(يمـــــــــــــــــــــــه ) قصيدة لوالدتي حفظها الله يمه عطيني كل شي(ن) يألمك وحطي مواجع روحك اليوم فيني يمه عسى ربي بلطفه يسلمك وقلبي بكى ياغاليه قبل عيني يمه انا لجروحك اليوم مرهمك ياغاليه تفداك باقي سنيني ياروح قلبي ودي اشوف مبسمك وارتاح من ضيم التعب والحنيني وانا لك الله طول هالعمر ابخدمك ولو مت قبلك بالدعاء لا تتركيني ادعي لك الله دايم الدوم يرحمك وغير الدعاء ياحب وش في يديني |
صح لسانك وقلبك وعسى عمرها طويل |
الله علي شعورك وربي بكيت الله يخليها لكم ويطول بعمرها صح لسانك |
أولاً حفظ الله والدتكم أخي العزيز أعد النجوم وأسأل الله أن يجمع لها ما بين الأجر والعافية وأن يرزقكم برها ويكسبكم رضاها صح لسانك أبيات تدل على طيب المعدن ونقاء الجوهر وإبداع الحرف مع التقييم والتقدير ودي |
ً ً اولاً صح لسانك شاعرنا الكبير ولا عطر بعد عروس فلا ينفع التعليق على مذهبتك الرائعة فهي غنية عن كل تعليق ثانياً تصدق ما قدرت اكتب اي شيء عن ابوي يوم مات والان احاول اكتب عن امي لكن وربك ما قدرت مدري وش فيني :24: عموماً حفظ الله والدتك وامي وجميع الامهات ورزقنا برهن وخدمتهن واسعادهن يارب تقديري صديقي :73344: ِِ |
ياعسى ربي يحفظ لك ميمتك وتبرّها طول العمر والسنين صح لسانك واعتلى شانك وتمم الله لوالدتك الشفاء والعافيه |
صح لسانك واعتلا شانك اذا لم نكتب للأم فلمن نكتب ولتنمحي الاحرف وتختفي شفاها الله وحفظها ورعاها |
اقتباس:
الله يسلمك شكرا لك |
اقتباس:
دموعك غاليه علي اكيد صح بدنك والله يسمع منك يارب |
اقتباس:
صح بدنك كلماتك على العين والراس بارك الله فيك ولا اراك مكروه |
اقتباس:
اهلا بشاعرنا العذب متأمل اللهم امين الله يسمع منك واكيد انت قدها وقدود وراح تطلع باذن الله بنص راقي لوالدتك بس انت اصمل وربي بيكون معك ويساعدك اسأل الله العظيم ان يطل في عمر والدتك وان يرزقك برها شاكر مرورك اخي العزيز وتواجدك اسعدني كثير |
اقتباس:
صح بدنك الله يسلمك شكرا لتواجدك ومرورك الذي اسعدني جدا |
اقتباس:
اللهم امين الله يسمع منك شكرا لتواجدك الذي اسعدني |
اقتباس:
وربك ما قدرت اكتب يمكن لاني اشوفها اكبر من كل المعاني عشان كذا ما لقيت شي اكتبه عنها الف شكر حبيبي اعد النجوم وتبقى الملهم لي دائمًا تقديري ِ |
اقتباس:
ايه بالله انك صادق مهما قلنا في امهاتنا مانوفيهم حقهم بس تدري لما ارسلت لامي الابيات هذي وهي في المستشفى ردت علي وقالت (الله يعطيك العافيه ي الحب والله انك غالي عليه ) ثم سألتها وقلت اعجبتك؟؟ قالت (اي والله انها جميله وتهول) متأمل شفت بكم بيت قلته لها فرحت فرح شديد واستانست يعني حلو انوه بما اننا شعراء انوه ماننسى احبابنا خاصتن الوالده راح نفرحهم كثير بأبيات بسيطه |
اقتباس:
والمعبرة والصادقة لها تأثير وبقوة ولكن يمكن لاني ضعيف في التعبير بالشعر عشان كذا اقول ما اقدر مو مثلك ما شاء الله عليك نهر جار من الجمال والعذوبة لذلك لا مقارنة بيني وبينك ِ |
لا ولو فيك الخير والبركه اخونا وشاعرنا متأمل مانجي الا من بعدك طال عمرك اسعدك الله |
صح لسانك أخي ابيات جميلة بحق الوالدة من يقرأها لن يتمالك نفسه من البكاء ربي يتمم شفائها ويطول لك بعمرها ويحفظك وكل احبابك يختم ل3ايام مع التقييم |
حفظها الله وكتبت لك جزيل الاجر والثواب على برك بها، نعم الأم ونعم الابن انت . صح السانك ملايين ولا يسدون طبت وطاب طرحك غالينا ومراقبنا العام أعد النجوم |
اقتباس:
شكرا لعذب المرور والتقييم والختم اسعدك الله اينما كنتي |
اقتباس:
ونعم فيك وفي اصلك شاعرنا القارظ بارك الله فيك وفي مرورك العذب الذي يسعدني دايمن شكرا لك وصح الله بدنك ورضي عنك |
الساعة الآن 07:08 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا