فصل الخريف متعب
لكل من يعاني من الحساسية مع تقلبات الجو أقول
ان شاءالله تمر هذي الفترة على خير والله يعيننا

الحمدلله على كل حال

الحمدلله على التخطي
الحمدلله على التجاوز
الحمدلله على صفاء ونقاء القلب
الحمدلله على السلام.. الأمان.. الاطمئنان بالله وحده

مساء الأمل بالله والثقة فيما عنده

حينما يصرف الله عنك أشخاص ويكشف لك حقيقتهم اعلم انك في أمان الله وأن الله سيختار لك أفضل منهم
لأنك تستحق الأفضل

اشتقت لقراءة مدوناتكم الحلوة
عذرا مرت علي فترة كنت متعبة جدا و لم اتمكن من قراءة مدوناتكم ومشاركتكم
الحمدلله ان شاءالله أكون أحسن في الأيام الجاية وأشارك معكم مثل قبل وأحسن
أشكر كل من سأل عني وقيمني واعطاني لايكات

سامحوني لو قصرت
اللي مريت به من تعب أرهقني حييييل
وأخذ من طاقتي

الحمدلله على ان الدنيا لسه بخير بوجود ناس لطيفة
تجعل الحياة حلوة


شكرا لكم

ولكم باك

رجعت لكم

قريت كذا مدونة آخرها مدونة رايق

بصراحة اسم على مسمى

رايق أقولك بصراحة أحسنت اختيار الاسم المستعار هنا

لأني أدخل مدونتك وأحسك من كثر الروقان تشبه هذا الفيس



الله يسعدك على كثر ما أشوفك دايما رايق

وتروق اللي حولك لما يقروا سواليفك وتدويناتك

لي فترة مارحت محل كوفي شوب اتقهوى فيه
تعودت أتقهوى في البيت تركية فرنسية نسكافيه
بس الباريستا يسوون القهوة بمزاج عالي جداااا

تطلع من عندهم مبسوط حتى عيالي يقولون لي ماما نبي ايس كوفي
لهم فترة يحنون علي
لين حصل ورحنا مول في يوم من الأيام بالليل
كذا طرا علي ابي اروح مول
أبي أروق
عندي أشغال وابي انجزها
وهذي الأيام ماعرف انجز الا لين أروق
ف قلت
هيا بنا إلى المول

وأروح أشوف انواع محلات الكوفي
والناس قاعدين يتقهوون ويسولفون
وباين عليهم رايقين
وأنا وعيالي الحلوين قاعدين نتفرج على الناس والمحلات
تعشينا وشربنا العصير
ثم نزلنا نبي نلحق على محل كوفي قبل لايسكر
واخترت معهم محل سبق جربناه
واشتريت سبانش لاتيه ساخن
وعيالي يبون ايس كوفي
ويقترح علي الباريستا انهم أطفال وعلشان مدارس
الأفضل ياخذون سموذي كوفي توفي
وتم وصار
وكانت ليلة جميلة وكانوا العيال مبسوطين والحمدلله
وانا بصراحة استمتعت بمشروب سبانش لاتيه مع سينابون بالنوتيلا مع العيال
وحسيت بالفرق بينه وبين مشروبات البيت
أعرف ناس كثير يوميا يصورون انهم يشربون قهوة من المحلات المعروفة ومع الرسمه بالسناب لأنه يصنع يومهم

انا ماوصلت لها المرحلة لأن موب يوميا أطلع
يعني بين فترة وفترة
الغالب أسوي قهوتي ف بيتي
وأكتفي والحمدلله
بس بصراحة
مدري شيحسون فيه رواد القهوة بشكل يومي
وبعضهم بلغ فيهم الادمان يشربونها ٣ مرات
ومن محل لمحل
طيب اوفر كذا... مسختوووها
ماصار مزاج ذا
طفحوا قهوة
كذا أصلن يسببون لنفسهم نقص العناصر المعدنية اللي يحتاجها الجسم
معروف أن
الشئ ان زاد عن حده انقلب ضده

وبس
وسلامتكم