ؟؟؟ بنفس الوقت ما ابغا اذل نفسي واساله وبنفس الوقت م ابغا اعيش بوهم يجي يخطبني ومايجي لحد يقولي انسيه ولا تفكري لان الكلام سهل وانا ابيه ع سنة الله ورسوله |
هذا الرجل يحتاج علاقه مؤقته يتسلى معها ووجدها فيك على طبق من ذهب بعد أن زودتيه بمعلوماتك الخاصه فلو كانت نيته صافيه لكان وضفك أو تقدم لك من أول إسبوع أو أول شهر ولكن نصيحتي لك أبتعدي عنه لأنك الآن تلعبي معه بالنار وقد يبتزك بالمعلومات التي لديه في أي لحظه إذا حسك تنوين عدم تركه في حاله . |
للان انصدم انه رغم غزارة القصص التي تُروى والأحداث التي نراها بسبب تلك القصص المشبوهه إلا أن هناك يقع فيها وكأنها سيحدث معه العكس اتفق مع كلام احمد لو كانت نيته الزواج لطرق الباب أما ماكان قبلها فهي مجرد تسليه وبما ان لديك ضمير صحو جل من لايخطئ استغفري ربك واغلقي الباب حتى ولو عااد لاتتواصلي معه إلا بعد ان تتم الملكه وتكوني حلاله فالحمدلله انتهى الموضوع دون فضائح اسأل الله ان يرزقك بالزوج الصالح ويستر عليك . |
وعليكم السلام ورحمة الله وبركاته هلا فيك أختي.. بداية قبل يدق جوالك بلغيه يجي يدق الباب.. نظام التعارف ذا مردغ البشر ولاعبن بعواطفها... دام البداية كذا النهاية واضحة الإنسان الذي يتبع عواطفة يفقد قيمته.. كان يتسلى مرحلة إعجاب بمظهرك صدقيني لو سحبتي عليه من البداية كان وصل لبيتكم... دامك ع قدر من الدين تمسكي بكرامتك.. والحمد لله وصلت هالعلاقة لـ المنحنى تجاوزي الموضوع وصاحبة https://youtu.be/gYvtT8ByRjc إستماع ممتع:MonTaseR_98: |
الخلاصة الشخص ده بيسلي وقته بالعقل كده هو ماشاء الله ظروفه الحمد لله مش تمنعه من الزواج وهو لو غرضه الحلال من الاول كان جه خبط علي باب بيتكم وطلبك بالحلال لانه يخاف عليك انما هو استسهل وغرضه تسليه لا اكثر |
للأسف انتي كنتي خفيفه معاه وواضح انك مش من نوعه لذلك حب انه يتخلص منك باي طريقة وانتي انجرفتي خلفه بحجة انك محتاجه له حتى يوظفك ويتزوجك والا كيف يطلب منك هويتك ومعلوماتك الشخصية وهو ماعرف سيرتك؟ واضح انه يلعب بمشاعرك واعتبريه صفحة قديمة واطويها ربي يعوضك بخير منه |
| الساعة الآن 09:35 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا