منتديات مسك الغلا
 


Like Tree674Likes
إضافة رد
 
LinkBack أدوات الموضوع انواع عرض الموضوع
قديم 04-13-22, 05:11 AM   #1
سحاب

الصورة الرمزية سحاب

آخر زيارة »  12-13-23 (05:12 PM)

 الأوسمة و جوائز

افتراضي نافذة إليّ



السلام عليكم ورحمة الله وبركاته

أختكم الفقيرة إلى الله،، جتكم نازحة من منتدى غرام من بعد ما انقفل علينا أكثر من مرة واحنا مصرين الا نسجل فيه ثانية وثالثة << أبد ما في كرامة

كان ودي أجيكم في حال أحسن من كذا لكن كتب ربي إني ما أجيكم إلا منتوفة لا والأسوأ من كذا ان الي ناتفني أختي الصغيرة أبو سبع سنين،، والله ياهي نتفتني نتفة بنت كلب ما خلت فيني ريشة صاحية -_-

هذا سلمكم الله كنا في السوق،، وقالت تبغى ايسكريم رحت أجيب لها،، أنا جبت لها أبو كاس وهي قالت انها قالت لي انها تبي أبو بسكويت بس أنا ما سمعتها!!
قلت لها خلاص أنا قد قطعت فاتورة وأخذته أكليه ومرة ثانية أجيب لك أبو بسكويت

أخذته على مضض،، ويوم شافت عيال أختي معاهم أبو بسكويت ولعت وفكت حلقها ولا عاد سكرته🤦🏻‍♀️🤦🏻‍♀️


قالت:" دايما تهاوشيني اذا ناديتيني واتسيمخت والحين تسوين كذا،، قلك تعلميني وتربيني وانتِ عادك ما تربيتي"
أنا طبعا مبهوتة ومصعوقة ولا قادرة أرد😂💔

أخوي ماسك ضحكته غصب ويقولها عيب وش هالكلام أختك لازم تحترميها
قالت وهي معصبة والله ما أحترمها لين تصير عجوز🤦🏻‍♀️😂💔
مدري قصدها حجمي صغير وما يأهل انها تحترمني والا ايش سالفتها بالضبط بس أنا خلاص غاسلة يدي من الجيل الجديد وألسنتهم😭💔


 


رد مع اقتباس
قديم 04-13-22, 07:43 PM   #2
سحاب

الصورة الرمزية سحاب

آخر زيارة »  12-13-23 (05:12 PM)

 الأوسمة و جوائز

افتراضي



سؤال يا جماعة عشان أنا جديدة على المنتدى،، هو طبيعي في هالمنتدى إن أسماء الأعضاء الي أعطوك تقييم ما تظهر؟

شفت تقييمات وبعسست بعيوني أدور أسماء بس ماش انفقعت عيني ع الفاضي ما عرفت غير لقاليقو وهيام بس عشان كتبوا أسماءهم في التقييم!

+
الاقتباس من وين نجيبه؟ والله شكله يبي لي وقت على ما أتعلم عليه وأنا إنسانة كسولة������

المهم
اهلا شموخ نورتينا بطلتك البهيه،، انتي يلي كان لونك وردي ولا ذاكرتي غلطانه��
أهلين أهلين يا عزيزتي الي ما عرفت اسمك♥️ ،،
لا ذاكرتك صحيحة والله هذيك الأيام تنتفت تنتيف،، أحيييه ذكرتيني بذكريات مؤلمة ������


 
التعديل الأخير تم بواسطة سحاب ; 04-13-22 الساعة 07:45 PM سبب آخر: خلاص لقيت الاقتباس��

رد مع اقتباس
قديم 04-16-22, 04:30 AM   #3
سحاب

الصورة الرمزية سحاب

آخر زيارة »  12-13-23 (05:12 PM)

 الأوسمة و جوائز

افتراضي



يأثر فيني خبر الوفاة جددًا وخاصة إذا كان أحد أعرفه أو عرفته من قبل ..

وصلنا قبل يومين خبر وفاة (محمد) ولد صديق أبوي،، وأمه صديقة أمي ،، توفى بحادث وأوجعنا الخبر جددا

الكل متأثر أمي، أبوي، أنا، وإخواني .. البيت هادي وكأن العزا عندنا .. كل واحد منعزل في زاوية ومحد له خلق شي..

