| |||||||
19Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| إضافة رد |
| | LinkBack | أدوات الموضوع | انواع عرض الموضوع |
05-06-22, 05:56 PM
| #1 | |||||||||||
 
| 
الأمان الوظيفي والعمل الحر ..! اسعد الله أوقاتكم بكل سعادة وفرح ، كل عام وأنتم بخير ، دامت ايامكم أعياد .. من فترة لاحظت كثرة الحديث عن الاستقالة من الوظيفة والبدء بمشروع ، سواء في مواقع التواصل او اللقاءات التلفزيونية ؛ فيخرج احدهم ويتحدث عن انه استقال من وظيفة ذات راتب مغري لأجل التجارة وانه نجح في ذلك وعند العودة لتاريخ هذا الشخص كان بدايته التي يقول انها من الصفر بمبلغ ليس بالبسيط لانه من عائلة ثرية ، وآخر يخبر انه استقال لان الوظيفة تقيده وليس كــ العمل الحر ، ولم يكن اقل حالاُ عن المتحدث السابق ، وهناك من يقول لا تحتاج الى راس مال وانما الشعف والتخطيط !! كثرت الاحاديث والاقاويل في هذه الفترة عن هذه الفكرة .. ومن هنا .. عزيزي القارئ .. هل تتفق مع مثل هذه الأفكار والتوجهات .. ( طبعاُ هنا ليس الحديث عن التجارة الالكترونية ) فقد تكون اقل ضرراً ولكن من خلال الحوارات والاحاديث السابقة كانت عن إدارة شركات ومؤسسات والنجاح الباهر بعد الاستقالة تقديري ! | |||||||||||
 |
|
05-07-22, 04:31 AM
| #2 | |||||||||||||||
   
|
وأسعد الله أوقاتك و أوقات الجميع وكل سنه وانت وجميع الاخوات والاخوه بخير موضوعك حلو وجا بوقته وفعلا لاحظت في توجه كبير في تويتر لها النوع من المواضيع صراحة انا اتفق وأختلف فكرة فتح مشروع حلوه واشوف صراحة في الفتره الحاليه محتاجه احد يفكر برا الصندوق ويكون مختلف ومميز عن البقيه لأن التنافس في المجالات سواء سوق مثلا الاكل او الحلويات او القهوه او كماليات او اكسسوارات او العطور اصبح قوي وصعب مو مثل زمان* قبل 15 سنه او حتي 10 سنوات وفي مجالات اشوف حاليا الافضل الواحد يبعد عنها لوفرتها بزياده مثل الكوفيهات والحلويات احس خلاص صار بزياده كل كوفي وكوفي كوفي بالنص حسيت اننا مجتمع نفطر امريكانو ونتغدا اسبريسو ونتعشا فرابتشينو . . واللى يدخل العمل الحر والمشاريع من باب انه ما راح يكون مقيد مثل الوظيفه مقيد بأوقات حظور وأنصراف وطول السنه يشتغل ماعدا اجازات عذر اقبح من ذنب يا يضحك علي نفسه او يضحك علي الناس ويورطهم حتي يتركو وظايفهم! هذا في نظري انسان هوائي اتكالي متكاسل وعمره ماراح ينجح لا في وظيفه ولا في العمل الحر اذا جينا نقارن بين الوظيفه والعمل الحر الوظيفه اريح بمراحل * الوظيفه : هو عقد الحكومة وضعت قوانين تحفظ حقك وحق صاحب العمل وفي شي حتوقع عليه اسمه المسمي الوظيفي ومهامك الوظيفيه تؤديها خلال 8 ساعات عمل يومي او 9 ساعات او في وظايف 12 ساعه بمقابل النظام الرسمي للاجازات ولا احد يقدر يلزمك بالقيام ب شي غير مهامك طالما مديرك عارف انك فاهم و واعي لمهام عملك واخر الشهر تستلم راتبك ميزة الوظيفه مهام محدده والتزام بمواعيد العمل والحضور وعدم الغياب و راتب شهري مضمون لكن في النهايه الراتب عمره ماراح يخليك غني مهما كان راتبك مرتفع الا لو استثمرت جزء منه استثمارات ناجحه العمل الحر اذا انا صاحبة العمل مو مجبوره بأوقات حظور وانصراف ولافي احد يعاقبني علي عدم التزامي بالعمل واحكامه لكن كيف راح انجح فيه واكسب بدون تعب وجهد و التزام ومتابعه و تطوير وحيكون وقتي مقيد بالمشروع اكثر من الوظيفه خاصة الان المشاريع مرتبط تسويقها وانتشارها ب السوشيال ميديا بالنسبه ل رأس المال في مشاريع ممكن تبداء صغيره وما تحتاج راس مال عالي مثل الاسر المنتجه من البيت وبعدها تتطور بأذن الله وفي مشاريع لازم من بداية افتتاحها تكون قويه خاصة مشاريع حضانه الاطفال و صوالين التجميل النسائية الحمد لله حققت حلمي وعملت مشروع كيف احافظ علي النجاح؟ كيف اكسب ثقة المستهلك؟ كيف احافظ علي جودة المنتج اللى بقدمه للجمهور؟ ادرب ايدى عامله؟ اطور المنتج واحسن منه واضيف منتجات جديده بجوده عاليه ومرغوبه. هل البيك ظل طول هالسنين يبيع بس بروست ومكتفي لا طور ودخل افكار و وجبات . . افتكر في جده وانا صغيره فتح مطعم بيتزا شبيه ل بيتزا هت وكان لذيذ وكل مانزلنا جده كنا لازم نشتري منه للاسف ناسيه اسمه والمطعم اختفي من بعد التسعينات يعني المفروض انه اقدم من البيك لكن اختفى لاي سبب من الاسباب اختفي . مثال عالمي نوكيا وين نوكيا زمان و وين نوكيا الان وليه نوكيا علي انها صنعت هواتف ذكيه مو قادره تنافس الهواتف الذكيه ل ابل و سامسونج و هواوي؟ . كنتاكي كانت عنده الخلطه ومو بالساهل حتي قدر يفتح مشروعه وفلس مرات كثيره حتي قدر يفتح سلسلة مطاعمه الشهيره وهو في الاصل محامي . . مثال أقرب للواقع حساب منتجه سعوديه من جده انا شخصيا متابعه لها من 2013 بدأت بدايه لطيفه تبيع كوب كيك ترتبها علي شكل باقة ورد وكوكيز بنكهات و ما شاء الله تبارك الله الان ب 2022اصبح لها اسمها في جده وتمتلك محل حلويات فيه اشهي الاصناف متنوعه وعصاير وحلويات دايت (لمتبعي نظام الكيتو) صح ماكانت ملزمه ب أوقات حظور و أنصراف لكن كان عندها التزام ونظام سواء لما كانت فاتحه حساب في الانستا او حتي وصلت انها تكون صاحبة منشاءه تحت يدها مسؤولية محل و موظفين وموظفات ومنتج غذائي تقدمه للمستهلك يتطلب منها الامانه هذا غير الازمات اللى ممكن لاسمح الله تحصل وتغير كل شي مثل أزمة كورونا والحجر الكامل خلاصة الكلام العمل الحر متعب اكثر من الوظيفه محتاج راس مال محتاج شغف محتاج طموح و ناس صبوره و فاهمه تعمل دراسة جدوي تفهم المستهلك ورغباته تتوجه يا اما تتوجه لكافة المستهلكين او لفئه معينه منهم وبعد نجاح التأسيس لازم التطوير للاستمرار لان السوق متطور وبحر و البحر اسماكه و قروشه كثيره | |||||||||||||||
| |
|
05-07-22, 06:22 AM
| #3 | |||||||||||
 
