يسعد صباحكم مشتركينا ومتابعينا الكرام
حبيت اذكركم بانو باقي فقط 10 أيام ع زمن المشاركة بهالمسابقة
وبتمنى انو جميع مشتركينا الأعزاء يلتزمو بشروط المسابقة حتى تنقبل مشاركاتهم ولوحاتهم
واهم شرط انو اللوحات المقدمة لازم يكونو بقلم وريشة المشترك
وحصرية فقط لمنتدانا ومش منزله بمنتدى او موقع اخر
والمشاركة بلوحتين (منظر طبيعي + بوتريه لاشخاص) وبلالوان

وهيدا تذكير بشـروط المسـابقــة
1~ يجب آن تكون جميع الرسمات حصريه بقلم او بريشة المشترك ولمنتدانا فقط
ولن يقبل آي رسم منقول آو منزل في منتدى آخر ورح يستبعد صاحبه من المشاركه ويلتغى مشاركته

2~ ضروري المشاركة بلوحتين فقط من الرسم التشكيلي {أحدهما منظر طبيعي والثاني (بورتريه) للأشخاص ويجب أن تكون جميع اللوحات بالألوان }
3~ يكتب عباره (مشـارك/ مشـاركه) في موضوع آعلان المسابقه
يجب كتابة أسم العضو ولوغو منتدانا (www.al2la.com) على الرسوم ( لضمان حقوق النشر )

4~ يتم نشر المشاركة في موضوع مستقل في قسم (فنـون مرئيـه ورسـم)مع ذكر
عبارة (مشاركتي في مسابقة رسام المنتدى) في العنوان

5~ مدة المشاركة أسبوعين تبدأ من ( 12 مايو الــى 25 مايو )
أخر مهله يوم (25 مايو)

6~ يتم حسم أصحاب المراكز الآربعة عبر تصويت الآعضاء في موضوع خاص
لمده (3 أيام) من 26 مايو الى 28 مايو
7~ آي مشترك عندو سؤال آو بدو توضيح يكتبو بهيدا الموضوع

وهيدا تذكير بجـوائــز المسـابقــة

المـركـز الأول
أضافة 1200 مشاركة + شهادة من تصميمي



المـركـز الثانـي
أضافة 1100 مشاركة + شهادة من تصميمي



المـركـز الثـالث
أضافة 1000 مشاركة + شهادة من تصميمي



المـركـز الرابـع
أضافة 900 مشاركة + شهادة من تصميمي



بـاقـي المشتـركيـن
أضافة 700 مشاركة

السلام عليكم ورحمة الله وبركاته
وأسعد الله مساءك الدري بكل خير ~


مسابقة تلامس شغفي وسأشارك بها دون شك

لكن عندي مداخلة بحكم أن لي باعٌ طويل في مجال الرسم
الرسامين مختلفين
وكلُّ واحدٍ منهم يتقن مجالاً معيناً من مجالات الرسم
فرسام البورتريه لا يتقن الرسم الهندسي
ورسام الرسوم المتحركة لا يتقن الفن التراجيدي
وهكذا


فكوننا سنرسم نوعا رسم في آنٍ معاً أجد فيه صعوبة
لأن مجالي في أحدهما فقط
أما الآخر فلم يسبق لي الخوض فيه !!


بناءً على ذلك أعتقد أني سأفوز وأخسر في آنٍ معاً


امتناني لروحك العطره

مشاركة .. رغم الظروف

وعليكي احلى واغلى السلام
ويسعد مساكي وكل اوقاتك عزيزتي أورانوس
عودا حميدا نورتي المنتدى والمسابقة وسرني انها راقتلك
بتمنالك كل التوفيق واكيد رح تنورينا بمشاركتك الانيقة

وبخصوص مداخلتك
بعرف غاليتي انو الرسامين وأنواع ومدارس الرسم مختلفة وكل رسام مبدع بمجال خاص
لهيك حبيت اعطي نفس الفرصة للجميع كرمال يبرزو مواهبهم وفنهم
والجميع رح يشارك بلوحتين (برسم لوحة طبيعية وبورتريه عن الأشخاص )يعني نفس الطلب للجميع
و الهدف من المسابقة انو الرسام البارع في رسم البورتريه ينبش ويدور عن اخراج
طاقاتو الابداعيه بمجال رسم اخر كرسم الطبيعة
ونفس الشي للرسام المختص برسم المناظر الطبيعية هيدي المسابقة رح بيلاقي
الفرصه كرمال يمارس موهبتو بمجال البورتريه ورسم الأشخاص
لآني متيقنه بانو الفنان المبدع رح يبرع بأكثر من مجال وهيدا ثقتي برسامي ورسامات منتدنا الموهوبين

آرسلت مسج تذكيري عبر الخاص
لكل الاعضاء الكرام يلي سجلو رغبتهم في المشاركة
بأنو باقي فقط 9 أيام ع زمن المشاركة ,, اخر مهله يوم 25 مايو
ونشالله يلحقو يشاركو خلال هالفترة ويبهرونا بلوحاتهم الرائعه
وبالتوفيق لالهم ولالي وللجميع