أقول في نفسي إذا كان هذا حالنا،، فكيف حال أمه وأبوه!! الله يصبرهم ويربط على قلوبهم ..

قال أخوي صرت أكره أفتح الفيس بوك،، كل ما جيت بانسى يذكروني فيه،، استغربت شلون رغم إن توه ٢٢ وقدر بهالشكل يملك قلوب الناس ويكسبهم!!
الكل منزل تعزية فيه من أصحابه لزملاءه في الجامعة لأصحاب أبوه للدكاترة الي درسوه،، حتى الي عرفوه من بعيد بس!!

تذكرت حديث الرسول"أقربكم مني مجلسًا يوم القيامة أحاسنكم أخلاقًا" ،، وفعلا كان محمد مثال وقدوة في الأدب والهدوء والاحترام وغاية في اللطف مع الكبير والصغير

الموت صعب على الأهل أكثر من المتوفي،، بالنهاية هو راح للرحمن الرحيم وفي أيام مباركة ونال حسن الخاتمة

لكن وش حال أبوه وهو أكبر عياله!! أبوي كل وقته يدعي له بالصبر وإن الله يجبر مصابه...

أمنيتي دائمًا وأبدًا إني أكون أول الراحلين من أهلي،، إذا وفاة الغريب الي عرفته بس في طفولتي أثرت فيني هالقد شلون أهلي؟! وأنا وفاة جدي وجدتي الله يرحمهم ما تجاوزتها بسرعة أبد وللحين إذا ذكرتهم يمرني نفس الحزن...

أخيرا .. أعتذر جددا من التقييمات الي ما رديت عليها،، هذا أنا ياخذني الحزن لزاوية وأنعزل عن الكل،، حتى الواتس وبقية البرامج أفتحها وأقفل بدون لا أرد ولا حتى أفتح الرسايل ..


 

رد مع اقتباس
قديم 04-18-22, 09:07 PM   #4
سحاب

الصورة الرمزية سحاب

آخر زيارة »  12-13-23 (05:12 PM)

 الأوسمة و جوائز

افتراضي



تصدقون إني أمس دخلت المنتدى وكتبت شي وانشغلت في نص السالفة وماعاد لقيت وقت أكملها ونسيت،، ويوم دخلت اليوم تذكرت ،، تصدقون والا نا تصدقون؟

بابكي أنا بابكي خلاص،، الوقت يمضي بسرعة مخيفة أحس اني مش لاحقة على أي شي وجدولي الي كنت حاطته في أول الشهر اختبص وتخربط 😭

المهم سالفة أمس ما بخليها في خاطري باكملها اليوم بأثر رجعي😁

يستفزني جدًا تهميش الأطفال والتاس الي تحسهم شي ثقيل على النفس!! وخاصة في موضوع صلاة الأطفال في المسجد.

أنا من بداية رمضان وأنا صابرة على بعض الحريم في المسجد ال ييطردون الأطفال أو يفرضوا عليهم انهم يروحوا آخر صف حتى لو كانوا جايين بدري وأقول شهر خير يا بنت لا تجرحي صيامك ولا تتجادلي معاهم،،

لين اليوم صار موقف خلاني أتفجر عليهم،، طبعًا بما إنهم فارضين على الأطفال انهم يصلون آخر صف صرت أروح مع أختي في الأخير لسببين : الأول إني أبيها تتعلم الصلاة بالطريقة الصحيحة وأنا أدري انها اذا صلت لحالها جنب بقية الأطفال بتخبص معاهم،، والثاني انه هي نفسها ما تحب تصلي وحدها جنب الأطفال لازم أنا أو أمي جنبها،،

وفي أثناء ما احنا نصلي جت واحدة متأخرة ولأنها ما تبي تصلي جنب الأطفال راحت جاية وتجر أختي من مكانها جنبي وتوقف تصلي معاها!! خير خير!!

ولعت وأنا أصلي قسم بالله اقهرتني،، مو عشانها أختي بس،، لا عشان التصرف نفسه مستفز،، اذا انتِ جاية آخر الخلق تراه مو ذنب الصغيرة!!

خلصنا التراويح والوتر وانفجرت فيهم،، يعني ما انفجرت حرفيا حاولت أضبط أعصابي شوي،، قلت لهم احنا ما جينا نتجادل ولا نبي نجرح صيامنا بس يعني وش مشكلتكم مع صلاة الأطفال!!