|
الأمان الوظيفي اولا وأخيرا قبل أي كلام لكن في حالة ازدياد العطالة وين يروحوا الشباب طيب !! العمل الحر هو الخيار الثاني بعد الوظيفة لا تنتظر اذا بلدك آمنة مستقرة ابدأ بأي عمل تحبه واصلا الخروج والدخول وتجميع القرش ع الاخر يرسم لك الطريق وسبحان الله تتيسر لك اما لا وظيفة وكمان احط يدي ع خدي وانتظر الحكومة او الدولة توفر وظيفتي والأ اجلس اندب حظي واسخط ع المجتمع واكون عالة ع اسرتي هذا كلام الفاشلين الكسالى الي يريد يلعب دور الضحية الناس وجدت طريقها تصريج ودلة شاي وبدأت الناس تاكل لقمتها بالحلال دون اتكالية وعمروا بيوت اما اترك الوظيفة والراتب والحقوق عشان عمل حر فهذولا يكذبوا لكن ابدأ بعمل حر الى أن اجد وظيفة او اشوف طريقي هذا رأيي وهو الأصح وسلامتك | |||||||||||
| |
|
05-07-22, 05:45 PM
| #4 | |||||||||||||
  
|
على خطى ( خالد الطلحي ) مجرد إعلان لتقليل نسبة أعداد الموضفين في القطاع العام وإلا لماذا يترك عمل مكتبي حكومي براتب يتجاوز 15 ألف ريال لذهاب إلى البيع في سوق الخضار تحت أشعة الشمس بمكاسب شهريه لا تتجاوز 10 ألف ريال وحتى ولو كان هل تتوقعون أحداً كهذا ناقص متاعب في حياته وهو في الأصل لا يملك ولو مزرعه ..؟ لذلك لا يضحكون عليكم لأن المسأله واضحه وضوح الشمس بآنها مقننه . | |||||||||||||
| إشراق ! likes this. |
|
05-07-22, 09:25 PM
| #5 | |||||||||||||||
 
|
فكرة العمل الحر والقطاع العام هي باب رزق إذا رزقك الله بوظيفة حكومية وتجد نفسك في هالمجال أعتقد أن المحافظة على العمل أفضل من خوض مجال العمل الحر اللي نسبة الخطر فيه عالية ولكن إذا ماحصلت وظيفة ابحث بشتى السبل نسبة البطالة بين الشباب امر غير جيد ورافد من روافد الجريمة والمشاكل المجتمعية لذلك العمل بكل أشكاله ضرورة لشخص ليكون عضو فعال ومنتج موضوع هادف | |||||||||||||||
| |
|
05-09-22, 12:11 AM
| #6 | ||||||||||||||||||||||||||||||||
|
إضافة كافية و وافية غاليتي ، اثرت المكان ,, واتفق معك في هذه النظرة والفكرة ، شكراً جزيلا لرقي الحرف والفكر ؛ مودتي ! | ||||||||||||||||||||||||||||||||
| | |||||||||||||||||||||||||||||||||
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