قالوا السنة ان الأطفال في الأخير ومن هالكلام،، طيب اذا كان الترتيب هذا سنة فتعليم الأطفال الصلاة فرض والفرض مقدم على السنة،، ثم إن الطفل ما يتعلم لحاله ولا يتعلم من طفل زيه لازم جنبه أحد كبير يعلمه،،

قالوا ازعاج وفوضوية قلت لهم انتوا سببتوعا لان طفل وجنبه طفل طبيعي بيصير ازعاج بس لو كل طفلة جنب أمها تعلمها الصلاة وتضبطها اذا سوت ازعاج ما كان حصل هالفوضوية،،

كرهوا الأطفال في المساجد وفي الصلاة،، وآخرتنا نتحلطم من جيل احنا كنا سبب في تكوينه،، ويطلع معانا إما طفل كاره للصلاة وكاره للمسجد،، أو طفل ما يعرف أحكام الصلاة لانك تركته يصلي لوحده في آخر صف،، أو طفل مستهتر بالصلاة لأنك كنت تحسسه إن صلاته مو مهمة!!

وما ادري ليه الناس صارت تعتبر الأطفال عبئ مو بس عيال الناس حتى عيالهم نفسهم،، يا أختي إنتِ بدال ما تطردي الطفلة من المسجد علميها الصلاة الصحيحة حببيها في الصلاة وبدال صلاوة التراويح الي ما ركزتي فيها اليوم او يمكن فاتت عليك حتى بيصير أجر هالطفلة كل ما صلت من يوم علمتيها لغاية ما تموت في ميزان حسناتك وبدال هالصلاة الي فاتت عليك كسبتي أضعاف أضعافها..

مدري لين متى واحنا فاهمين ديننا بشكل أعوج ومدري لين متى بننشئ أجيال بشكل خاطئ ونرجع نتحسر ونقول ايش ذا الجيل!!


 

رد مع اقتباس
قديم 04-19-22, 02:45 PM   #5
سحاب

الصورة الرمزية سحاب

آخر زيارة »  12-13-23 (05:12 PM)

 الأوسمة و جوائز

افتراضي



باقولكم سر يا بنات بما إني توني خلصت أسوي الحلا😁
أول شي كوني ذكية واختاري الأشياء الي بيمدحونك عشانها يعني حلا أو أي شي ينأكل وخلي المواعين لأختك😁😂

ثاني شي إذا أخذتي طريقة حلا لا تسوينها نفسها في كل مرة،، غيري فيها ولو شي بسيط مثلا بدلي نكهة الشكولولاتة ،،او ضيفي لوتس أو أي شي من هذا القبيل بعيدا عن الإضافات المريخية

واعتمادا على إن الرجال عندهم حاسة تذوق قوية ما شاء الله>> استنتجت النظرية من اخواني بس مدري اذا كل الرجال كذا والا لا بس اخواني ما شاء الله فعلا حاسة تذوقهم قوية أنا عن نفسي إذا سويت شي وبتأكد من كمية الملح فيه أخلي أخوي يذوقه ما أذوقه أنا🙂💔

المهم راح يركزون أكيد على النكهة الجديدة في الحلا ويحسبونه حلا جديد واسمتعتي عزيزتي بالمدح😁♥️👌


 

رد مع اقتباس
قديم 04-20-22, 01:21 AM   #6
سحاب

الصورة الرمزية سحاب

آخر زيارة »  12-13-23 (05:12 PM)

 الأوسمة و جوائز

افتراضي



احييك ياشيخة 😌 ياختي حسيتك تصرخي باذني وانا اقرا الموقف😆😆 طبعا انا لقلق🚶
ههههههههه يستاهلون والله الي يصارخ عليهم،، يعني الله سبحانه قال" وأمر أهلك بالصلاة واصطبر عليها" قال(اصطبر) وما قال اصبر لأن أمر الصلاة مو هين وتعويد الطفل عليها وتحبيبه فيها مو شي سهل،، وبعض الناس كذا ما تجي الا بالصراخ شسوي لهم أنا!! ههههههههه

+
أشكر لك يا لقلوقتي كثيرا ذكر اسمك لأن الظاهر أنا ما بوصل لعدد المشاركات المطلوبة الا بعد عمر طويل😂💔


 
جواناا likes this.


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 12:12 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا